Chawlhna Luikam

Kum hi a ral lek lek tawh a...

2011-12-28T22:03:00.004+05:30

Kum sawm leh kum khat zet vai ramah ka tei bo ve ta. Kum nga zet hetih hun hma hian Zawlkhawpuiah zirna run belin ka awm tawh bawk. Vawiin ni hian kum sawmthum (Mizote kum chhiar danin) an tih ang hi ka lo thleng ve ta a. Tawngkam thleh mawi ka tum lo va, ka pehhel dawn hek lo.

Tin, heti a nih si chuan kan khua ka chhuahsan laia aia u deuh ten fa sen awih pahin, "I la rawn rim thin ang a" an tih fiamthu kha atakin a thleng ti tih dawn der mai hi a lo ni a. Mahse, ka rim lo ang *evil green*

Hun hi a va ral chakin kum hi a va ral teuh tawh tak em ve aw... te ka ti vel mai mai a. Mifate chuan IAS te an pass a, doctor te an ni a, kei ve erawh chu angai ngaiin siamtu siam dan ang deuh thaw in til then na lam lamah ka la then ve mai mai chu a ni si a. Kum hi a va ral chak teh lul em!

Ngaiteh, kum kal ta ah chuan zu ka in ve zeuh zeuh va, zial ka zu a, kuhva ka ei ve thin. Kum te an lo ral ve zel a. Sipai lubawk ah ka tling ve ta hlauh mai a. Chutih hunlai chuan lehkha zir hi ka tui thar leh ta thut mai a. Zial chauh lo chu ka ban san ta a.

Chuta tang a kum sarih a liam hma loh chuan Chawlhni tlai tin Bar-ah Maaza ka in ve thin. Hetih hunlai vek hian sap ram hmun hrang hrang ka tlawh ve a, thianghlim takin a ngaite te in ka rawn haw leh thin.

Hre rawh khai, kum sarihna a lo liam a, kum riatna a lo zawh dawn meuh chuan beer no khat hi ka dawm ve ta ziah mai a. Kum sawm a lo nih meuh chuan Mild beer um khat hi ka quota ah ka pawm thei ta mai a. Vai thian ten "Mr One Kingfisher Premium" min ti fiam ta fo mai.

Hetih hun chhung zawng erawh hi chuan ka sipai quota an tih ang kha ka la ngai chuang hauh lo a. Unau zu in mite nei ve mah i la ka hawn ngai hauh lo. Mizoramah khap a ni si. Midang in tur a hawn kha sual a ni ta daih mai a.

Kum a lo liam leh a, 2011 krismas haw tuma ka inpuahchah meuh chuan "Khaw'nge, zu chhia an in tho tho, kumin chu i hawn sak ve teh ang khai" tiin ka in hnawh puar ve a. Vanduaithlak tak maiin Chhandamna Camping lamah nun thar changin an lo in loh lai tak a ni si. A ngai ngaiin ka kawl ta reng a.

Mahse, mahse... ka tan chuan kumin krismas erawh krismas thlamuan thlak ber niin rui hmel hmu hauh loin inah masi ka hmang liam ve ta a. A lo va han nuam ngai em.... zan dar sawm leh pahnih biakin dar a rawn inkhawng ri a, an lo la haw loh hi chuan khang zan te kha zan nghahhlehawm a va ni lo thin tak em! Tum thum vai ramah masi ka hman phah a, ka haw chhunah lah thiante bulah kal ngam lo in u te haw hun kha ka lo nghak thin a.

Keima tana ka beer hawn ve pawh chu in tul ka ti ta bik lem lo a. Vawiin ni ah hian ka hlim em avangin ka rawn theh then ve che u a ni e. Kumthar chibai vek u le!

Inkhualtelem

2011-10-26T02:13:00.002+05:30

Ka thianpa khan GI Joe kha a nei ngah thei khawp mai a, chawlhni inkhawm banah khan ka va han kawmngeih thei tak e awwwwww ! :)

Inkhualtelem hi han sawifiah vak angai hran lem lo va. A mah hian a chiang tawk em em mai a ni han ti dawn i la exam ni ta se, mark ka hmu tlem dawn bawk si a, khaw nge i han sawi zau dawn teh ang hmiang.

Zanin chu kan thianpa haw tur kan zan hnih thlahna a ni ta. Nizan ah kan thlah rei lutuk a, tukin zingah rel a lo va um ni awm tak a ni a. A hmuh hman awm chhun rel hnung a X ti inziak chu ui tak chungin a thlir liam ta a. A um phak tak lo vah chuan thlawhna tum hmunah te a lo va tei raw lai a, ticket a chan chuan loh avang a rawn let leh hi a ni a.

Ka ban tlai deuh avangin ka mobile ka han tih nun meuh chuan thuthawn a lo awm a. Ka han chhiar a, "Zanin chu in thlah leh i la" a rawn ti heu mai a. Khaw nge thiante haw tur chu Zoram ngaih a kiam mahna tiin ka in hawl chhuak leh ta a.

Hmaaan a Kaartunlawma ka tih thin in ah khan ka va lut hlawl mai a. Vur siamna khawl chungah hian Bus te, Rel lu te, Kangthleh mawtawr te leh helicopter hi a lo in tlar a. Chung te chu nizan lamah hawn tura a lei a thun theihnghilh te an ni a.

Ngawi reng chuan Bus chu ka han start vu hluah hluah mai a, nula awm ta lo chu kan thianpa pakhat hian "Kei helicopter pilot" a rawn ti var a. A helicopter a tih nun hma chuan a dang leh chuan kangthelh mawtawr hi a rawn hum chhuak vat a. A la bang awm chhun rel chu hmanhmawh mangkhengin a rawn chuh ta vat a kan thian la bang ve bawk chuan...

Tichuan inkhualtelem chu kan tan a ni deuh der mai a. Patling zahmawh thankin thuau tawh awmkhawm chu kan vu ta hlurh hlurh hlawm mai a. Kan inkhualtelem theme chu time machine hi a a ang ta ber a.

Pakhat chuan Rel chu a han ti "dak thlarh dak thlarh" a, Kei chuan dawhkan sirah chuan ka bus chu ka han ti vu hluah hluah a, kawngkhar chu ka han hawng zau deuh sauh a. Kan thianpa rel man hman lo bera chuan hmanhmawh em em hian min rawn pan a, mahse ka bus neitupa hnenah ka duty ka zo tawh ka lo ti lak lawh tawh si a, ti chuan a ni mangang chuan helicopter pilot chu a han phone a.

A ni chuan rang em em in kan dinna chungah chuan a rawn vir ta vut vut a. Ka thianpa chuan a tum pawh nghak lo a han zuan chhoh mai hi a tum a. Vanduaithlak takin helicopter chu a alh ta puat puat mai a. Kei chuan a rang thei ang berin kangthelh mawtawr chu ka han fawn a.

Kangthleh mawtawr chuan tui hi a lo pai reng reng lo mai a. A va chawi chawp a, a rawn thlen meuh chuan a lo kang zo ti tih tawh a. Thelh tur a bar a awm tawh loh avangin a tui chawi chu dawhkan ah chuan a han sem dan dan a.

Kan thianpa lunghnur lutuk indawm kun reng lai chuan Zoram lam atangin phone a rawn ri ral ral a, chhan zai reng a rel thei ta lo. "Pick up rawh" tih pawhin signal a chian loh thu chiah chu ka chhanna dawn chhun a ni ta.

Chutih lai tak mai chuan a in nei tupa ber chuan chawhtawlh a rawn hunga, a chhungah tui a rawn chhung khat puau mai a. Tah chuan bel kum phit phet te reuh te hi a rawn dah lang ta va va mai a. Thirfian pathum a rawn chhawp bawk a, "Kha Sri Lanka lam atangin kualin Tlabung lamah kual tawh mai rawh" an ti mai chu(h)!

Kan inkhualtelemna bungrua zawng zawng chu bag chhungah an lut ta dial mai a. A hrilh hai thlak duh phian mai a. "Tea set zawng zawng nen a bang thin" tih tet lai a mi te pawh min ti hre chhuak ta rum rum a. Naktuk zingah chuan a haw thei tawh em ang chu maw ti chungin chaw kan ei ta hrek hrek hlawm a.

Tichuan kan inkhualtelem chu kan lo zo ta a, mahni riahna lam panin kan tin darh ta a...

Zanin chu maw...

2011-08-31T23:19:00.003+05:30

Zanin chu maw ka nau in min rawn phone a, ka u te inah a lenga naupang hoin min biak duh thu a rawn sawi a. Ti hian kan in be ta a...

A te ber Rotawta chu ka be hmasa ber a. Pawl li zirlai a ni. A hming Rotawta tih hi a tetlai a ma inphuah a ni a. Kan thenawm hnaiah reng reng Rotawta tih hmingpu erawh an awm hauh si lo. A ke a chian loh a vangin a kal thei lawk lo a, tawng lamah a ka a kal em em thung a.

"Rotawt, i dam em?

"Dam chiangkuang khawp mai!"

"Zanin i bialnu i rim lo em ni?"

"Min ban a. Apute, hei Lal a u te hian games khelh ve an phal lo va" a la rawn ti zarh zarh a.

I u te ka lo bia ang e kan tih leh aw tih kha a rual a a u chiah pawl ruk zirlai Sangmuana hian min rawn be ta a, "Bawihpui, enge in tih a?" kan ti a. Au Malsawma'n games a khel a, kei chu hla ka download mek tiin min chhang a. A ni hi chu rilru tha ngang hi a nia, a nau hian mitmeng ringawt pawhin a vel thei thin.

A tawp berah chuan api tupa chuam Malkawtawma chu ka be ta a. A ni hian kumin kumtir lamah khan district aiawhin science tih that lawmman Aizawlah a zuk dawng ve tawh a. Rei vaklo kan inbia a, a ni hi chu tawng tlem ngang hi a nia. "I til pawr aw ve tawh a ni maw?" tiin kan fiam hlut a. A ni chu sawi tur a hre tlem bawk a, mobile thar a awh thu min rawn chah a kan tawp ta a.

Ka ngaihtuah ta mai mai a. A upa ber pawh kum 13 vel a ni a. Mobile a te ber tih loh chuan an nei ve ve a. Internet pack nen an hmu ve ran mai si a. Enge internet ah chuan in tih thin ti a ka zawhna chu a te zawk chuan hla leh thlalak vel a download thin thu min hrilh a. A u zawk erawh chuan news a chhiar thin thu min hrilh a.

Ka awih lo han tih ngawt chu a chi si loh a. Ka u te nupa enin ka u zawk hi erawh graduate ve in a hawiharh viau a, computer erawh typing a thiam tawk tawk a. An pa hi sawrkhar driver siniar ve tawh niin zu bawih ah a tang ve a. An faten internet ah enge an khawih tih chu sawi loh, mobile atangin computer ah an thlunzawm thiam a ni tih pawh hriat ngaihna an la nei lo zui a. Computer ah internet kan pawt lo tiin min chhang a. Rilru a vak thui duh ngei mai.

Nikum krismas zawh hlim ka birthday zanah ka hriat ngai miah loh call ka dawng hlawl tawh a. (Ka phone pakhat zawk hi number ka dah lem lo na a, FB, Google leh Yahoo account hi ka sync avangin ka hriat lem loh number a awm nual a) Samson Tlau tih hi a rawn lang a. Ka rin dan chuan FB Tlau community vel a mi a nih kan ring ngawt a. Ka pick up duh ta lo a. A rawn tih leh thin avangin ka la ta a, "Happy Birthday" tih aw ka hria a, "Tunge aw?" kan ti hram a. "I u maw le" a rawn ti ta. Ka bo tawlh tawlh mai a. Mi pawh i hre nang e a rawn tih takah chuan ka u, missionary hi a lo ni a.

He ka number hi ka chhungte hnai deuh chauhin an hriat avangin ka bangbo teuh khawp mai. A hnuah chuan a fapa pawl 10 zirlai hian phone atangin a lo FB thin a lo ni a. Ka fapa a ni tih ka hrechhuak ve ta chauh a. A hnu feah a wall ah tleirawl pakhatin a tahiran sak a. Bawihte, kan va in luck hleih ve ka va ti a. "Apate, in hre lo der ang FB ah chuan " tih tawpa smiley hi message ka dawng a.

Heta ka sawi tum zawk a tak chu tunlai finna leh thiamna sang zelah naupang ho hi tawktarh tha tak an ni si a. Tha leh tha lo an la thliar hrang thiam dawn si lo va. Hman tangkai ngaihna hi an hriat ka la ring lo reng reng pek a kei hian. Hetiang ka naute ang hi an tam dawn si a awwwwww ka ti vawng vawng a. Peer pressure a lo sang tawh si, hum sual dai palh theihna kawng hi an tan hian a va han tam bik em!

A rem si lo (Part I)

2011-08-05T01:23:00.004+05:30

Keimah in khumah chuan ka let ka let a, “Hei hi em ni hmangaihna chu?” tiin. “Hmangaihna hi a lo awm tak tak em ni?” tiin keimah leh keimah chu ka han in zawt a. Chu zan thiang reh tak chuan chhanna reng a rawn phuh chhuak si lo.

Ka mitthla ah chuan hun kaltawh te chu a rawn inlan chhawk sek a. Video Cassette bal zet tawh ang maia fiah lo ruai hian a sakhmel chu a liam leh thin a. Ka mut a chhuak hlawl lo a ni.

A mak teh e. Chutia ka leh ka leh lai chuan suangtuahna nen nunhlui ramah ka kir leh ta a…

“Rel bal zet ah chuan a hmel hmuh chak em avang chuan thutna pawh changlo in ni thum zet ka chuang tawh a. Guwahati luh dawn ruai a vai ho Aizawl ticket min zawrh pawh chu ka hrelo lui der tlat a.

Chawhnu herah chuan Guwahti rail station-ah chuan a in hnuk lut bauh bauh a. Ka rilru erawh ral leh lam mawi takah a thlawk delh delh a. Station a rel din rual chuan rang mangkhengin ka petek chhuak nghal a. Puakphur ka mamawh lo va, zang vah hian ka thlenna tur lam hotel panin ka in ak chhuak ta a.

Vandana Hotel lam rilru ah a lang lo va. Hmun biru ve deuh lai a tlem a mawihnai deuh lai hotel chu ka pan ding ta vat a. Ka tan leh a ni tan tiin single room pahnih chu ka booked ta a.

Ka inbualfai var a, kei leh kei lo angin nghah chhungin beauty parlour ah facial an ti emaw ni te kha kalo ti ve khawng khawbai a.

Kan khaw mobile a thawh tawh loh avangin PCO ka pan a. Huphurh deuh si chak deuh bawk si hian ka han thai vir pawp pawp a.

“tring.. tring.. tring..”

A tawpah chuan a rawn pick up ve ta hram a. Sawi mai tur ka hriat loh avang chuan “Khawiah nge i awm?” kan ti ngawt a.

“I rawn thleng tawh em ni?”

“Aw, thleng tawh e. Chuan…”

“Aaa cancel mai i la…..”

Ka hamhaih bawk si chuan, “I tih te chuan i thu vek a lawm” kan ti thla ngawt a.

Mahse, “Eng kawr nge ka rawn hak ang?” tih chuan min thlamuan ta huai a.

“Ruaka I rawn kalloh chuan a tawk mai” kan ti thla leh ngawt pek a. Ka thiam loh a ni lo. A thawmhnaw hak kha pahnih chauh ka la hmu miau a lawm. Han thlang leh tur chuan a rawng leh design pawh ka hre tawh hauh si lo.

“Tun atanga darker 3 ah chiah chiah ka rawn thleng ang, ka rin ang i lo nih tak tak chuan min hre nalh mai ang” a rawn ti ta a.

Engtin nge ka lo hriat ngawt ang? A thlalak min rawn thawn hnuhnun ber pawh kum 4 lai a liam tawh si a. A lo danglam viau ang em?

Huphurh rilru tak chak ang reng bawk si chuan darkar thum chhung tawm ngawt ai chuan tiin Paltan Bazaar ah chuan ka tei chhuak ta a. Mak tak maiin vaiho tei vel pawh chu an hmeltha ta riau hian ka hria a.

Behliang mun hun vel anih chuan Hotel lamah ka kir leh ta a. E-mail atang chuan a thlalak hlui ka neih ang te chu kan print leh hnuhnawh a. Khuain tlai lam a pan zel a, a hnim deuh ruai a. Unau hmel hai a nih meuh chuan rual mal a tla ta phauh phauh mai a.

Hun ka han en a, darker thum rik nan minute sawm panga chauh a awm tawh avangin front office ah trunk call ka zuk dil ta a.

A tlang lawk thei lo a, ka lungphu chu a rang tual tual mai a. A tawpah chuan a tlang ve ta hram a. “…aw.. minute sawm velah… ka huphurh e!”

Keipawhin ka huphurh ngei mai. Darthlalang hmaah ka han in en leh te te a, lobby panin ka chhuak ta a. A vawt ka tih vang pawh ni lemlo chuan ka chhungrilah ka khur ru der der a.

Hotel kawtah chuan rei vaklo ka ding tihah chuan sumo hi a rawn ding a. An han chhuk sap sap. Thinphu dep depin ka lo thlir reng a. Ka dinna lam kawngkharah chuan vainu pawr ve tak hi a rawn chhuk a. A ni kha chu ni theiin ka hre bawk si lo.

A hnunga bungraw hlangthlak lo dawng tur ka va hmu a. A ni… hnung lam atang pawhin hai rual a ni lo. Tichuan….

…………………………….to be continued

Sipaiah ka intlar ve a...

2011-07-22T23:31:00.003+05:30

Naupan lai (ti ve khanglang i la!) chuan silai hi mipa naupang kha chuan kan han lawm thei khawp mai a. Sikul banah kan 'in theng kah' thin a. Bihrukna atangin chal akn ti lawr dek dek a, "I thi" an rawn ti lauh mai a. Pil zak pahin "ka pil hman!" kan han ti hram thin kha tunhnu hian a lo ngaihawm ta ngawt mai.

Silai sawi takah chuan mi dilah kan cheng ru a, air gun (.22) hian a neitupa hian min tin a. Kan han hlau mai mai khawp a. Kan thianpa pakhat tuichen thiam vak lo hi a thuk lam panin a lut phei ta mai. "Ka thaw thei .. ip..." a tih dawn meuh chuan dil neitupa tuiah a zuang thla vat a, a va chhar ta a. Keini erawh remchanna leiin hlau bak lengin kan tlan chhia a. Tlai lamah inlamah kan inhmu ta tham tham a.

Tuichen sawi takah chuan Champhai Holy Cross sikul ho hian hostel a awm te tan dil thianghlim tak an nei a. Chawlhni hian kan cheng ru thin a. Kan zinga rual u ve tawh tak hian hostel tleirawl ho hma ah chuan kekawrte phelhin a 'mihur' tui hleuh zak zak mai a. Chutih lai tak mai chuan an Brother a rawn tlan thla ta mai. Midang zawng kan tlan chhe hman a. Tui a cheng ber erawh tlan chhuah chuan a ruak ve laklawh tawh bawk si. An in man chiang teh a sin.

A thupuiah lut dawn tawh i la. Heti hi a ni a, pawl sawm kan han zo ve a, kan zirlai pui pakhat chu sipaiah hian a tui em em mai a. A intlar deuh reng mai a.

A thlawn a intlar theih na na na chu tiin tum khat chu lawng sipaiah ka va intlar ve ta a.

Written chu kan zo mai a, result pawh objective a ni bawk a a chhuak nghal mai a. Chawhnu lamah chuan medical kan nei dawn ta a. Mizo keimah chauh ka tling a. Tichuan, kekawrte nen kan ding ta thau mai a.

Lawng sipai dawktawr pa chuan a mal te te in a rawn en fel a. Ka zawn a rawn thlen chuan a kut zungtang chu hnuai lamah a ti bu nghauh a, "Phelh rawh" a tihna ni ah ka ngai ve mai a. A kutkawr bun chu an siam tha te te a, "Pull back" a ti leh a. Ka ti ve leh mai a.

"Khuh raw" a ti leh a. Ka khuh kharh kharh a. Ka nuih a za ta tlat mai a. Daktawr pa chu a thin rim ta a. Min hau ta hrep mai a. Ka chip ve tak reng a vang chuan min kal pel ve ta a. Ka piah chiah a ding Naga pa chu a han ti ve leh a. Ka va melh ru a. Ka insum zo ta ngang lo a, ka nui ta vak mai a. Rum tawkin min rawn melh a "Nang aiin a*** lian!" a rawn ti kha ka nuih a za tawlh tawlh ta mai a. Min hnawt chhuak ta a.

Physical exam an ti ve a. Panga la tling zingah khan hun tiam chu sawi loh tlan thleng hlei thei kan awm lo a. Mahse midang an awm miau si lo va. Ka tling ve leh ta a. Hemi tum hian keimah chauh Mizotling ka awm a, ka zawm ta lem lo.

Tum hnihna....

Tin heti hi a ni a. Tlai khat kan sikul bang haw lam hi AR lammual ah khian sipai an lo la leh mup mup mai a. Hei ve thung erawh khawmual sipai tur a ni an lak ni. Thianpa sipai ngaisang deuh pa chuan "Hawh u i zuk in tlar ve ang u" a ti ngawt mai a. Pali kan ni a. Kan zuk thlir a, clerk tur khan kan zuk intlar ve leh ringawt mai a sikul uniform nen.

Khawmual sipai chu an dan a lo dang a. Intlansiak a beih hmasak tur hi a lo ni a. Uniform nen chuan kan in tlar ve a. Lammual bial hian hrui an hling a. Mihring pawh an tam khawp mai a. Vawi li tlan hel tur ni ta in ka hria. Vawi khat kan tlan chhuah chuan sipai tan chak ber chu a thal ta tawp mai a. Ka la tlan ve zel a, vawi 3 na ah chuan thian dang 2 te pawh chuan min peih loh san ta a.

A tawpna tur chu ka tlan mek a, ka lu hi a hai nasa tawh khawp mai a. Chhim lam goal ban ka tlan pel ta, ka leh pel ve teuh mai . Ka tlan thleng ve dawn chiah tih ah chuan sipai lo ding chuan an hrui zen ken chu an lo pawt chho thut mai a. Ka tling lo chiah chiah hi a lo ni a. Ka tlin teuh em avang chuan nge ka chauh em vang pawh ka hre tawh lo, ka mu lui ta tlat mai a. Sipai 2 in min zawn chhuah lai erawh ka la hre vuai vuai a. Hei erawh ka tla hma ngei mai.

Tum thumna....

Pawl sawmpahnih ka zirlai hian hna hi ka zawng ve nasa hle mai a. Future Vision an tih ah te khan kan thawk ve zak zak a. Exam leh interview theih kha chu thelh kha ka tum lo hrim hrim a. Bula mi ten an zir a niang Airmen exam tur chuan form ka thehlut ve leh ta a (zawm ka tum pawh a ni hran law!)

A hun a lo thleng a. Written kan exam lai chuan ka bula thu pa hian a rawn entawn a, ka zo tawh na a ka la thu reng a. Vanduaithlak takin min man ta hlauh mai a. An squadron leader pa chuan paper pawhthlak leh min ben an rual thuai mai a. Thlawkna sipai ho chu an va sual mai mai ka ti rilru ngam tawk a.

Ka paper a pawtthler a, a thar min pe a. Mahse, hun kha darkar chanve pawh ka nei tawh lo va. Ramhuai speed chuan kan ziak zo ve leh hman hram a. Result an rawn puang a, ka tling ve leh ta hlauh mai a. Medical neih a lo hun leh ta a.

Airforce ho tih dan chu a dang khawp mai a. Room khatah hian bang hawi zawng hian kekawrte nen kan ding thap mai a. Mawng hlui deuh deuh leh thing ve tak tak hmuh erawh chuan ka zam ta bik em lo va. Khatiang a in check up kha tun thleng hian ka nuih a la za nia maw le.... :D

Kha mi tum khan intlansiak lam reng reng a awm ka hre ta lo. Boruakah chuan tlan a har deuh a niang. Tin, khami tum khan Mizo paruk kan tling a. Pakhat chauh khan a zawm ta in ka hria. Tun hnuah Port Blair lamah a awm thu ka dawng.

Intlar vawi li-na....

Hemi tum zet hi chu tum vang pawh ni tawh lo in NDA exam tura ka inpuahchah lai a ni a. Thiante lawng sipai exam tur ka kalpui a, application pawh ka submit ve lo va. Mahse thiante exam lai chuan a rawn la tupa chuan min fuihpawrh ta a. Hun tawp dawnah chuan ka va thu ve leh ngawt a, ka tling ve leh ta mai a. A tukah document te ka keng chawp ta ruai a.

Medical exam pawh ka hnehsawh tawh khawp mai a. An sawi hma hma khan ka lo Adama suit hman vel a, a in dawt dan pawh ka lo sawi lawk zung zung thei tawh a :P

Hemi tum hian Mizo pali kan tling a. Kan zavaiin kan zawm ta dial a. Tum loh deuh mai sipai lubawk ah kan tang ta reng chu a nih hi :P

A tlang kawmna...

Eng vanga he thu hi ziak vak nge ka nih pawh ka hre lem lo. Ka pa hian sipaiah i tling thei lo hrim hrim min ti tawh a. Mahse, thlawhna leh lawng sipai ah chuan ka tling ve chiang kawp mai (lawng sipai phei chu vawi hnih :P) Khawmual sipai erawh thiam lam en hmain tlanchhiat chak leh chak loh min tih tir avangin ka tling zo ta lo va ... ha ha ha..

Ka thiante ho hian ka tlin hlim hian kan thenawm pitar hnenah " A ni chu lawng sipai te chi ah a tling a, zu te chi a dawng ang a, hlawh pawh a te chi..." an lo ti a ni awm a. Zawhna ka dawng nghe nghe! :D

Tin, heti hi a ni a, hun leh kumte an liam zel a; tun atang a kum li hnuah chuan pension hlawh ka lo la ve thei dawn tawh reng hi a lo ni a...

.....auh ruai ka nuam thin e nunhlui zamual liam hnu...

(Note: Sipai tan chak ka tih pa khian a chhiar ngei ka beisei a, a comment ka lo nghak nghe nghe. Tunah Army ah tangin Haiti lamah UN Peacekeeping Force lamah a awm ni awm tak a ni. Ka sipai hnu ah a rawn training zo hi Aizawl a ka u te inah a rawn leng a, ti ti a thiam bawk a a haw meuh chuan ka u chuan "I thianpa chu sipai tak tak a nih kha. Silai te hi in kap ve ngai lo vem ni?" min ti hlawl mai! :D)

Hmangaihna leh zu

2011-06-19T16:52:00.005+05:30

Hmangaihna history leh zu history hi sawi kawp loh theih a ni lo va. Khawi zawk nge chhuak hmasa tih pawh hi ‘artui nge ar note’ tih thawnthu ang vel a ni awm e. Mizote hi hmangaihna ngah tak kan ni kan tih chuan ‘zu duh tak’ hnam kan lo ni tih pawh hi thudik awmsa ni awm a ngaih theih tur a ni ti kan awm a nih pawhin a diklo bik chuang lo thei awm e!

A tirin thu a awm a, thu chu tisa ah lo changin , tisa chu zu hmangaihna ah a tlu lut ta nge chu ka hre zui ta lo. ‘A nawmna leh hrehawmna hre turin’ ti a sawi te pawh an awm awm e. (A bul erawh nawmsakna leh hrehawmna puipa tura siam ti te pawh an awm!)

Amaherawhchu, eng ram leh hnam thawnthu ah hian nge zu tello a hmangaihna a lo pian chhuah a, hmangaihna tello a zu chauh a lo mal tlat tak? tih hi ka ngaihtuah ta mai mai a .

“Kan Zo thawnthu ah pawh hmangaihna a lo lan a piangin zu hi a serh zinga a mei ang maiin a lo in rawlh ve sek a. Shakespeare atanga M&B thleng hian zu hi hmangaihna nen an lo chawhpawlh tawh” an ti, chhiar mi ten.

Mizote leh khawthlang mite kan danglamna chu, ‘anni thawnthuah chuan zu a lang phawt a, hmangaihna a lo piang thin a’. Keini ve thungah erawh chuan ‘hmangaihna a rawn lang hmasa phawt a, zu in a rawn zui ta thin a ni’ pawh ka ti chuang lo a.

Hmangaihna nen a zu thlit karh karh kha chu ruih sual pawh a lo har deuh bik a. Tunlaia a ruk a ral a hmanhmawh pheleng a ‘hmangaihna tello a zu in’ thin nen chuan a danglam deuh a ni awm e ti a sawi an awm pawh ka ti bawk hek lo.

Engpawhnise, mi huatthu ka sawi em lo ang chu maw? Ka hum lo ka lo dai palh a nih pawhin min lo ngaidam ang a, min ngaihdam loh pawhin pawi ka ti chuang lo a. :D Hmangaihna leh zu inlaichin dan ka han thai lang mai mai teh ang….

1. 1. Hmangaihna hi ruihsual theih a ni, zu ang bawkin :P

2. 2. La tem lo ten zuin hi a thalo an ti thin ang bawkin hmangaihna la tem lo ten hmangaihna tak tak a awm lo an ti chawk!

3. 3. Zu tem tawh chu an zawng chhang tlangpui a. Hmangaihna tem tawh lak lawh chuan hmangaih tur hi an hmu zung zung mai an ti :D

4. 4 Hmangaihna hi khap chi a ni lo va, chhungkua leh khawtlangin duh lo viau mah se an thih pui thak thak mai. Chutiang bawkin zu pawh hi khap eng ang mahse an thihpui thak thak mai :D

5. 5. Sawi duah tawh lo mai ang. Hmangaihna leh zu hi mimal duhthlanna liau liau a ni a. Inhnawn luih chi a ni lo. Hrui a hlin beh chi pawh a ni hek lo.

A duh duh lo in hmangaih se la, a duh lo lo Pu Pawla’n a lo sai ang a. Zu pawh a duh in in lo se, a in duh duh kha chu kohhranin sai ve mai rawh se…….. tih hi mumanga ka hmuh pawh a ni chuang lo :P

Bike thar ka nei ve ta!

2010-10-21T23:50:00.005+05:30

Hun rei tak a ni ta. Ka lo vak bo rei thui deuh a ni ang e. A bul tan nan ka thil thar neih ve hi kan sawi ve teh ang.

Archives in en chuan ka post hi kum telin a tlem tial tial mai a. Kumin phei chu 3 chauh a la ni! Hnar hnuaiah phatna a awmlo an ti a ni lawm ni kha! A chhan pakhatna ah chuan ka thatchhia a, pahnihna ah chuan duhthal a duh hawi zawng zawng sawi hi India Constitution hian min phalsak ve hauh lo mai a. Rei fe ka buai hnu ah Unofficial-in phalna ka hmu ta chauh a. Ka e-mail thlengin min check sak vek hnuah ziak leh thei tawh turah in ngai i la. SNS tak ngial ah pawh thlalak chu sawi loh hming lem/ pen name kan hmang reng rih zel phawt ang.

A thupui lamah aw.....

Tin, heti hi a ni a, tuifinriat lama kum tel ka cham hnuin nikum June thla khan khawmual lamah min dah ve hlauh mai a. Kum hnih/thum tal awm ve beisei lai tak mai in kumin february thla tirah khan FAX ngatin ka transfer order a rawn thleng leh ta a. Ni thum chiah hun min pe a (Bungrua ka la nei tlem tih an hria a :D). Angai te bawkin February ni 10 khan lawngah ka in pu lut leh ta a.

Mumbai ah ka lawng a la cham bang a, May thla tawp lamah chuan ka awmna thar tur lamah kan hawng ta a. Ngaiteh, lawng chawlhna atang chuan khaw hnai ber pawh kha chil chhak phak a ni ta hauh lo mai a. Thingtlang a la ni zui a. "Zanin chu pawnah kan ei chhuak teh ang" tih pawh kha ke chuan restaurant hnai ber (awm chhun :P) pawh kha minute 40 dawn kal a lo ni ta a.

Bike ka lei ve teh ang ka ti a. Ka neih sum te ka han dap khawm a. A hlui ka duh ang ka hmuh mai loh avangin Pulsar 135 LS te kha ka lo melh hman tawh a. Mumbai lama ka thawhpui hlui ta RX G 135 cc ve ngat kha "I duh chuan i nei dawn nia" a rawn ti ta hlauh mai a. A that leh that loh lam chu dahtha ta i la, ka inhmeh tawk dawn viau in ka hre ta a.

Khuangchawi thla a lo de a, Mumbai lamah kan zin leh ta hlauh mai a. Sangnga lai te chu chhiar ve mah se la, Sanghnih pein 'a siam man a zirin' tiin ka hneh chhuh ta a.

Zan khatna ah chuan thianpa Benjamin a a rawn leng a. In ti polite fahranin "Ka va thlah ang che" tiin ka hawl chhuak ve a. A vawikhatna atan! A light chu High Beam ah chuan a eng ve thei a, amaherawhchu a chhun hniam cher cher khawp a, a ke hma kan hmu chiang tawk vel chauh mai si a. Tlan chak pawh tum i la, a ngaihna a awm rih lo a ni e.

A awmna leh ka awmna lai hawl vel tak maiah khan a petrol a zo ta tlat mai a. Tlem te chu kan nawr hram a, a thar lawm nan!

A tukah workshop-ah ka tlan luhpui nghal a. A nun laklawh chuan a nung tha khawp mai a. "A chhe lai lai kha han siam phawt teh", kan tih ngawt mai a. Ka chuan laia dinglam nger tlata ka inhria kha a chassis a lo kawi hi a lo ni a. Thlak tur zawng zawng a han sawi chuan a man let dawn sen a ngai ta mai a. Servicing phawt teh ka ti ta a. Ka tlan chhuak tur kha a clutch handle hi a tla ta daih mai a. Ka zuang thui khawp mai :D ( Ka tlan haw lam, Colaba, Mercedes leh Ford car man to ber ber zinga an rum ve hlat hlat mai chu a chhunga chengte pawhin awt ve tih hriat tak hian min thlir dauh dauh mai a ni)

A la tlan theih tho hi tiin ka awmna lamah ka phur liam ta a. Sunday zan khan a thar kan lawm tha leh a. Kawng khuar lai ka dai palh hlauh mai a. A head light chu a thim ta daih mai a. Kan sawi vel a, a eng thei tawh si lo. Tichuan, kawng khuar lai ka dai leh hlauh mai a. A rawn eng leh ta a. Kha ta tang kha chuan a thim palh chuan kawng khuar deuh lai zawngin ka mobile a torch light ka seh kawh a muang fahranin ka tlan de de tawh mai a ni.

In ngaih ang em em chuan a chhe bik lo a. A chahbi vuahna hi herh uluk deuh a ngai a. A tanky hi ben hawn theih a ni bawk a. A hnung lam light pawh a la invuah ve a, wire a inzawm lo mai tih loh chu! A hmel en pawhin a la thar tha khawp mai a.

A nun theih loh chang erawh pawhin han namthlu tawp i la, han kai tho leh i la, a nung ve leh mai a. A engine pawh a ring vet vet khawp mai a. A taksa pawh thirzai a la tawnkhawm that tlat a ni a. Mipawh a la phurh theih a. Weekend a Goa han fawr lawk nan erawh midang bike hawh thleng tur a awm reng tho a.

"Ka hang na a ka nalh a nia" tih ang deuh khan "Ka hlui tawhna a, ka la tlangval a nia" tih en hian min en ha reng mai a. Nula phurh tur melh pawh kei ai chuan a la peih hmel zawkin ka hria. Parking space a duh zau deuh a. Maruti 800 lenna ah chuan a la park theih ve tho va. Ka awmna ah motor a la tawt lem lo bawk a harsatna a thlen hran lo.

Hna lama ka buai em avangin a thla pawh ka la la hman lo a, thlalakna dawr ka tlan pelh ve leh ka rawn update ang che u. Kei chu bike thar ka nei bikkk :D

Ka pianna Zoram nuam

2010-06-28T05:58:00.008+05:30

Mizoram, ka pianna hi ka hmangaih ka ti teh fo va. Hmangaihna awmzia ka hriat loh vang zawk em ni? Kolkata Airport-ah Zoram haw turin thlawhna ka nghak mek a. Ka han tei kual vel a, Arunachal Tourism/ Tripura Tourism ho dawrte ka hmu a. Mizoram Tourism dawrte ka hmuh ve tak mai loh ah chuan ti hian ngaihtuahna a rawn lut a.

"Mizoramah enge thil lar/ bik product emaw min lo hawn teh a?" ti hian ka haw dawn hian vai thiante ho hian min zawt teh fo va. Han chhan mai ngaihna hi ka van thin khawp mai. Eng hi nge maw kan thar ve a eng hi nge maw kan siam chhuah ve le?

Mizoram chu a buai em? Nun a harsa viau em? Militant an tam awm? tih zawhna te hi ka dawng fo va. Ka hmangaih em em ka tih ka ram riangte hi a tha lam sawi tur hi ka van teh thin a sin. Hnam dang bulah chuan sel duh mah suh i la, thinlai a na vawng vawng tih ang deuh hian rilru ah te hian a that lohna lai zawng te hi a rawn in tlar keuh keuh thin a.

Kan hmangaih te chu an chhiatna lai kan hmu tha a, an famkim lohna lai kan hmu mam thin an ti si a. Kei ve thung chuan ka pianna ram ka ngaihtuah a piang hian eirukna, a te ber atanga a lian ber thlengin, hlem hletna, nun khaw lohna leh engkim mai hi a ni tur ang ni lo vek hian ka thlir fo thin.

Tun atanga rei lo te ah kan ram thlawhna tum hmunah damte a ka awm chuan ka tum ang a. Lengpui Airfield, thlawhna atang in kan han chhuk anga, kawtkai han han chhuak anga, fur tuiin a chawmno lai hnim hnah hring leh ralkhata thing hring ding thap mai ka han thlir ang a.

Mahse, ka han hawi zau deuh anga, chung thing hring te chu thing tuai, NLUP sum an sem hun huna kih darh leh mai tur, a thar erawh hmuh tur awm leh chuang hauh si lo a ni ang a.

Dawrte tlem a zawng kha din pawh ding zo lo in a lo tlu awn bem ang a. Ban hmuh theih ang ang ah chuan kuhva hring eina chinai bangnawi tahna in a lo in tial biai ang a.

Aizawl panna i han ngaihtuah ang a (mite angin motor-in min hruaitu ka nei ve dawn si lo!) Taxi chuan man kha 500 a lo ni leh dawrh ang a. Kolkata atang a Lengpui cheng 2000 leh tlem, darkar khat chhunga thlen theih kha Lengpui atanga Aizawl chu cheng 500 lawih chawiin darkar khat dawn vel tho hun i han hmang ang a. Public transport system hi PPP em ni kan neih dawn kha? kan ti rilru leh neuh neuh ang a.

PTC ka han tlan pel chho ang a, RV a lang thei maw tih velah khan failed governance tiih rilru ah a lo lut leh ang a. Khaw chhung kan han thleng ang a........ ngaihtuah chhunzawm tawh rih lo teh ang!

Ka ram riangte hi ka hmangaih ka tih chuan mifa ten hmangaihna mawi taka an lo hrilhfiah sa chu ka dah nil dawn tihna a ni si. Eng ka ti ta nge ni le???

Lentupui kai vel leh romei chhumin,

A bawm kan Zoram nuam leh duhawm........................................................

Chhan loh aiah Petera (Mizo zia)

2010-04-07T01:14:00.005+05:30

Ni leh thla a liam chak si a. Ziah tum kan neih chhungin kar a lo liam leh a. Kan ziak tan dek dek a thla a lo ral leh bawk si a. Kan chhuah theih meuh chuan kum a liam lo ang tih pawh a sawi theih dawn lohin ka hria a. Chhan loh aiah Petera an tih ang deuh khan kan thai ve hram teh ang.

Thil pakhat ka vei em em mai hi a awm a. Chu chu mihring zia/ nunphung hi ani. Mimal chanchin online a pho chhuah loh hi finna an ti fo na chu, keima chanchin ai mahin Mizoten a kan chindan phunga kan neih tha lo ka ti deuh mai kan sawi lang ve mai mai ang e. (Mizote tihdan phung kan ti ngial na a, finfiahna erawh ka nei chuang lem lo!)

Pu te lawm hi hnaah chauh nge i hlawh a behbawmah?

Hna chu kan thawk taima. Kan thiam ber kher lo ang. Amaherawhchu, kan theih ve ang tawkah ber nih kan tum ve fan tlang pui. Vai kan tihte phei hi chu lehpelh hram hram kan tum thin. He zia hi chhungril taka CHAPO zia a ni.

I hna mai piah lamah extra-curricular activities lamah pawh i thiam, talent i dawng. Mahse i talent dawn te peipun a lo huna, hmalama ke pen chhuah a lo hun chiah hian "Ka ti ve thei tawk tawk" "Ka thiam lutuk lo" "Ka ti ve thei mai ang" tiin inrintawkna tlachham zetin i thawhpuite emaw, in pu te i lo chhang ve tawh a nih chuan INNGAITLAWM zia, Mizote zia i nei tihna.

I chanpual liau liau, i tan a bel chhunga sa ang mai a i hma a rawn tla tawh vanneihna i dawng a. I thawhpui tu emaw in pute be tlawnin emaw i hnenah lo kalin a rawn vehthlem che a. Nang chuan "Hmm... ka ai chang mai rawh" emaw pu te hnenah "Kei ai chuan a ni hian a dawng zawk se" i lo ti ve zan tawh thin em? TLAWMNA nun zia, Kristianna der nun atanga i dawn kha i pho lang tihna. A chhan chu maw, kan rilru mil miah loh pawh ni se, mi hmai eng zah vang leh tlawm zawka tan hreh loh lutukna a zarah he zia i paipawn kha a rawn langchhuak ta thin a ni.

Hna i thawk tha. Pute pawhin an fak che. Kristian i nih i zahpui lo tan a. I awm i han ti pharh tan vel chiah a. Nikhat chu hna tha taka thawk ni a i inngai kha an rawn sawisel ta tlat mai a emaw, i duh aia tam hna i dawng ta thut mai a emaw i ngaihdan ni lo zet mai khan i chungah miin an rawn ti ta a. I kum tel hnathawh that rah hre chang lek lo in pute mah ni se, mi hmaah i ankhum hrep emaw i palzam khum ta chiam mai a nih chuan Mizo fa dik tak i ni ngei tihna ah ka ngai!

Hetiang hun a lo thlen hian a chunga kan sawi tak zia hi a rawn lawr ta thut mai thin a. Eng zia ber nge hman tur kan hrethiam ta thin lo a. Kan sapatal ta chiam mai thin hian Mizote hi khawvel ram zau zawk kan vahna ramah hian dinhmun sang chelh aiin emaw kaisanna kawng inhawn tir ai chuan mi hnuaia rim taka thawk a, kaisanna kawng in hai ping thei tawk tawk ZIA, nghet lo leh mumal lo zet mai kan in phuar beh tir ni ta berin ka hria.

Dik ve tawk, hre ve tawk, thiam ve tawk, hmu ve tawk, ngaithla ve tawk leh tel ve tawk tawh nia inngaihna zia leh krista tlawmna nun, pipute tlawmngaihna nun, thudik ngaina nun zia kan chawhpawlh thiam tawk thin loh vang hian kan hmakhua kan sial thiam ta thin lo ni berin a lang.

Kan mizia hi a nghet in ti nge a dawrawm? Chhan loh aiah Petera tal i ti ve dawn em? :D

An va hlu em!

2010-01-11T23:35:00.004+05:30

Kumthar kan lo chuang kai leh ta reng mai. Hrisel tak mai leh dam veh vawh a kumhlui mahni te chauh mai a han thlah chuan an lo va hlu em .....! Hriselna tha min pe tu chungah lawmthu kan sawi hmasa ber teh ang.

Kei, thlarau mi em em lem lo leh tawngtai na lamah phei chuan chhungte leh thenrual thate tawngtaipuina rinchhan ti tih pawh hian mi fate leh nu leh paten harsatna an tawh zinga hrehawm an tih ber mai natna leh hrithalo laka him dam tak mai a kumthar ka chuang kai leh thei hi lawm lo thei ka ni lo. A va hlu em!

A pahnihna ah chuan kum hei leh chen mahni in lo tei rawlai ve tawh thin mah i la, masi boruak leh kumthar vuak vetah hi chuan mahni IN lum ngeiah ka hmang ve hram thin. Tlangval a pumpa han in ti ve thin teh mah i la, mahni te chauh mai a urlawk zan leh kumhlui thlah zana vai thiante zawng mai biak tur an han awm chuan an lo va hlu em.....!!!! Chhungte leh thenrual tha te..... an lo va hlu em!!!!

Inah haw mah i la, he zan hnih kherah hi chuan ka leng chhuak ngai lo. Chhungte be lem lo mah i la, an kianga awm lo nawm zia kha vai bula han men kar mai chuan a lo chiang duh khawp mai. Mahni tein Bethlehem han thlir dawn i la, "A lannna mual dang a awm si lo" tih ang deuh khan, a awm lo nge hawina lam tur ka hre der si lova. Tukverh hmalamah dak chhuak i la, lawng chawlhhmuna dinna chang lo lawng thir chakai thlaka ding eng chuah chuah bak hmuh tur a awm si lo. Hnung lam balcony ah dak chhuak i la, khawpui in sang tak tak karah zan dang ang bawkin a eng dul ruih mai si a.

Ka khua te hi a rukin a har veng veng reng a. Phone han hmet dawn i la, zan tantirah chhungte chu ka be zo fel diam tawh si a. Tawng duh ve tak mah ni i la, chhungte bulah hi chuan pa tawng tlem tak ka ni ve tlat a. Sawi tur ka nei tawh mang si lo va. Tih tur kha a va han awm lo lulai leng teh reng em! Mahni te chauh mai a han CRP mut ngawt kha chu ka tlawm la ve deuh si a. Sandman a ten an lo hria ang tih kha ka hlau ve deuh bawk si. Dar 12 chu ka meng thleng ve ta hram a.

Amaherawhchu thil hlu pahnih ka chhar chhuak ve thung a. "Chatuan rohlu" ka chhar ta em tih erawh ka chiang chiah lo na a, hriselna tha leh chhungte, nu leh pa unau duhawm tak tak min pe tu Pathian chunga lawmthu sawi lo thei ka ni ta lo a. A theih anga tawi chuan kan tawngtai hram a. Ka mu ve ta a.

Kumhlui thlah nan...

2009-12-31T17:47:00.005+05:30

Facebook leh Orkut lama thiante chuan ka phone bo thu in hre tawh ngei ang a. Nokia Xpress Music 5320 kum khat lai ka lo chul nel ve tawh chu ka baat dei thilpek ah rel ah min ruksak daih mai a. Tun thlengin phone pawh ka la nei leh lo zawng a nih hi!

Kumhlui thlah nan ka phone hlui bo ta atanga ka thlalak thenkhat ka han post ang e.

Kan in atangin Champhai zawl

Champhai a kan thenawm naupang Lalmawza a a nih hi!

Chunglam power nih duh hmel :P

He thil hi ka harh hmeh/lak a nih hi

Arabian Sea li thuk lamah

Independence Day kha min ti hre chhuak!

Kum tir Goa kal haw lam ni ta in ka hria

Hei hi July thla Mumbai a ruahsur uluk lai a, ka awmna atanga ka lak a ni a. RBI ho building a ni

Kum thar a tan hetiang zialbung bawm hi ka bulhnai ah awm lo thei se ka duh hle :P

HAPPY NEW YEAR!!!

Haihawt nge Hai hawt?

2009-12-12T01:52:00.003+05:30

Haihawt nge hai hawt kan hriat der loh chu le! Eng zawk zawk pawh chu ni ta se la, ka ziah tum awmzia chu thil chin chang hre ve awm tak, en mai chuan pa ti khek khawk, ngelchek ve hmel tak ten a an hriat reng tura ngaihte an theihnghilh fo thin ang chindan hi ka ti mai.

Tunlai chu ka HA PUI ka check deuh reng mai a. A lo la kim ve biai bawk si a. Enge maw ni teh reng ni ka hriat reng thin te hi kan theihnghilh tlat zel mai a. Ka kenlai a bo thul, ka dah that a lo awm lo thul! Rilru a hah thin phat phat khawp mai. Tunlai kan ti ngawt a, a lo in tan dan ka han chhuikir dawn a, ka hre chhuak zo ta hauh lo mai a. Hmanlai atang tawh khan thil hi ka lo hrereng thin lo hi a ni zawk a.

Haihawt han tih hian haihawt satliah, inthlahdah vangin a ni thei a. A dang lehah chuan haihawt tak zet, hre reng chung pawh a theihnghilh ang chi hi an ni awm e. A eng zawk hi nge ka nih ang aw tiin ka han in enchhin vel a. Ka hrechhuak zo leh ta tlat lo mai! A va han buai thlak thin em :P

Ka naupan laia ka thil tih bo chungchang chu sawi lo mai i la. Tun kar kalta chhunga ka hriat reng loh rah thenkhat te ka han thailang mai mai ang e. Pakhatna ah chuan, thawhtan kalta khan Office-ah ka chabi bawr ka ak a (tih dan pangai in). Tlai ka office bang in ka thlenga, ka locker ka han hawng dawn a, ka han in dap a, chabi chu ka hmu zo ta miah lo mai a. Rang mangkhengin office-ah ka tlan kir lehnghal a. Ka thleng fel te te a, ka han inngaihtuah tak tak mai a. Ka tihbo lai awm reng reng chu ka hre chhuak zo ta lo a.

Lunghnur zetin ka haw leh a. Kal kawngah chuan ka inngaihtuah chhuak thut mai a. Ka tlan let leh a. Ni a ka hriat hmunah chuan a lo awm der si lova. Kha hmunah khan ka chabi chu ka kut zungchalah ka vir kual tir chiang tih ka hrechhuak ta a. A bak chu ka ngaihtuah chhuak zo ta thlawt lo va. In ka thleng a, locker tala ka vuak chhiatna lamah a locking system ka vaw chhe tel a. Tun thlengin a kalh leh theih ta lo va.

A tukah chuan rilru a chabi bawr hre reng chungin ka office a (Ka chhu chhe tawh tih ka theihnghilh a). Lunch ei tura haw pahin Russian ka thlah a. Kan in bye bye a. Ka room ka lut chiah chu mobile hi ka lo ak leh tawh reng reng lo mai a. Office ah bawk chuan ka tlan let leh a chaw pawh ei lo in. Kan call a, 'out of coverage' la inti zui. Office ka thlenga, tumahin an lo hmu si lo. Kan dial nawn leh kha a ri ta rang rang a. Russian pa khan a lo pick up a. Kei in ka sawi tum sawi thei hek suh, a nin a sawi tum sawi thei hek suh. 'Niat, niat, niat...' 'Daaa' kan ti chhen mai a.

Thla thum zet nileng lengin hna kan thawk tlang ve tawh a. Hmun leh hmunah chuan zaizir nen kan inbe ve thei tawh viau a. Telephone chuan zaizir kha hmuh phak ni tawh si hek lo le. "Mr Gregory, ka mobile..." kan inhrethiam tawn a ni. Mah se kan sawi thei si lo. Mobile chu a bo lo phawt. Mah se, kan pahnih inkarah khan daidanna thuk tak a awm. A ni pawhin sawitur a ngaihtuah lai khan a rilru chu a hah ve khawp ang te ka ti vel ta mai mai a.

Vawiin weekend tanna ni ah hian kan che chhe leh a nih kha! Office-a kan special technical spares thil dispose dan turah procedures pangai lo deuh a kal a ngaih avangin kar hnih chuang kan buai tawh a. Concerned authorities lamah zawt chiang turin correspondence letter pakhat hi ka zing chhuahpui a. Ka tih tur chu ka ti zo fel vek. Office lamah pawh report ka pe fel vek tawh a. Lunch ei khamah' afternoon ah ka rawn zawm law law mai ang' ka ti fel ve et a.

Lunch ka ei kham ka thianpa Mizo pakhat Mizoram lama haw tur hian min rawn tlawh a. Kan ti ti luam a. dar 2 a ka kal leh tur khan ka tih thin dan pangaiin ka rilru te te in 'check off lists' chu a han tick keuh keuh a. Ka letter ken kha a awm ta miah lo mai a. Ka han chhui kir leh ngat ngat a. Ka tihbo lai awm reng reng ka hre leh ta lo mai a. Original ngei kha ka keng chhuak ve bawk si! Rilru a va han hah duh tak em!

Letter ka kuta ka ken hnu hnu ber awm vel lai kha ka hriat theih tawh loh avangin ka kalna office ho kan fang nawn leh a. Khawiah mah chuan ka hnutchhiah si lo va. A pawimawh lo zawk ka thil va copy ho chu ka la hum ran mai si a. Thlan a bawl tak tak mai maw le. Office-ah chuan kut ruakin ka let leh ta a. Ka boss ve ber lah chuan kan HOD a hrilh nghal vat a rang mangkhengin! Tih ngaihna awm tawh hek lo le... "I need that letter now" lo ti hmuk tawh mai bawk si. Ka boss chuan va zawng leh rawh a ti a. Mahni tih bona leh tihbo lai hre lo na na na kha chuan han zawn vak ngaihna awm hek lo le. Inah ka haw a, ka mu daih a sin le! :P

U a ma rim nam tan tawh vang te pawh a niang! "D

Night Club-ah ka kal ve a

2009-12-04T02:04:00.001+05:30

Mizoram pawnah kum hei leh chen ka awm ve ta a. India ram khawpui hrang hrang bakah fawren khawi khawi emaw chu ka kal ve nual ta a. Club leh Discotheque velah hian ka lo la kal ngai reng reng lo mai hi a lo ni a. Cinema tak ngial pawh en ngai lo khan Club ah ka zan kal ve ngei kha!(0n 3rd Dec 09) Lifetime Achievement....

Mizo ngei perform tur chu tiin thianpa MBA a nen kan va in lan ve a.
Place:Blue Frog
Time: Before 9:30 ( a changtupa in free a min hruai luh dawn a vangin ! :P)

A hmun a biru phian a. Night club han tih khan kan ngaihdan hi tlemin a lo danglam deuh nge ni, ka kal hma lawk a ka thian biak chuan, "Night club ah a....?" a rawn ti ha mai a. A hnu lawk a ka message dawn ah chuan ti hian a lo in ziak a -'Kal rau rau cuan enjoy yourself'.

A hun hma deuhin kan thleng a, kawtah chuan zial kan lo pak khu laih laih a. A rawn kal reng reng kha car sial deuh hlir mai hi an rawn khalh a. Kawt laiah chuan car chu an ti ding a an kal san ta mai zel a. A sawirem tur kha an lo duty khiau hi a lo ni a.

Chhe lo fe fe, a then mawngbawr fuh zet mai, a then zen ria thlerh thlawrh, taksa inphut zaih mai leh hmel han en reng reng a angel hawlthlak iang ngawih ngawih mai rawn intheh thil karah chuan bing ve tirh terh, kir bap mai, meng dum ham leh mawng poh ve tak tak pawh an bang chuang lo a.

Rei kan din hma chuan BMW dum zan mai hi a rawn tawlh zal zal a. Kan hmazawnah chuan a ding ta chaih mai a. A perform tur te kha 3Tenors ho an ni a. An zinga pakhat chu Mizo tlangval ngei a ni tlat mai. A rawn simat khawp mai a. Entrance lam panin kan inzui phei ta a. Min lo check uluk khawp mai a. An tih dan dan a awm chung chuan lehlam pang nula chu ka lo la thlir hram pek a.

Kawngkhar kan lut tur chu kutah hian stamp an lo chhu kauh kauh a. " A ho mai mai" tih pahin ka lut tlang ta daih mai a. A hnuah chuan zial zu a chhuah duh pawhin khami tello kha chuan a luh leh theih tawh dawn loh hi a lo ni a. A hranpa ngatin ka va chhuak tha leh a. Utawk pawl lem chu ka va chhut tir ve ta kauh a.

Ka han hawi vel a, kan luhna ah chuan kum 40 chunglam hi an khat thup mai a. Chhe lo zet zet ho kha a bul zawkah an lo lut chu niin! Kan hmelhriat ve berin stage lam min pansan tak ah chuan kan hawi ta lawl lawl mai a.

Ka thianpa chuan pawnah chhuak leh lawk teh ang. "Ei leh in tlem in thun puar teh ang" a ti a. A chhan chu "phur deuh hnuah chuan riltam chi loh" hi a lo ni a. A lo to phian ni tur a ni engkim mai kha a chhungah kha chuan :D

An han zai tan tak tak a, Oh! Darling, Love hurts, Without you leh Welcome to the Jungle tih te chu kan thian a chuan a rawn sa a. Mipui thawm a tha khawp mai.

Leh lam group an tha zawk bawk a, midang zai kha chuan pawnah kan chhuak sek mai maw le! :P Chutiang a pawnah zial kan peh kawh tum khat chu vai pakhat hmel hi ka hmuh hnu ni tlat hian ka hria a. Vai filmstar tenau pakhat lek chu lo niin. Ka thenawm hlui emaw kan tih pek chu (!) he he

Lam chi ka lo ni lo kher chu pawi khawp mai. Sir han sawn pui tur an that hiu hiau nen maw! Phei khai i vawr dun ang tih chakawm fe fe an kat nuk mai a lawm. A rei tawlh tawlh a an phur tawlh tawlh leh nghala. Dar khat a lo pel der mai a.

La zo chiah lo mah se haw zai kan rel ta a. Ka hlawhtling khawp mai. Zing takah ka mu a. Ka tho thei ta lo a. Niin min chhun harh zawk a. Bak phelengin ka tlan chhuak nghal a. Office chu ka tlai ta tho a. Mah se, a phu e. Night Club vawikhat kal ve man a, a tuk office han tlai ve reng reng kha!

Zawngchhang chi a nih phei chu ka hre hran lem chuang lo :D

Advance Christmas

2009-11-11T22:36:00.002+05:30

Kumin x-mas chu vairam ka awm hnu a masi vawi kua na tur chiah a ni! Chutih rualin vai ram lamah erawh tum hnih chiah Masi hi ka la hmang thung a. Kumin chu ka in ngaihtuah lungleng thut a, vairam ah Masi hman ka tum a.

Kan upa tual tual a, masi te lah chu a ho tual tual leh nghal a. Advance Christmas hi an hmang teh chawk a, kei pawh hmang ve teh ang tiin Zoram lam ah thlakhat chuang ka han hawi hai a.

Kar khat kan khuaah ka cham hman awrh a, mithi pasarih kan nei hman. Heng zing a mi pitar pakhat tih loh chu kum 40 hnuai lam vek an ni! Chakna avanga kum 80 pawh ni thei kha a zatve ah chakna avang bawkin kan pawt tawi ta anih hi te ka ti vel mai mai a. Khawhar chhungten lo haw lo se la, heng mithi la thalai tak te hi ruih theihthil ngaina tak an ni deuh fur lehnghal a. Engtikah tak khua var ang maw?

Ka han cham chhung hian ka thianpa pakhat chu zeng thut natna, vung atang a in tan hian a lo awm ve a. Kan thenawm hnaiah khatiang kha panga lai mai an awm a. Zu in mi an ni deuh vek lehnghal a. Ka thianpa pawh," I zu in vang a nih kha!" te ka tihsak vel ta mai mai a. Daktawr ka nih loh avangin zu vang chu ka ti bik chiah lo a. Kan unau zinga upa ber dawttu, kum 20 lai mai missionary pawh a vung ve tho mai bawk si a. :P

Advance masi ka han hman chhunga ka sawi hmaih hauh loh tur pakhat leh chu ONLINE a ka thiante, a hran taka ka biak lem loh pawh an thil ziah ka lo chhiar fo tawh thiin te nen chaw ei khawmna hun te kan han nei thei a. A hlimawm dangdai khawp mai. Kum lamah erawh ka phalo na a, an kianga awm a nuam ngei mai!

Ka hun a tawp a lo let leh a hun ta a. 8 Nov khan ka thlawh ve na tur an cancelled daih mai a. A ai hmain ka chhuah phah ta a. Imphal lamah kan kual a. Kan thlawhna chu A va chhe ringawt mai a. A zan Kolkata atanga rel a chuang tur kha Manipur lamah kan riak ta ngawt a.

A tuka thlawhna chhia repair chawp a chuan chu a nuam duh lo khawp mai :P Ka neih nun vang ni hran lo in hna lam zawm angaih tawh si avangin Kolkata atanga Mumbai chu ka thlawk ve leh ta ngawt mai a. Chawlh in hmang da haw lam tan chuan a tih chi loh ngei mai! :D A tawpah Mumbai khaw chunga darkar chanve dawn kan vir kual hnu ah Mumbai chu ka thleng ve ta a. Ka Advance X--mas chu a tawp ta a. Mumbai lama Masi rawn hman tum te tan ka in hawng a nih ber mai chu !!!!!

Hna hi a awm lo nge kan zawng lo

2009-08-31T00:37:00.002+05:30

Hnathawh tur hi Mizoramah hian a vang tak tak em ni?

Post Graduate meuh zo tawh hian,"Hna hi a awm thlawt lo a ni, khalamah hnathawh tur minlo zawn teh" a rawn ti a.

"Vawi engzat nge interview i hmachhawn tawh, eng hna nge i apply ve tawh a?", ka ti a.

"Hetah chuan hna dilin awmzia a nei lo, tihpuitu ka nei ve hlei nem. Dil mah i la ka hmu chuang lo vang"

"Vawi engzat nge interview i hmachhawn tawh ka tia lawm?", ka han ti leh hram a.

"Hna dil chuan ka la interview lo" tiin min chhang dul ta raih a.

A ni dawn tak e. Kan ramah hian hna hi a vang em a hna zawng tur leh dil tur pawhin opportunities (chhum thim piah lama kawl eng) kan hmu pha ta lo niin a lang. Hetiang mi hi kan tam tawh lutuk a. Kal ngaihna hre lo, sawrkar nge dem tur mi thil ti thei tih pawh hre hrang thiam hlei thei tawh lo kan kat nuk ta ni mai hian ka hria a.

Kei pawhin tunge dem tur ka hre chuang bik hauh lo. Amaherawhchu, "Khawnge ke kan pen ve phawt anga, kawng laka hling leh kangthai te chu ka han hmachhawn teh ang" ti ngam thalai kan awm ta lo hi chuan kan zirna inpui (education system) leh sawrkhar ka dem rual rualin Siamtu in a duh leh duat taka Amah anga a siam, chhia leh tha hriatna a peka te hian kal ngaihna kan hre lo hi chu Keimahni hi ka indem lo thei lo a ni.

Keimah ah ka han inngaihtuah chhin a. Khawvel mite thiamna tehna lamah chuan pawl sawm pass degree zawng ka nei ve a. Tunah hna tha thawkin hlawh tam tak nen nuam ka chen e ka ti hauh lo. Amaherawhchu ka kalkawng ka chhui let hian vawi engzat nge mahni ke a ding tura ka beih a, ka chhungte chu sawi loh ka nu leh pa ngei pawh hrilh lo a kawng ka zawn thin dan kha ka ngaihtuah ve mai mai thin.

Chhungkaw harsa taka seilian mah ni ila, te ber nih manah ute ho Champhai zawl a inhlawh chawpa uniform man an tuak thin dan te chu ka thawnthu ngaihthlak ve mai mai thin a. Amaherawhchu ka rilru takah chuan,"Ka ke in ka la ding ve thuai ang" tih hi ka sawi nawn ka sawi nawn thin.

Septic tank paiha Aizawl a ka inhlawh thu sawi ka tum hauh lo. Pawl sawm ka pass hnu chanchin ka han sawi ve mai mai teh ang.

Pawl 11 ka nih hian lawng sipai hna ah ka tling ve hlauh mai a, sipai nih hi ka tum ngai loh avangin ka thulh san ta a. 12 ka zir laiin Future Vision Advertising Agency ah khan ka va interview ve leh tawp mai a. Mizo medium a lehkha zir zo ve ngat kha saptawngin ka va tawng ve bauh bauh a. Hetah erawh hi chuan ka thawk rei peih ta bik lo a.

Hetih lai hian Aizawlah ka u ten min chawm a, ka pa chuan civil services lamah lehkhathiamlo mah ni se mi hi a sawi hmuh ve thin a. Mah se, keimahin ka inchawm ve phawt ang tih rilru ka pu ran thin.

NDA ka exam ve ang chu tih beiseiin exam theih ang ang chu ka apply ve phawt zel a. Airman technical ah ka tling ve leh mai a. Lawng sipai pawh kan exam ve leh chhin a. Ka tling ve ve leh ta a. Vanduai thlak takin kum ka ruk then duh loh zarah NDA ah chuan ni 3 in ka kum a lo over ta si a. Lawng lamah ka classmate tling ve te an awm ve nen nu leh pate thu zawm zo lovin vai ram lam ka pan ta a. He tih lai hian kum 17 chauh a sin ka la nih!

Hetih chhung zawng hian ka thil tihah ka hlawh chham ngai lo. Hna ka han thawk ta cheng a, hmasawnna kan lo duh a. Officer kum thum ngawt mai ka bei leh ta a. Vanduaithlak tak bawkin a tawpah ka tling zo lo leh thin a. Tum ang chuan thil chu a kal ta duak duak hauh lo mai a. Mah se, ka bei ve phawt a ni. Khatih hunlai khan thla 6-8 vel tuifinriat lamah ka pil bo thin!

Eng vang a sawi nge ka nih chiah chu ka hre lo na in, ka thil tihna kawngah kawng sir atangin ka thlir mai mai lo a. Ka tem chhin ve phawt thin.

Sipai lubawk ka nih laia ka la hriat reng mai chu Cochin a ka awm laiin tlangval pahnih Cochin University a zir tum hi ka leave haw lam nen relah kan chuang dun a. Unau an lo ni a. A nau chu Chennai lama BA zo tawh hi a lo ni a. Mizote kan lo in ngaihtlawm zia hi ka ti thin.

Admission an lo khar tawh si a. Min buaipui thei lawm ni? tiin min han pur ve deuh a. Pawl sawm pass nih khan awmzia a nei tawh lo. University Registrar thleng chuan ka be kual ve ta vak mai a. An fel khawp mai a. Mah se, deadline a pelh miau tawh vangin kei pawh chuan eng ka sawi chhuak ta bik lo a. Mi biang biak kha zuk han hreh tlat a maw le?

Amah chu mifel tak a ni a. Hmanni ah Orkut ah min rawn invite a,"Min la hria em? Switzerland-ah ka awm tawh a" tiin lawmthu min rawn hrilh mai chu a lawmawm ka ti khawp mai.

Ka thalai pui tam tak ten a, hna avang, engmah beisei a awm lo ti a mahni in kila an tawm thap mai han hmuh hi chuan ka thin hi a khei thin mang e. Eng hna nge thawh tuma i beih ve tawh? Eng thiamna nge zir chhuaka kan inhriat a mi kuta kan la innghah tlat a, kan politician te kan lo dem ve em em ngawt zel le aw! tih hi ka ngaihtuah thin.

Zalenna kan tih hi eng chen chiah nge?

2009-08-13T23:38:00.003+05:30

Lal thuhnuai a awm peih loin khawvel hmun hrang hrangah helna a chhuak a, an lalte an paih thla a. A aiah mipui rorelna, mitinte intluk tlanna leh zalenna kawl an tih chu a lo eng a.

Mihringte hi awp beh do ngar ngar ti i la kan ti sual tam pui awm lo ve. Lal thuhnuaiah chuan Lal duhdan ang khan rorelna a kal mai a. Amaherawhchu, lal fing leh fel chuan a mite duhdan in ro a rel thin.

Ram, hnam, khawtlang leh kohhran/ sakhua in kalphung inenkawl dan kan nei pit pet a. A tlangpui thuin mipuite hamthatna beiseina nen dan leh dun te zam a ni thin.

Kan tunlai khawvelah zet hi chuan mipuite hian mimal duhdanin kan rel ta nge ni a, mitlemte duhdan kalpuiin zalenna, mimal zalenna hmingin duhthal a inlu lin vek kan tum ta pawh ka hre thiam chiah lo e kei mimawl hian.

Chennai a college pakhatah chuan T-shirt nghawngzau lutuk hak khap a ni a. Ram pum huap deuh thaw in demna thuin a deng zui nghal a.

India ram school thenkhatah mobile phones hman khap ani a. Nu leh pa te thlengin, media ho zarah, kan fate mobile tello a an khawsak theih loh zia kan tlangau pui leh a.

Tun hnai te maiah khan Tata Institute of Social Science (TISS, Mumbai) ah chuan hostel a awm hmeichhe tan zan dar 12 leh a chanve pelah khawilai vah khap a ni a. Zirlai leh zir chhuak tawh ten media lamah Institutes authority an dem leh chiam mai bawk a.

Nikum lamah Pune a farm house pakhatah thalai rual 200 chuang zet mai party chu police ten an man khawm thut mai a. Jail an han pan diah diah chuan kan social activists ho leh nu leh pate (mi lian tak tak te) chuan, "Police hoin an kuang lo an nawr ani, tih loh tawp tur an ti a ni" an tia. An au ring leh hle bawk a.

A dang pawh a la tam ang. Kei ka zawhna ve chu zalenna, mimal zalenna kan chawisan em em hian eng chen chiah nge maw a huam le? Khawtlang leh mimirin tha, niawma kan ngaihbak pel te leh zel pawh hi mi pahnih khat lek vangin pawmzam theih leh en mai mai turah kan chhuah zo dawn ni te pawhin a lang ta e.

Roreltu tan hian a luhai thlawk dawn thin mange aw!!!! Min venghim turin kan duh si, kan tana tha turin kan duh si, mah se a kalkawngah lo awm palh i la kan kher leh nger nger lawi si hian ngaihtuahna a ti thui ka ti thin.

School kal ni na na na khan T-shirt nghawng zau em em hak kher kha atul em? Mobile hi India a rawn luhna la rei lo a sin, naupang lehzel chu a telloin sikul chhungah na na na chuan an awm thei lawm ni?

Zan taireka khawpui pawna ruihtheihthil nena party luih luih kha dan hian phal ta se la emaw kan duh dan dan hian awm i la chu a au ring tur tura chu keimah ni tho hi kan ni ang em?

Hmanni lawka zirlai zanlaia thiantena an pawngsual laia sikul mawhpuha dem chiam chiam tu te khan an lo him theih zawk nan zanlaiah chuan khawlai tei suh u tiin zirlai te kha thu lo pe ta pawh ni se la enge a pawi vakna awm? Kan duh bera chu zirna kha a ni mai a. Zanlai pel pela zirlai leng chhuak fate hi kan nei fur duhin ka ring lem lo khawp mai kei chuan.

Kan mamawh leh duh te hi a va han chiang lo tak thin em! Tun thleng hian kei zawng thil chhia leh tha hi ka la man ve tak tak lo a ni e.

Misual.com vangin

2009-08-05T23:14:00.013+05:30

Thil ziah tur i han ngaihtuah a, i rilru in a thupui tur i han tin zawn a. I lehkha phek i han phah a, i kawlawm i han lek kang a. Tlar khat, tlar hnih,..... para khat ah a tawp zel mai bawk si a. I ngaihtuahna i han sang phek a. Engmah a lo luh belh chuang bawk si lo.

Eng tin nge i tih tak ang le?

Hetiang dinhmuna din lai pawh hian Misual.com han hawng i la. Pu mzvision te, Lily_Parmawia, Xaia, Pi Irre, funny te leh Pu Zorunpuia te ho te, Pu burgerstud2005 te, kanidar te leh misual sawi a sawi hmaih chi miah loh Aryan a leh Pu H.Vangchhia te ho han hming indawt thla a han hmuh hi chuan nun khawharna zawng zawng hi a reh ta duak thin a. Kan khi khi mai thin zawng a nih hi maw ziah tur leh comment ngaihna hriat ve miah loh pawh hian!

Ma thei lovin nitin ka misual ziah thin a. Eng em em sawi tur hre ve mah suh i la, mite zarah kan hriatna erawh a pun ve hret hret loh pawhin ngai chu ka awh reng bik lo in ka hria. Tisa takin mi ramah cheng rih mah i la, he misual.com hian rau-in (eng rau nge phei chu ka hre law!) kan ngaih Zoram lamah min chen tir delh delh thin.

Mi chuan website dang leh blog hrang hrang atangte in an rawn thawh khawm thin a. Kei erawh zawngin Misual.com a tun hnai a topic thenkhat a ka comment na ka rawn thai lang mai mai teh ang.

Sex hian min awp bet ta mai em?

#12 : “Keini zawng kan hmuh leh kan hriat te hi sawi lo thei kan ni lo” tih ang vel a ni e. Kan hmuh ve reng si a, kan hriat ve reng bawka kan chhiar ve reng bawk si chuan kan sawi ve mai loh nakah. Kan sawi kan sawi te chuan kan ngaihnep loh nakah! Kan ngaihnep te hi chu a nung emaw a nunglo emaw kan kalpah mai mai thin zawng a nih hi maw!

Congress kan sawi luai luai a, kan ngainep chhunzawm a. MNF kan sawi leh luai luai a, kan ngainep leh zui mai bawk a. Sakhaw lamah pawh chuti bawkin. Rawn lar hluai leh mitin ka luah tu hi chuan sawiselna an tawng leh thin a nih hi maw! Kan hriat ngai miah loh leh kan la chenchilh loh thil mah kan ngai nep leh thin si a. Hmasang a ta tawh kan lo tih ve thin hi chu, ngaia neih chin te awm ve bawk ang chu!

Hmanlai ah pawh khan lam hla takah awm bo ve in, nula leh tlangval awm no tak tak eiin tha bawk si kha inngheng rial hian pindan inep khan lo mu ve thin se la emaw hmanlai khan TV ah te khan mi inchuks leh inthepthual vel kha lo thlir lo thlir ve thin se la chuan thil thianghlim tawntaw ah chuan an lo ngai bik kher nang! Sawn thlaka cheng 40 chawi kher ngai lo khan sawm li aia tlawm zawk leh tlang than ngai lo mum ei tur te kha lo zuar ve tawh se la chuan an ti ve thin tho lo maw?

Khawvel inher danglam hi hriatthiam chin kan nei ve dawn lawm ni? Nge ni a, vairamah zu zir ta la, thil tha chuah rawn zir chhuak ang che aw tih emaw internet ka pe che ang a thil bawlhhlawh chu en suh ang che aw ti ringawt la vairama i fate nungchang i hriat loh leh room lehlama i fapa/ fanu in enge a tih thin tih kha i hriat si loh chuan emaw hre reng chung pawh a zirtirna tha i tuh theih si loh chuan heng te chu kan hmachhawn tur a ni lawm ni?

Hmasawnna zawng zawng hi tha vek mah se a hun lai a zir a ngaihtuah nawn ngai te pawh a awm ve bawk. Hmasawn hrim hrim duh a, thil dang kan hmuh kan thin hian hmasawnna rah peng thil tha lo a rawn keng tel ve reuh a. Kan lo la inrin si loh chuan min vaw let ta thin a ni.

Chhungkua leh khawtlangah zirtirna fumfe kan nei thei tawh lo zanwg a nih hi. Hmasawn duh luatah nu leh pa saptawng a mik a mak hre lo pawhin fate sap sikul ah kan han dah ve tawng a. Fate lahin sikula kan zir Mizo tawngin let thiam suh i, nu leh pa pawhin han sawi pui dawn ngial mah se tih ngaihna awm si lo. Chhungkaw inbiak pawhna hun tha leh hlu CHAW EI DAWHKAN kan kil ho pawhin mikhual awm khawm ang maiin kan thu liam ve ta mai mai zawng a nih hi maw.

Nu leh pa pawhin tih dan phungah neih ve kan tum mai a. Fate ho lah hi kan han lian deuh a, peer pressure leh environment a lo dang a, chhungkua a Pathian thu awih ang che tih chauh kha chu a lo tawk ta lo thi a nih hi maw aw…. tih hi kei misaul ngaih ve dan a ni.

Hmasawnna chu chhungkua atanga intan a ni tur a ni. Thenawmtena TV leh Fridge an neih vang ngawt a nei leh nei lo a kan lo ba thla ve zen thin te leh nitin inhlawhfa chunga computer nen a in hun ve phet kan tum te hi ngaihtuah nawn a ngai. Thil reng reng hi chu a tha vek. Mah se a hmangtu tur ten a hman thiam hma a a tharlam leh tha ber ber kan inchhawp chuan kan hman thiam meuh chuan a lo chhe hman tawh thin. Chuvangin second hand chhe deuh emaw atanga bul intan hi kan zir ve a tul tawh.

Sex a ni emaw, rel kawnga ni emaw, infra a ni emaw…. a in ang khat pet pet viau a kei misual hian ka hriat tlat chu le……

Tlawng Khuah leh Rel kawng

#7 : 2014 nghak pawh mai teh ang u. Hemi hma hian eng tin nge kan lo in ven fimkhur ang a. Pawn lam mite hnathawh dan turah te, an rawn ken luh turah te… sawrkar hian MoU a sign sa leh a sign leh tur thleng hian i khel tawh zawk ang u.

Hna tau tet tur hi keini aia mi dang hlawk pui tur an awm ang em? Hlawkna Zofa te chan ve turah hian a hausa leh awmthei deuh te tan chuah em ni?
Sairang thleng chuah a rawn luh dawn chuan…. hlawkna tel tu tur kan lo neitu te tan hian an khua atanga Sairang thlenna kawngpui te atha hman dawn em? Nge darkar khata km 10 chuah a kal bek bekin an thlen pui dawn?

Kan thlai thar ve te hi… cold storage leh packaging lam te thleng hian hnam dang mi kan chaw lut dawn em? Nge keimahni mi te ngei hian an chang ve ang a, chung mite chu pawn lammi te a puih thin ang tho hian sawrkar hian tax break leh power subsidy thleng hian a phal ve tho ang em?

Kan cottage Industries ho te tan pawh hian an mahni duhthal in an zuar chhuak ve ngawt dawn nge Sawrkar hian marketing lamah engtiang takin nge hma alak pui dawn tih te leh…. chuti ni lo hian khawi lai Marwari kal tlang lo khan a theih loh leh ang em?

Kan ILP te hi immunity fihlim a ni thei dawn ang em? Immigration problem lam te hi… engtin nge ni ang? Hausa ai mah hian rethei in min pur dawn si a.

Tuna, arms smugglig route kan ni mek te leh drug trafficking lar mek zel te hi hetiang a kalpawhna a lo awmsam tak hian eng tiang dan nge kan siam dawn? Assam ho dan kan hman na te hi a rei tawh in ti ve em?

Human trafficking pawh a lang ve ta zauh zauh maite leh AIDS hluar mek te hi he relkawng hian enge nghawng a neih ang!

A la tam thei ang. Chhun chaw ei zawhah chuan rilruah a lang kim vek thei tlat lo….
Kum 5 kan la neih chhung hian sawrkar hian heng isssue te hi a en dawn em? Rel kawng chuah ni loin ZOkhawthar International Trade Centre te, Koladan Multi Modal Project kum 2011/2012 a zawh mai tur te pawh hi i ngaihtuah tel teh ang u???

Hnam humhalh tum dan

#37 : Pawl zawng zawng hian tum an nei vek a. Ultimate goal ah chuan hnam humhalh leh nunze mawi chawisan ni theuh mah se kan kal dan a in ang hauh lo a. Mizorama pawl tam tak (political party tiamin)hi chuan branch an han din tawng a. An dinna lam ah khan enge an tum lam hi chu kalpah hian an sawi mai mai a.

Entirnan, MZP leh MSU te pawh school tam takah chuan inthlanna te an va buatsaih tawng a. An constitution tak ngial pawh chhiar chhuak lo kha hruaitu an ni ve leh mai bawk a. Khatiang deuh bawk khan pawl dang dang te pawh. General Conference nei eng ang mah se, an pawl thil tum vuana te chauh kha member an nih thin loh avang in an hmalakna pawh a hrang ta nuaih thin a nih hi.

Kan pawl din te hian a han huam zau thei laileng khawp a. YMA a vawite khat pawh thlan lai lo va, mithi lumen na a tlaivar lo…. kalna a pianga sawi chhetu leh kuang man khawn pawha pe tha duh lo pawh kha a thu chuan YMA member an ni tho zel mai a.

Hotu nih kan in chuh a. Nuam kan ti a. Hruaitu nih awmzia hi kan inzirtir lo reng reng. Hmanlai chuan Zawlbukah Val Upa te kaihhruaina hnuaiah an training tak meuh meuh a. Val Upa an lo nih ve meuh chuan an mawhphurhna an hai ngai lo. Keini ve chu kan lungawi lo a, pawl dangah kan pem a, kohhran kan sawn a.

Hei hi tunlai miten a kan hmaih len ber a ni. Hotu ni lo hruaitu chher chhuak tur chuan kha pawlah khan a inhnim phum ve a ngai. Chiah zeuh chauh kha a tawk lo. Va sawi hmuh a, lo kaihruai ve phawt la tih phei chu chi loh hul hual ani.

Kan NGO tam zawk te khi ennawn ngai tak an ni. Chhungkaw business te pawh a ang lek lek hlawm a ni a then hi chu. Director matric pass lo te, chhungkaw eizawnnan a hmangta mai mai te, survey tak ngial pawh nei peih mang lo, report mak sak tak tak thawn ta mai mai te pawh kan awm teuh nia. Kan tum hi kan thelh thin a ni.

Hnam humhalh tur chuan hnamah kan chian a ngai. Kan tobul leh kan pipute values and beliefs, a tha lo lai paih thla a atha lai chawi nung zel tur chuan kan hriat a ngai a lawm.
Kan member te tih lawm nan, ruaitheh, picnic kan ti awl lo a. KTP thleng hian “member kan tlem tlat, a happenings lo tlat, hawh teh u Bon fire i siam ang u lah khawlai mite pawh kan hip deuh mahna” kan ti ta nih hi. A hlimhlawp lai chiah chen a, a harsatna laia mawhphur tura sawm chhuah zawh loh tur member zui tu hi kan thahnem ta lutuk a ni e.

Thingtlangah MZP Branch i han din teh ang kan tia. Kan hruaitute khaw chengker tak takah an han zin chhuak a. Letter Head in thil a tih theih zia leh Aizawl lam hotute thu lo ngaichang tura tihna bak hi an hnutchhiah ngai tlat lo a lawm. An haw ta cheng a, an branch thar a hruaitu kha chuan zirlai zawng kha chu member ah a ngai ve hmiah mai a.

Letter head chu a siam tir ta ngei a. Sub- Division leh Dist. Hqrs office hrang hrangah kal kualin hna an han dil a. An dil hmu ta chenga zunin sa tur khan vai mistiri te kha an man khawm leh ta mai mai a. Hlep hlang a ni mai. Zirlai pawl hruaitu te chu zirna lama thiam tak leh hmalam hun beisei awm tak aiin a hminga admission ti ve mai mai, zir peih si lo mi ti ti zara a thawi a lo hre ve teuh leh sawi chhawng thiam tawk vela hawi harh kha kan hnut chhiah ta thin a. Hmalam hun kha a thim duh lutuk.

Member a te kha chian a ngai a lawm. Mizo ka nih vang ngawt emaw, kum 60 hnuai lam ka nih vangngawt e maw, a hminga kailo a sikul tala ka lo kal ve tawk tawk vang emaw khan eng pawl emaw member ka ni ngawt thei lo reng reng. He pawl hian enge a tum? Ka rilrem zawnga ni em? Emaw hruaitu te lam pawh hian tu tu te hi nge ni kan ngaihdan min tawmpuia, min tawiawm tute tih hi kan chhut a hun tak meuh meuh ta!!!

Ro em em lai pawh hian eng eng emaw ni hi chu Misual.com vang hian a mahin a rawn intum chawp fo thin! (Zo bloggers misual ve lo te tan.. hi hi.... hi hi!!!)

Ka tunlai khawvel

2009-07-31T21:38:00.010+05:30

Chawlhni kalta khan Bible Quiz Mumbai Mizo inkhawmna a thalai pual a inkhawm ah ka buatsaih ve a. Hun a heh duh kher mai. Dawt sawi miah lo chuan Bible tak tak ka keu na kha a rei ve tawh ang reng a. (Duhlai chang chhiar turin mobile kan kheuh neuh neuh a, kan hmu mai tawh zawng a nih hi maw?)

Thianpa MBA a tih dan takah online zeuh a, download ve mai kha ka duh a. A ni chiah mangin ka hre si lo a. Mut mawh hnar mawhah a tang ve reuh a. Thil dang pawh ngaihtuah thei lek lo in ka buai pui a, midang khan an hlawk pui em ka hre lo a, kei chuan ka hlawk pui khawp mai! he he... (Sandman erawh a rawn inkhawm ngam lo!)

Zantin ka online ziah a, news hrang hrang ka lawrkhawm a. Thil chi hrang hrang ka thai kual a. Ka misual ziah bawk a. Ka mut meuh hi chuan dar tlemte a lo ri a. Zing ka han tho a. Ka edit leh peih lo a. A awm khawl ruih mai a. Hmanhmawh deuhin ka han chhiar leh hram a. Midang chhiarah ka sit deuh si aniang chu. Ka khawlbawm Folder-ah bawk an lut leh ta dial a.

Lehkhabu pawh tun thla chu bu khat ka sual chhuak tawk a ni. Governance and the Sclerosis that has set in tih Arun Shourie ziah kha ka chhiar a. Thil dang daih ka ngaihtuah a. Kan politician ho zet hi, an thluak hi a tha in an hriatna te hi a va han zau em? BJP deuh pawh hi an thil tawnhriat leh an duhaisam han ngaihthlak tak tak hi chuan secular dik tak hi an lo ni reng zel a!

Ka update hlei thei lo in hetiang vel hi ka rawn thai ta mai mai a. Ka blog ka han hawng a. Template ka thlak kual vel a, duhthu a sam lo a, ka thlak kual leh a. Title te ka thlak danglam a. Hei hi a ni e ka tunlai khawvel chu! Enge a post lamah hmasawn lo mah i la a lan dan ah chuan a dang lam zing ve tho a sin! :D

Hei kan office atanga khawdur kara ni eng set set ka clicked ve ka rawn share che u! (Mobile tang nia a fiah vak lo mai thei)

Tuai ka lo ni reng a lawm!

2009-07-10T23:57:00.004+05:30

"Beta, achhi ladki se shaadi karna," (Mate, nupui fel tak nei ang che aw!" ti a thlah lawm lawm thin nu leh pa te tan chuan,"Beta, ladki se hi shaadi karna!" (Mate, nupuiah chuan hmeichhia ngei nei ang che aw!)tih vawng vawng a ngai dawn ta anih hi!...... tiin ka vai thawhpui pakhat chuan min hrilh hlawl mai a.

Ka ngaihtuah vang vang a, "A ni thei awm mang tak e aw!" ka ti ta rauh rauh a. Tun hnaiah Delhi High Court chuan Indian Penal Code 377 na India Danpui kalh a ni e tiin thutlukna a siam bau mai a. Kar khat chhung ringawtin (after 2 July) tuai innei kawp sarih ngawt mai an awm hman der nia!

IPC 377 a 'unnatural sex' atih hian gay/lesbian chauh tan ni lo a mimal tin a huam avang erawh chuan repeal ngawih ngawih tlakah ka ngai a. Amaherawhchu, hei hi remchanga la a, tih dan phung chiah lo a nungte RIGHTS hup beh sakna dan ang mai a a kal hian ka khawvel thlir dan a ti dang lam ta a ni.

Pianphungin a a ken nge ni a mahni duhthu tih pawh sawi thiam a har tan ta. Mimal dikna rah beh sak an nihna lai tak hi ka hrethiam lo a. An chep tih hi ka pawm ve der lo mai. Relah i chuang a an rawn dap ngam che nia. An kutdawh dan te hi! Chubakah mi pangai pela nung hi an tam ve chiang e mai. Mi te hian an dawhthei ngawt zawk a lawm. Nun dan pangai pela, tuai pawh a tuai nihna pel emaw patil pawh a patil nihna pel a an nun chuan mi ensan an hlawh loh nakah! Khawtlangah pawh mi tih dan baka nung te chu tu ngaihsan mah an hlawh ngai lo.

Gay pride parade te kha... chanchin phekah leh TV ah te an in kuah vel! Inneih hial duh a te ho chu opposite sex an ni ve mai lawm ni? Chuti chung chuan police pawhin an man ve hlei nem! Mumbai ah hian i bialnu emaw i bialpa emaw...han kai chhin teh! An booked nghal che anga. Atukah court ah i inlan zak zak mai ang! Tunge chep zawk?

A reng reng thuah gay sex legalization ang zawnga a kal dawn anih te chuan nawhchizawrh te pawh hi phal ve law law mai tur hi a nia. An ni pawh a dawrtu nen te chuan 'puitling duh ve ve' an ni tho a lawm! :D

Ka lo tuai ve reng anih hi ka sep ho e mai! An ni hi lo innei ve mawlh mawlh teh se. Ka duhsak pui e. Amaherawhchu, newspaper leh TV ah hi chuan rawn lang chhen teh suh se. Rakhi Sawant i TV Show tluk zetin ka ning!!!

Passion and Ambition-Flashback

2009-06-24T12:52:00.010+05:30

Nih tum, hei chu ka la ni ve ang mang lam tala i lo kur pui ve tawh i nei em? Tunah enge i din hmun? Mi pangngai tungchhoa kal tawh chin chuan midangte hriatah kan sawi lo a nih pawhin i lo mut bo pui ve tawh ngei ka beisei!

Chhungten neihthinglungkhawngin lehkha min zirtir ve a, “Mama/ Mami chu chu nih tum ang che aw!” emaw “ Zir tang tang la hna tha tak ila thawk dawn nia” tih tal fuihna hi chu nu leh pa mai ni lo, thenawm leh laina hnai ten he kan khualzin kawngah hian min fuih theuh tawhin ka ring! Nih ka lo tum ve thin leh ka tui ve na thin te ka han tar lang ang a nangmah lo inchhut ve chhin teh!

My 1st Passion: Sikula ka ngainat hmasak ber chu ‘NINHLEI’ kha niin ka hria. Hrem vawi khat tal tuar loa karkhat tluan chhuah kha ka nei khat khawp mai. Home work tih loh nen! Beng pawh, bungbua beng pawh, banga uai tih leh lungput kha ka hlawh chhuak zing khawp mai!

My 1st Ambition: Football khel thiam nih kha ka va chak thin tak em! Kan thenawmpa ‘U Tawntea’ (MAP a khela a lut ta) ka ngaihsan thin zia kha! Tum pawh ka tum ve nasa. Mahse, ka pa duhtak kha a han strict thei em em khawp a, inrinni cheng 15 entry fee one day a Cup inchuh tur te kha hre ranin thing pu turin min han tir ta tlat mai thin a. A lian leh a te a sawi lo a. Kan in atanga thing ruk theihna hnai ber chu km 2 vel a hla a ni a. Tlan tang tangin ram lam ka pana, tlan zawhpui theih tawh thing puin ka tlan hawng leh tang tang a. Vanneiha pawl te an lo la chak chuan semi final atangte kha chuan ka khel ve hman ta thin.

Tin, Sunday tlaia Biakin thlang sikul II kawta bang pet per awih a inkhelh te kha! Ke zungpui tin chhuih thla phungin ka tel ve ziah bawk. Tum khat chu ka scholarship (Vanneih a zarah pawl 5 atang khan Scholarship ka la tluan parh a) ka lak ve khan masi thawmhnaw ka duhzawng lei turin min ti a. Ball Boot leh Sine Guard ka lei ta a. Ka haw chu ka pa lecture a thui duh khawp mai!

My 2nd Passion: Lehkha chhiar hi ka nuam tih zawng a ni leh a. Zirlaibu tih loh chu! Ute college zirlaibu a Mizotawng a As You Like It emaw, Sialton Official, Phira Leh Ngurthanpari, Lali tih vel kha ka lo chhiar zo ve thuai thin. (Sialton Official leh Nunna Kawng Thuampuiah tih kha ka mitthlah a la cham reng thin!)

Thianpa awmthei ve tak neih zarah Archies leh Tinkle ka chhiar ve theih phah a. Shikari Shambu leh Supandi phei chu ka la nuihpui reng peih tun thleng hian. Saptawng ka zir ve na a ni a, keini Mizo Medium a zir tan kha chuan JF a Dictionary kha tangkai tak ani.

Mah se, sum neih ve si loh chuan kan khaw library chaurau ve tak chuan chhiar duhzawng a daih ta lo thuai a. Dawrah lah Magazine duh thala lei tur la awm lo vein en! Lehkhabu hmuh awlsam theih ber Cowboy Bu chhiarah ka tlak ta a. Aizawla lehkha ka zir tan kum phei chuan Mission Vengthlang a an library a Sudden a te ho bu kha ka chhiar zo hman vekin ka hria! :D

My 2nd Ambition: Hei zet chu ka Cowboy bu chhiar hrin chhuah a ni. Ka mumang lamah te hian ka lo ding kak leh tha thin a. Kawng kawia meng rum deuh tawh tum phei chuan ka kut hian ka kekawr ipte hi a lo hnaih hman a, ka zungtang hi a lo kak tha thin!
Cowboy ram zawn chhuah a, Sheriff em tlin phak loh pawh a Outlaw bawn turu, phawirang nih kha mang phan in rauthla in a tak ram ka zawng ruai thin!

My 3rd Passion: Aizawla ka lehkha zir kha, inkhawm ta ngai bawk si lo, thian nei bawk si lo chu tih tur dang zawn a lo ngai ta a. Cowboy bu in min hnem zo chiah tawh lo bawk nen. Thil chhe siam/ thil tha siam chhiatah ka ram tang ta a.

Ka la hriat reng chu RO Bawm hi ka nei a. Bawlhhlawh paihna ami pawh ka chhar zel a. Ka hlawhtlinna hmasa ber chu Akai Tape Recorder chhia leh ka pate ate Philips Radio chhia ka modify kual vel a. A tawpah chuan khum hnuaia luhkham a delh beh tir khan AIR a ‘An Lung a Leng Ve Ngei ang’ tih kha a ri chher ve bai bai thin.

Tum khat leh chu electric istiri chhia ka siam a. Kan inluah chep takah khan ka nutei a lo leng a, ka bul thutthlengah chuan a mu zar a. Ka siam ka siam a. A tawpah chuan a puak ta pawp mai a. A bula ka nutei mu chu a sam a kang hmui ta chum chum mai a. A tih chi loh ngei mai.

Ka hlawhchhamna ni a ka hriat tak chu Champhaia kan thenawm ka thianpate Burma Deck Tape lei thar chu a ri a chher deuh a. Kan thiat ve leh pawp mai a. Ka siam zawh meuh chuan rik pawh a ri thei tawh lo.

My 3rd Ambition: Matric ka pass ve ta hlauh mai a. (Hlauh maia ka tihna chhan chu 1st term-ah ka failed a, 2nd term-ah ka SP a, selection ah 3-na ka ni ta hlauh mai a!) Wonderboy a ten an hre chiang ang chu. Govt a kan Vice Principal khan “Hei chu kan pawm dawn em ni?” a tih kha fiamthu nge tun thlengin ka la hre lo!

Science zir ve ta na na na kha chu, 11 kan zir tirh hian kan zirtirtu nu hian ‘Nih tum’ hi min zawt diat diat a. A thenin IAS, IPS, Doctor, Engineer an tih lai khan tlar hnung berah ka thu ve ran a. Ka hun a lo thlen ve chuan “to become a great scientist” kan tih lauh mai a. Introduction tha tak kha ani ringawt. Rei vak lo chhung chu kha sikulah khan ka ‘nick name’ anih phah ta nghe nghe a.

Tun Dinhmunah enge ka nih tak?
Life’s so unpredictable. Kan duh dan leh tum dan ang hi chuan a lo awm theih loh mang e. But I don’t regret, ‘coz midang pawh khan an tum an thelh ve tho! :D
Harsatna hrethiam inti ve khan employed nih kha ka chak ve em em a. 12 ka zirlai phei chuan part time in Future Vision Advertising-ah khan Magnetic Therapy bungrua fakin tie te nen office leh door to door campaign neiin veng hrang hrang ah Naga ho nen ka tei kual ve rak rak tawh a.Naga ka ni ve emaw tiin Ramhlun a Industries' Office ah phei chuan nu pakhat hian,”Heng ho ve ziah lah hi……..” tiin min lo an khum hrep leh nghal a. Mizotawng ka thiamlo der tluan ta ngawt a.

Chhungte phurrit chhawk zangkhai turin sipai nih kha a rem a niang chu! Air Force leh Navy ah ka tling leh ta a. (Navy phei chu ka tum hnih tlinna ). Ka inngaihtuah fe hnuah ‘Join the Navy and See the World’ ka thlang ta a.

Sipai lubawk nih hi ka tan a lo tha aniang e. Ka passion leh ambition ho khi ka kawp thup ta mai. Multi-tasking!!! Football pawh fawren thlengin ka khel tawh a. (International Player!) Silai pawh ka hum run ta fo mai a. Mang lama silai ka lo mut pui thin kha a tak ramah chuan ka din khawngpui zar reng ta fo mai a ni.Khawl siam pawl kherah ka thawk zui ta bawk nen, thil siam chhiat pawh ka ngah tawh khawp mai. Lehkha chhiar pawh hun ka la insiam thei zel a. Amaherawhchu ‘Great Scientist’ erawh ka person ta khawp mai.

My Aim in Life
Thlarau mi tak chu ka ni lo ngei mai a. Khawvel changkanna pawh ka hlat duh bik miah lo a. Officer nih tumin tum thum ka bei a. A tawpah ka tla leh thin a. “Pa lian leh hmeltha” nih hi a lo ngai tak tak anih hi te ka ti ta mai mai a.

'Engkimah Lalpaah chuan lawm fo rawh u' tih leh 'Nang malsawmna ni ang che' tih hian ka nitin nun min kahruai thin a. Khawvel thil te chu kan um ve bawk ang chu... mahse Chung lam remruatna pawmthiam tur leh midangte tan a malsawmna ni thei tura ke pen hi ka tum ber a lo ni ta a ni!

"Mould me and make me to be a better man!"

Pawng tih

2009-06-18T22:00:00.000+05:30

"Enga tinge awmpuite leh zel?"
"Ka pawng tih a nih kha!"
Chuta tang chuan "*****Pawngtiha" an tih phah e an tia lawm!

Tunlai chu hna lamah mood fuh vak loh nen, tlaiah han haw i la, Shiney a Rape Case ringawt mai TV ah a lang a. An awmpuinu kha a lo mut pui ve khanglang a, a lo pawngtih ve ngawt a, a hmeichhia khan min pawngsual e a ti ta sia. Police ten an man ta a. News Channel zawng zawng, abikin Hindi-ho ah phei chuan a nun a chin chhuakin an phawrh leh tan ta phiar phiar mai le.

Police lamin an man ta a. Actor pa nupuiin a rawn tan ve leh ta. Heti tak mai a anpa hmingchhiat lai pawh a media hma a huai tak mai a an pa a rinzia a rawn chhakchhuak piap piap mai hian nupui duhthusam a nih tir teuh hle in ka lo hre leh pek a.

Kan TV ho lah chu an han thleng thui leh tawh khawp a, Pawngsualtu pa chenna Society member te, an housemaid te khaw lam thleng thlengin an luh chilh leh tawh a. Mipui lam lah kan thleng thui. Khai hlum lo rawt pawl te pawh an awm leh tawh. Delhi tlang lama kan hmeichhe lam hotute pawh Mumbai an rawn thleng fel leh tawh a.

A lo pawngsual tak tak nge a lo ti fiam mai mai tih te pawh hriat a chak awm rum rum a lawm maw le.

Chakai te pawh ka ang deuh e tun lai chu... khawmualah chuan ka kal bai auh auh mai a lawm! Ka awl lutuka awm ngaihna ka hre lo a. Ka thatchhiat phah vek a lawm. Min lo hrethiam teh u! Kan tiam post ka net book siam tir an lo Reboot peka, ka lo Back up hman si lo a ka chan ta vek a nih kha.

Taimakna mum min chawh tur hria in awm mial lo maw?

First Day

2009-06-03T19:48:00.003+05:30

(He post hi ka thuziak tlawm tak te min lo hlut saka, min lo chhiar sak ve tu te tan ni rawh se.... Lak chhuah, entawn, carbon emaw hmanga hmun danga hmuh leh chi a ni hran lo ang!)

Kan khaw lamah ka hawng a, globalization tual an lo chai vut vut laiin ka tu leh faten ka Net Book an lo ti chhe palh hlauh mai a. Kan chhunzawm thei ta lo kha a ni a. Naktukah Samsung ho Engineer in min rawn tlawh dawn a, a siam that ngei ka beisei!

Hun rei tak atang khan khawmual lamah ka awm ve tawh tur thu ka sawi a, ka chak tawh khawp mai a. Hei a takin khawmualah tual ka chai ve ta e!!!

Tuesday zingah Mumbai ka let leh a. Dar 9-ah chuan ka hna thar tur inpeih at in Office ka thleng vang tawh!

First Day.....
Ka thil hmuh hmasak ber chu ka thawhpui tur te kum chu ka va pha lo ve tih kha a nia. Kan va han in senior hleih em em!!! Hei chu fiamthu aniang a ka ti hman a. Mi 40 velah khan ka rual pui ti ila, kum 10 vel tala kei aia upa lo kha zuk awm lo a. *Ka tar ve tawh aniang e*

Introduction te kan han nei zo a, keimah chiah nupui nei lo ka awm avangin ka awmna tur pawh kha min ngaihtuah sak dawn ta a (Pu Kima Aizawl post min ti hre chhuak thut!). Engvang phiang sena he hmun kher kher a min transfer chu le!

Boss in min ko! A chenna bawm ka va lut chu a lo fel khawp mai a. "Russian Motor Specialist i ni em?". Nuih tut pahin, "Ka service record i chhiar lo mi?" kan ti hram a. "Chuan, i hmuh angin hei Electricals hnuaiah i awm dawn a, Mechanical lam chu pathum chauh in awm anga, in hna chu nakinah i la hre chhawm anga. Special Driving Course lam ti hmasa la ka ti a"

"Ka pu, driver ni turin hetah hian min transfer ka hre lo", ka lo ti hman pek a. Boss thar chu sakeibaknei hliam tuar hual beh ang mai hian a rawn meng hman a. Mah se, thiamna lam leh engkima kan pu na na na chu a inbengdai thuai a." Motor khalh turin ka ti hlei nem che, a tul tak thut pawh a trial thei tur in i tan a tangkai zawk ka ring mai a nia" a ti thei ta hram a.

Kha mi zawh atang kha chuan chhun chaw ei thlengin tumahin min be leh ta lo a. Kei pawh chu ngawi rengin ka hawi kual ngat ngat a. Hna pawh chu ka nei lem hlei lo a.

Tlai lamah chuan ka dept. tur HOD chuan, "Garage lamah te zuk en chhin ta che" atia. Ka zuk thlir chu keimahin ka nui ta kiah kiah mai a. Darthlalang ka zawng ruai mai maw le!

Kan Garage ah chuan Tata 407 1 a lo ding ve ran a, amaherawhchu a lo din hual tu te kha a ni ka nuih ti za tu chu! Russian Special Vehicles rothap hmel tak tak sipai motor rawng ang, hmanlai Shakti Man ai pawha hrawl fe fe, ke ruk lai nei kha an lo ding sir khup mai a.

"Khung khu kan pu khan khalh tur khan min ti a maw???"

Ka han inennawn leh a. A seat ah khan han thu ila, wiper ka hmu pha tawk tawk emaw aniang a. Han kamsang dawn i la, a break kha ka tlawh pha leh lo emaw a niang a. Awi ha.... ka tlan thui duh awm mange..... keini 3X3 ho tan hi chuan 100cc bike khalh ve pawhin a hnunga thu tur kan van raih mai a. Kawng sira min lo thlek tu te lah chuan, "Vei lamin nge dinglamin a in rahkhalh ang?" tih vel kha min lo suangtuahpui a.

Ni khatna chu ka hmang zo ve thei ta mai a.

Second Day......
A ni hnihna chu a ni ve deuh zaih tawh ang chu ka ti a. Nilengin tui um 6 ka in hman a, tumahin enge ka tih ve dawn tih min hrilh miah lo.

Taima chu ka ni lo na a, tih tur hisap tur pawh neih loh chu a va han hahthlak ve le! (Tuifinriat lamah kha zawng 24X7 hi a lo awm thei tak tak a!)

Ti vel hi a ni ka tunlai khawvel chu....

***** Mizoram ka cham chhung zawng a ka rilru luah tu deuh zinga pakhat chauh ka han share pui leh lawk teh ang che u....

Mizorama kan Minister fel tak mai chu vai contractor hlun tak pakhat hian thei rah i lo a ina dah pahin cheng nuai nga (5Laks) a kal san a. He minister hi a fel em avang leh eirukna do tlat tu a nih avangin a hriatchhuah veleh pawisa pelet tur hian mi a tir ta nghal a. Hetih lai hian witness tha tak tak, Mizoram a senior doctor pahnih bakah Mizoram kohhran lianber hruaitu lu chu kan Minister inah hian an leng a. A va ropui em, chanchinbu leh TV ah te an chhuah in an puang chuai chuai a, kan Minister a ngei pawh TV ah te kawmin "Eirukna chu an hotupa ho a PHORO an tum thu" a sawi nghe nghe a. A va han ropui tak em!!! Mipuite khan kan va han fak em?

Ti zawng hian ka lo ngaihtuah leh tlat pek a.........

"Kan minister fel tak hian pawisa hi pek kir leh tum ta lo se, hriatpuitu thatak tak a nei bawk si a. Chu aiah chuan hepa, vai, tham tumtu pa hi man tir ta zawk se emaw, FIR theh lutin leh he Contractor-pa Licence hi hlih sak nghal se la. Mipuite tana thawktu tham tum tu chuan a phu thlawtin ka hria a. Tin, a zung chawpa 'PHO RO' nan chuan hmanraw tangkai zawk a nih ka lo ring ve mai mai thin a. Engtin nge an tih zui phei chu ka hre ta law? Amaherawh chu, chanchinbu leh News lamah te ka ngaihthlak si loh avang erawh chuan ka cham chhung zawngin ka rilru ah a cham reng a!!!!" *********************

Globalisation leh Mizote - The Prologue

2009-04-21T23:46:00.004+05:30

THE PROLOGUE
Feudalism a tlu chhia a, French Revolution in "Liberty, Equality and Fraternity" min rawn sih hmuh a. American War of Independence in min han thawng harh a. Kum zabi 19 laihawl a pelh meuh chuan India ram pawhin min awptute um chhuah kan tum a. Kan harh tak tak ta. Social Reform mai piah lamah hma kan la tan ta!

Indian National Congress a rawn piang a, Kum zabi 20-na kan chuan kai meuh chuan Congress pawh Moderates leh Extremists (Bal Pal Lal kha I la hria em?) an in thliar tan a. Indopui Pakhatna a rawn chhuak ta tlat mai! Indopui a zawh meuh chuan khawvel hmel a in her dang lam a. Russian Revolution in min deng a. Communist Idea in India ram a rawn thleng. Chutih lai mekin MK Gandhi a pawh South Africa atangin a rawn haw!

Hetih mek lai hian India ramah Militant Nationalism a rawn piang a. Chandra Sekhar Azad te leh Bhagat Singh a te martar dan chu kan hriat kha! America ramah tampui a thleng kan ti dawn nge, the Great Depression in a rawn tlak buak ta tlat mai! Market a han tlu chhe tak tak a, tun thlengin kan economists ho chuan Keynesian Economics an hriat bel hlur hi!

Hitler an a nghawng a rawn len a, khawvel a khur. Kumpinu sawrkar meuh pawhin a khawpui a veng him zo ta lo. Khawchhak lamah Japan a rawn inhro sa. Pearl Harbour abarakhaih thut mai a. Lo theih loh in America a in rawlh ve ta. German ral leh Japan ral a lian zual zel si a. America mangang chuan Einstein a E=mc2 formula a ruai ta tlat mai le! Khawvel in Chain Reaction awm zia chu 6th Aug 1945 ah Hiroshima a hrethiam thar ta thut mai a. Angaihna hre lo ka ang huau a a thlir reng laiin 9th Aug ah Nagasaki ah a han nawn leh sak reuh mai a. Japan ral lian a tawp ta!!! German ral pawh a zal ta!

Heta tang hian keini Mizoten khawvel ke chheh rual a ke pen kan zir ve dan leh kan chheh sual emaw kan rah fuh laite ka thur chhuah tumna a ni ber!

********************************************************************************

"The world is shrinking" an ti maw kha! Yep… the World is Flat!!! Khawvel hi a bial tawh awkawng lo, a phek mek!!!

Khawvel a mum lai chuan "conservative" lutuk mai kha ka nia. Ngaihdan kha ka han nei nghet mai mai thei khawp a, sawhsawn rual a ni lo. Vairam kha hla tak a ni a, sapram phei chu mum pang lehlam ah daih khan a awm a. Han hmuh theih chi kha a ni lo reng reng. Thingtlangpa ngaihdan kha chu sawhsawn kha a lo har reng a ni!

Hun a lo inher dang lam a, a mum pang leh lam ka thlen meuh chuan ka thawl ve ta halh mai a. A lo tight reng theih awkawng lo mai hi a lo nia.

Globalisation hi kan sawi teh fo va, engtiang chiahin nge maw keini Mizote hi min nghawng ve le? Hmasawnna rahbi rah nan kan hmang nge min ti thuanawp tu? Ngaihdan inhmu lo tak tak kan neiin ka ring ngawt a. Ka hmuh dan ka ziak mek a, buai zarah ka zo hlei thei lo a, buai reh veleh chhuah kan tum a niang chu!

Ka nei ve asin!

2009-04-09T22:44:00.006+05:30

Kum hnih dawn ka blog ve ta a, thla khat chuang han update hman thak loh hi chuan lung te pawh a leng ve dawn dawn a lawm le!

Ziah tur ka haih chham em em pawh ani lo, ka hman thlawt lo a ni! Zan dar 10 vel a ban a, Cafe a han luh leh dun dun kha chu a OVER thlak ka ti ve deuh si a. Ka buai tak meuh meuh bawk si a, Laptop an tih ang hi lei ve teh ang ka ti a, ka budget in a daih leh ta si lo a. Net Book-ah ka tlak ta a. Amaherawhchu, ka la hmang hman meuh chuang lo nia! Buai thei vet vet khawp mai.

Kan duh ai erawh chuan a to deuh a, nep erawh har ka ti thung! Laptop pangai pawh a man a in thlau hauh lo a. Mah se, mobility te hi ka duh reuh a. Duh zawng leh ngainat zawng hi a inang lo a niang e. Inkhawm tur erawh chuan kamis sekhawn han cheng 70 man kha ka ha leh mai mai awm si a.

Samsung NC10 (Intel Atom N270, 1.6 GHz,1GB RAM,160GB Storage with Windows XP Home)

Khawvel zet hi chu! A te te hian thil te hi an lo ti thei anih hi ka ti ta a. Ka duhang chu a tih ve theih tho nia! Buai karlakah pawh ka post ve zeuh zeuh thei tawh ang chu. Kan la inhmu leh thuai ang! Hei ka Net Book pawh ka hmang tangkai tan sawt khawp mai!

Min Thlahtute-Tiau Ral kan hma atangin

2009-02-26T20:54:00.005+05:30

Mizo te hian thlah tu te chhui hi kan ching teh chiam lo a. Kan history kan sawi apiang hian chhinlung chhuak kan nih thu hi chu kan sawi lang ve ziah a. Thlahtute han sawi hian mahni PU te ai thui chhui thei hi kan tlem ngawt in ka hria.

Kei pawh ka chhui peih vang ni miah loin, ka pu Tawkthuana taimak zarah min thlahtu ka hriat hlat theih ber atangin ka han tarlang ve mai mai ange.Tunlai chu Chin leh Zo/Zou boruakin min chim nasa bawk a. Zo Bloggers zingah hriatzauna belh tur nei awm ring ran chungin!

Amaherawhchu, TLAU hi Mizo chhuitu te hian chang leh PAWI(H) ah min chhuah a achangin DUHLIAN ah min chhuah a, khawi zawk nge ka nih phei chu ka PROOF thei bik lo!

Ka Pu Tawkthuana min hnutchhhiah angin a chhuih theih tawp atangin bul kan tan ve thung anga. Mak i ti ngawt ang ti ngawt ang tih hla kha i lo sa a nih pawhin mak ka ti lo ang! *GRIN*

Chhui theih hla ber kan thlahtu chu Niluna a ni a. Niluna'n fapa Chelhlova a nei a. Chelhlova'n kan hnam hming putu Tlaua a hring a. Tlaua hian fapa panga a nei a. Bawlchhima, Bualchhuaka, Thlengngana, Vantawla leh Khukhaua te an ni a. An upat dan indawt in ziah ka han tum a mah se, Bualchhuak a thlahte hian Bawlchhima aia upat nih an chuh a ni awm e (Bawlchhim ka nih vang ni lovin)!

Heta tang hian min thlahtu chhuan ka han chhui zui zel teh ang!

Bawlchhima'n Lianhmunga a hringa,
Lianhmunga'n Hleiunga,
Hleiunga'n Hratlala,
Hratlala'n Hlawnthanga,
Hlawnthanga'n Nungthoa,
Nungthoa'n Tawkthuana,
Tawkthuana hian kapa duhtak Lalthangliana,

Tichuan kei ka lo piang ve ta a! Chhuan 13-na(13th Gen) ka nih tak chu{Ka no hi a luck bik riauin ka hria :-)}

Tin, ngaiteh- Chu chuan chu chu a hring a tih bu hi Bible-ah pawh chhiar kan hlawh tak ani a. Mah se kan rinna ti famkimtu ani si. Mahni thlahtute chanchin hre lo leh hnam nunphung theihnghilh mi chu mi bo an lo ti vei nen. Nang teh eng i ngaih ve dan?

Ka tunlai khawvel (With some Pics)

2009-02-17T15:30:00.018+05:30

2009 hi Zoram lamah YMA in zin kumah an puang nge ka hre law! Ni 3 aia rei hmun khata mawng ka hun hman der loh chu a!!!

The giant orange orb slowly faded into the distant horizon.....

(Sunset on Friday the 13th of 2009)

...........leaving behind a trail of vibrant colors.

14 Feb 09 zing dar 2 ah Mumbai lawngchawlh hmunah ka lo kir a. Valentine's Post a ka duan ve uluk taka ka PC a ka typed sa erawh MS Office 07 ah ka lo saved avangin Cafe ah ka hawng thei ta lo a.

Lunch thleng thak ka CRP mut kawm reng a. SMS ka dawng ve tlat!!!

"For those who are single on 14th....

...

Happy Independence Day!!!"

Keimah in ka khek vak vak tep ani!

Ka CRP mut chhan pakhat ah chuan, Ram Sene leh mene emaw Pink Chaddi ho karah ka tla zep palh ang tih ka hlau deuh a.

Luck loh vang hian kan duhtui lo tihna a ni bik mang si lo a. Hmangaihna kan hrilhfiah dan a danglam mai ani zawk!

Vairam mipui tawt tak karah khan ka lo inzep ve palh ang a, khawimaw lai a dum tliang hlarha nui var tha mai bula din fuh lai hian min rawn nek palh hlauh anga. Chutih lai tak chuan Sene mene ho khan min lo hmu fuh ang a. Anti-PDA Dan BU a Un-Indian Behaviour Section III tlawh chhanin 'Mangalsutra' hi an rawn phawrh ang a. NUPUI ka hawn ve ngawt ang tih ka hlau deuh a ni!

Tlai lamah boruak ka va chhim ve reng reng teh ang tiin ka chhuak a. Lo...!!! Tumah in engmah an hlau lo. Angai te te in an leng siau e.

An hmelah chuan "They can't stop us, because love is on our side baby. We can reach the heavens and touch the sky .................... 'Coz through it all love will always find a way" tih hla kha an sa ni berin ka hria!

Ka zan leng haw kawngah Times Of India ho Arts Festival Open Air Concert ka chhim hawng a. An hot kher mai. Shankar Mahadevan khan "Breathless" tih kha a lo sawisa vel a. Stage eng ri riai hnuaiah a thawk leh thawk loh ka hre lo a, a thei phian!!!

{Ka hriatsual loh chuan The Corrs ho music "Toss the feathers" nen a danglam lo in ka hria! Andrea Corr hi ka duh reuh tak tak a ni eeeee :-) }

Ka tui rei lo. Zanlai a pelh meuh chuan Valentine for the Lone Riders a rawn chhuak hlawl mai a lawm!

Ni te an vei zel a, ka Valentine post erawh ka shelved rih mai teh ang. Hun leh ni ten an liamsan ta si a!

Tunge ka sum eiru?

2009-01-29T15:28:00.006+05:30

(Ka inngaihtuah lungpuam thuta, “Khawnge ka pawisa thawhchhuah ve te kha?”. A tam emaw a tlem emaw kum 8 chhunga ka thawh chhuah ve te kha khawnge a awm zawh tak? Tunge min eiruk sak?
Thla tawp dawnah Bank balance han check ila, digit hnih hnuai lam alo ni a. Assets leh liabilities awm zia hre lo mah i la , “Enge ka tih le?” ti a mahni inzawh a awl khawp mai. Sum lu tih tur reng reng ka nei lo nia.
LIC leh PLI ah policy ka lei ve a. Group insurance subscription leh a tlem thei ang ber (compulsory subscription) Provident Fund-a ka dah ve tih mai loh chu engmah, engmah tak tak ka nei lo thei nia!)

SENT SOME, SAVED SOME!
“Engtiang chiahin nge thlakhat sum hi i hman?” emaw, “Enge retirement plan?” tih zawhna ka dawn chang apianga ka chhanna ‘ever ready’ chu ‘sent some, saved some’ tih hi a ni awlsam et reng mai a.

Nia! Bachelor nih manah chhungte chu ka thawn ve thin bawk a. Mahse a bangte kha khawiah nge? SENT SOME chu a zo fel mai a. SAVED SOME part nen khian han belh khawm ta i la, 50% a tling thei lo reng reng. Phar sawm tih dam ang mai a, a bangte chu khawnge an awm tak? tih mai a awl khawp.

Zu ka in loa, Pub leh discotheque ah ka kal ngai hek loa. Nawmsip ka bawl ka hre hek lo a. Thawmhnaw hakthlak khat aia tam ka neih ka hre ngai hek lo a. Mah se thla a lo tawp hian Bank balance hi NIL a ni hman deuh ziah tho nia!

MONEY MATTERS
Mizote zingah hian ADVISOR hi kan tam a. Damdawi lam a ni emaw, zirna lam ani emaw, hmangaihna lam a ni emaw, dawn sen loh thurawn petu hi kan awm ziah thin ani a.

Amaherawhchu, sum lam alo nih hian kan thurawn hmuh theih chhun chu, “Sum ngainat chu sual tinreng bul ani” tih leh”Sum tello chuan hmangaihna tih vel pawh hi a awm thei lo, Pathian thuawih reng phei chu har tak a ni” ti te hi a ni mai awm e.

Thudik ni ve ve si, inkalh tlat an ni lawi si a. Tin, a hun leh hmun a zir a chhanna diksa tanpui vartu hnai reng an ni bawk!

PLAY IT SAFE
A chunga thurawnte khi en ran chungin sum ngainat loh ka zir a. Sum ngainat loh ka thiam dawn veleh sum tello a ke pen harsat zia in min rawn tlak buak a. Ka thla tin hlawh tih pun ngaihna ka hre si lo. Mite sum chalai vel dan ka thlir ka thllir ta mai a.

Bank savings mai duhtawk loin company dang dai tak tak sum ah tam tak pung thut tur umin sum an dah a. A vannei pawlin kar loah a an sum dah let fe an hmu chhuak reng bawk a. Shree Shoppings, Sagacious, SMS Media etc etc tih ang reng vel te kha! Downline/ Chain system an tia, a inbum theih theih an inbum a. A tawpa chan pawlin uplink ho an mawh chhiat a. Khatiang company tho kha a lo chhuak leh a, an dah ve leh mai bawk a. An rin lawk ang ngeiin thla 6 a lo ral chuan an tlan bosan leh ta thin a. A chang chuan nuih a za thin.

A inti fing pawlin stock market an luh chilh a, a thenin mutual fund an ti! Hrethiam ve chiah lo mah i la mi ti ti leng vel ka lo ngaithla ve kur a. Risk a ken tel avangin ka la tel ve ngam lo cheu a. A zir peih leh taima te chuan an hlawk pui a, a then te erawh chu vawikhat hlawk hluai kha an zawng chhang a, an chan leh teuh thin.

Amaherawhchu, ti teh ang, hetiang a sum khawl mite hian kei ai chuan an nei vek nia. A then an hlawk pui viau a, a hlawkpui lo deuh te pawh khan kei a thla tin lo thlir a eiral ziah ai chuan an nei tlat! Tlem a zawng an lo khawl far nia!

PLAY THE GAME
Rich Dad, Poor Dad- Robert T Kiyosaki's and Sharon L Lechter lehkhabu ka chhiar khan ka rilruah sum ngaihtuahna a rawn tuh a. Stock Market Guide te ka lei ve a, thiante eng eng company emaw a share holders te puihna a zarah a then a zar bakah business jargon mak pui pui chu ka man thiam ve ta thuai a.

Stock Market leh Stock Exchange functions te, SEBI in a regulate dan te chu lehkhabu atang chuan ka hrethiam ve mai a. Company Annual Report endan ka han zir a, Balance sheet leh Profit and loss account endan te, funds and loans, gross block and depreciation tih vel te leh Director’s Report pawimawhzia te pawh ka man ve riai ruai a.

Eng Share nge tha ta ber ang? Fundamental Analysis leh Technical Analysis ka han zir thleng a. Risk Factors leh Returns ka han keu a. Shares mai piah lam a Futures leh Options ka thlen meuh chuan thla khat alo liam a. Ka hriat chian tawh loh dan chu chiang tak ani. Sumdawng tlak hi ka awm tawh lo reng reng.

FINAL DECISION
Kha chen ka ngaihtuah hnu ah pawh rilru ka la siam fel hlei thei der lo nia. Sum ka ngaihtuah a piangin hnuk a ti ulh ziah thin. Mizote zingah lehkha thiam tam tak te hian thu leh ziak in sum leh pai hi min han hrilh fiah teh un! Kan zirna leh thiamna te hian MNC leh eng eng Corp. a manager lian thawhna chauh ni lo a, social service ang a ngaiin thingtlang kil khawr ber thleng turin ziak leh hril in min han hrilh hre teh u! Helam guidance hi nei tha ni ila chuan 'CHIAHPUAM BORUAK' khan khati khawp khan Mizoram a chawkbuaiin ka ring lo!

Kum tharah Krista nen!

2009-01-16T21:57:00.005+05:30

Kum 2009 a lo in her chuak ruai ruai a, Mahni khawlam atangin hnathawhna hmun lam pan a lo ngai a, D' nei miah lo pawh khan thenawmte zawhte ngiau ri tal in in lam ngaih a ti na ve thei tlat nia!.

Kum a thara, thlawhna in kan thlawk thla ve duai duai a, zin chhung rei lo mah se in lam ngaihtuah hman lek lo a min thlen thlak pui kha chu duh aiin chak ka ti deuh mah mah ani! Ti chuan Mizoram Synod Calendar a Misionary Day a lo thlen meuh chuan thlakhat hmalam lawk a an inkah buai nuaih nuaih na, News headlines tun thlenga la luah phah reng na hmun Mumbai ah kan chuang chhuak leh ta hlawl mai a. A va han nuam dangdai thin tak em! Tlangval a pumpa in a, "Ka nu ka ngai" han tih kha a chi tawh chiah mang bawk si lo a. A rukin ka pianna Zoram nuam ka ngai ve veng veng nia!

Tichuan ni khat em pawh cham ta lo chuan mahni hnalamah tiin tuifinriat lamah kan pil bo lehnghal a. Champhai lamah kan BSNL Broadband ve kha a chhe rei bawk sia, blog pawh update hman lek lo in hei kumthara FIRST UPDATE thla chanve hnuah kan thei tawk chauh a ni a. Engtikah tak regu thei ve ang i maw? Kan pachhe kumtiam ang tih pawh ka hlau hlel lo e.

Kumtharah chuan Krista nen! han tih rup mai chu...... Nia, kum kalta te chu a lo ral ta a. Pathian thu awih har ka tihna ber SAWISEL suh sawisela i awm loh nan tih hi niin ka hria! Amaherawh chu min fakpawrhtu zinga pakhatin thudik sawi hi sawisel ni loin faksel kan ti a ti miau a. Fak sel kan chhunzawm turah ngai i la.

Kum tharah chuan Krista hi han ring leh bur phawt mai i la. A ni chuan kan rinna te min tih puitlin sak leh ang a. Zoram lama kan sawrkar thar pawhin Pathian nung chauh beh chhan loin an hnathawhna ah Krista nen ti zel thei se la. Development hi a zuan in a zuang awrh awrh mai turah ka ngai.

Tin, kan awmna lamah ve thung chuan Krista hmangaihna hian min han tuam vel in a dum a var, a meng zim a meng pawng leh hmul lo leh hmul chhupte hian Krista nen han ti thup thei i la chuan Bomb puah kan hlau tawh lo anga, pawisawilo te tawrhna a liam ngei ang!

Middle East buaina leh Obama sawrkar thar te pawh hian kum puanah Krista nen tih han nei mai se la chuan...... kan khawvel hian global warming, green house effect, polar ice caps, forest depletion, oil reserves etc etc te kan hlau leh tawh ngai lo ang a. Hlauhna aiah remna, lungngaihna aiah lawmna, Fakna hlate a dai leh tawh ngai lo ang!

A tawp berah chuan unau duhtak, nang leh kei chuan kumtharah chuan Krista nen ti dun zel ang aw!!!

Retheite chhanchhuah nan NREGS nge NLUP?

2008-12-19T12:33:00.004+05:30

Politics hi ka hua! Hmanni a ni za inhlawhna(NREGS) a ka va tel ve thu thianpa Rairahtea ka hrilh phei chu "Politics lam hawi hian rawn ziak ve tawh suh, i eiru" min lo ti nia.

Thil dang engvak ani law! Hmanni a niza in hlawhna a ka va kal ve chu.... A thalai lai kha an that chhia a, nu leh pa deuh hlir khan hna zu han thawk a maw le! Unemployed hi tu zawk nge ni ta ang te ka lo ti mai mai a.

Chumai bakah thawk miah lo khan ni sawm hlawh te kha an la a ni li hlawh khan JCB te an laih tir vel a ni awm e! Thawh loh hlawh hi kan lo lawm tlang a ni ang e!

Nlup in min hmchhawp lehnghal a! Nuam dawn rep rep mange! NREGS ah pawh sawrkar hnathawk pawh a thawk thei vek a, rural tih hian Town hi chu a huam lo turah ngai mai i la, Champhai khawlaili ho pawhin an thawk ve tho sia!

NLUP kan han dawng a nga, a hausa sa khan an dawng leh hmasa in an ring ngawt a. Retheite nge hlawkpui ang hausa te. Rethei te chuan inchawm nan leh intun nun nan an lo hmang pawh a ni thei e, hausa ten a an kawng tur an tih pin sak tlat chuan a rethei thei kha an mang ang leh dawn a ni si a.

Vairamah sawhthing kg 1 cheng 45 ten kan han lei a, Mizoramah thawnchhuah theih lohin Vairengte ah a tang hnup ai bawk si a. Sawrkar khan leisak lo mah se, han sumdawntir ve mai awm hi a nia! T^i khan a hausa deuh ho khan tlawmtein an khar chhawng leh a. A hausa te an hausa thur thur reng mai dawn anih hi!

Kan thu khel a ho sawt e mai..... kar leh lamah krismas chibai ka la rawn buk hlawm dawn che u nia!

28 Dec hian Nano Car kha hralh chhuah a ni dawn a, kei ka piancham a lo ni ve kher bawk nen! Ka tlawm tawlh tawlh tih a entir miah lo ania!

INTHLAN REVIEW- Zoram atangin

2008-12-03T14:19:00.002+05:30

Aizawl a tangin kan khaw lam hawna tur ka hmu lo tep a. Party ho motor a han chuan ve mai kha chu zia lo deuh in ka hre sia. Atawpah Tiau Sumo ah Cheng 350/- chawiin mi refund tur ka chang ta hlauh mai a. Km 194 chuan manah 350 han pek chu to ve khawp mai!!!

Hlauh ang em em chuan kan bialah chuan thil thleng a awm lo a. Amaherawh chu inthlan dawn zan kha kei pawh khawlaiah zan tairek thleng ka teihawi ve a. MNF leh Congress pawisa sem tum in um kawi vel an hmuhnawm khwp mai. Sum anlo la ngah khawp mai. UDA ho erawh an bukte a thingpui pawlna tur pawh an neih loh avangin an leh awl phian a. Retheih zarah an hmingtha khawp mai.

MPF ho in an thawk tha khawp mai a. Amaherawh chu mipui te bawk hi a ni la chiang lo ni! Sum dawn tum kan lo la tam e mai.

Kan khaw thenawm pakhat ah erawh chuan party pakhat chu anmahni leh anmahi an in sual tih thawm te ka dawng thunga. Mipuite hian kan hnam thatna ai chuan mahni pum kan lo la hmangaih zawk hle mai tih a lang.

Nula Mahmingi vote tum an tam a, Pu Zorama a khing tla thei emaw chu!!! Kei ni bial hnihah chuan Congress ho an inring ber a. MNF an thawma zawi phian. Pa pakhat chuan sum sem chung changah, "MNF ho chinthar, Congress ho expert na ati" an hmuhnawm khawp mai.

Tu pawh hi tling ta se la, mipuite hian kan khalh thiam loh chuan kan chawh tho tho dawn!

(Champhai chu a vawt tawh lutuk, vote tih ai kha vawt tih a awl tlat!)

Vairengte Check Gate

2008-11-28T11:47:00.003+05:30

Ka vanduai thin vang nge ka hre hauh lo a. Pawisa neih loh vang te pawh ani ang a. Haw apiang hian rilru ril rem loh zawng deuh te hi ka hmu thin a. Ngawih bo pui hi har ka ti thin. Thlawk ve thei ni ila chuan ka pumpelh ve mai chu a ni awm si a te ka ti vel mai mai a.

Kum dang ang bawkin 26 Nov khan Guwahati ka thleng a. Bus ka chang lo. Sumo a kal hi ka huphurh khawp mai a. Ticket pawh la lawk lo in kan bazaar kual phawt a. Tlaiah Mizoram House kawtah kan phei a. Ticket a chhuak hmasa ber tur a mi chu kan la ta ngei a. Kan in load fel vek tawh tihah. "In chuanna tur niloah kan dah palh che u a" an rawn ti a.

Kum dang ang bawk! Thin kha a rim sa tun mai a. Hmanah dar zan dar 6 a chhuak tur ka la ve a. Min sawn kual min sawn kual a, zan dar 11 ah kan chhuak tawh bawk a. Chuan, ka han sawi ve dawn a, refund a lo theih loh vel an ti. Chuan passenger pawh awm loin keini pathum te chu sumo sumdawng bungraw phurah min thawn ta a. Dar 8 ah kan chhuak thei ta tawk a.

Hei hian, kan Mizoram sawrkar min mawhpuhtir a. Khualzinte hi sumdawngte zara kal ve thei tawk dinhmunah min dah ka ti lo thei lo. Bus kan neih ve chhun lah chu Wed leh Fri ah chauh a la kal zui a. Sumo lah chuan timing a neih loh mai bakah ticket a vehicle no. min pek te lehzelin awmzia a nei thei lo chu a nia. Kan va han rethei tak em? An sawi ang a awm mai a ngai. State Road Transport Corporation fel tak te hi nei ve ta i la chuan aw!!!! ka ti vawng vawng a.

Muang tak a tlan nak a laiin, zu thukru in vawi hnih min din khawmuan pui leh a. Passengers te pawh min rawn miah loin, kan Sumo dang umphak a te nen a inthurualin Bairabi lama Excise hel hi an lo tum a lo ni a. Motor danga chuang kha pa zahawm ve hmel tak tak kha an ni si a. Zuk sawisel ngam miah lo a drivers ho bulah khan. Mizo te hi chu kan in hmaizah a nia!!!

Kei ka sual a chhuak leh ta pek a,"Kawng pangaia kal man ka pe a, kawng pangai ah lo chuan ka chuanna chu a kal lo ang" ka ti ta a. Min melh rum viau na a, min hnial zui ta bik lo a.

Vairengte ah Excise ho gate ah min lo ti ding ngei a. Min check uluk viau a, an lepse hneh viau a. Mah se, an man thei ta lo a. An hmu ta lo anih chu! Ka bungrua erawh min hawn tir kim vek! Ka heh hmel deuh an ti aniang. Darkar chanve chuang min check hnuah chuan bungrua pawh an remtha leh thlap a, tichuan min chhhuah ta a.

Vairengte ah tinreng bai leh hmeh hming ka hriat ngailoh tui deuh deuh kha kan ei ta teuh a. Kan ei zo chauh a, Taxation ho check gate ah min lo check leh ta a. Hetah hian ani ka thin a rim zual ni. Ka sawi tawh ang deuh khan, sumdawng bungraw zinga tel ve kha kan ni a. Way bill a fel lo. A fel zing a mi eng thlai chi emaw ni pack tam deuh kha

An nula khan ka ching dawn te a ti vel a. A la, ka thianpa ngaihdan anni ta lo, "Mi bungrua ania, i man duh a nih leh man la, khatia lak ngawt kha a thiang lo" a ti. A thinrim vel.... "Lehkha intithiam si inva mawl hlawm ve, sample ah ka la thiang" te a ti vel.

Ka ngawi mai mai na chu ka thin a so tep a ni. Taxable Items tih awmzia te a zawt vel a ka thianpa chu! Tichuan, Gas Stove thhree burner a hawn ve pawh chu Reciept nen uluk takin a check phah ta a. A pangpar chi lakruk pawh chu titau zet hian a rawn vawm phei ta a. Ka thianpa chu inti fing takin ka hau a, " I ta pawh a nih loh kha lo inrawlh ve suh" tiin.

An han inti fel tih vel chhung chu darkar khat a zo der nia! Hun hlut zia hi, nili vel kawnga thang tawh hnua hetiang a buai vak hi chu thin a rim ve duh khawp nia.

Heta ka rawn sawi tum zawk tak chu a point in pe ta mai ila-

a) Check gate te khu hmun khatah ti thei se la, chuan an check rual thei anga. Kan hun a hek lo zawk ngei ang.

b) Excise te khuan an man fo a, engati nge case an file loh a, unclaimed? an tih zel. Keini tan chuan kan hun a hek lo a kan lawm a. Mah se hawn risk duh tan khan a hlauhawm loh lutuk. An man leh za/hnih khat hlauh, man loh chuan hlawk tawkna kha ni miau a. Ngawi reng in an la a min chhuah leh mai thin khu an tih tur dik tak ani ang em?

c) Taxation ten an hna an tlin a a lawmawm. Mah se, helam a office a thu a way bill siam tu te hian sumdawng liante bungrua lo lut hi a value dik takin ziak ta thin se. Ghy karkawng a sumdawng tenau ve tak tak te bag khat mansak tih vel ai chuan a hlawk zawk angem?

d) Ti leh teh ang. Engah nge Excise, uniform ha zawk pawhin an bungrua hai lepse te an rem khawm leh thei a. Tax. Dept a thawk te hian an bungraw hlan thlak te an rem that ve leh loh! Ka sawi chu an la thinrim zawk lehnghal a. An rem tha/ hlang chho lo chiang kher mai.

(Thinrim burin zanah Aizawl ka thleng a. Bawngkawnah ka chhuka Taxi ka la a UDA nge Congress tih ri ka hre hmasa ber nia!Ka chhuahsan tak Mumbaia ka ka thenawm ah lah chuan an lo inkap ber ber bawk si a. Terrorists ho hi ka vaw duh hial ang! Ka nun hi min ti chep lutuk. Rail a kal dawn in vawi sawm inngaih tuah a ngai a. Cinema hall bul kal hnaih ngamawm tawh bawk si lo. Dustbin ah lah chuan bawlhhlawh paih i la, thil kan ti puak ang tih a hlauhawm bawk si.)

Meeting the Sandman!

2008-11-23T11:19:00.004+05:30

In the late 2006, as usual, I was surfing the net (my only true companion!) searching for anything and everything about MIZO posted in the internet. Google... Google.. then I got this links about racism, particularly about Chinky issues (Chinky-What me insult?)! That's the first time I religiously started folowing his blog (Illusionaire) though I had visited his blog before. He just simply rock!

His pioneering efforts in bridging the gap between the Nort-East and the mainstream India and his announcement to the world that there is a tribe called Mizo in the far side of the world are just great! Through comments, we started talking. Though we are living in the same city, job differs, area wide apart, we had had many a time failed meetings in this Maximum City.

Yesterday, D-day came as it was the last day for me in this city for this year as I am going home, Mizoram.
Place: SoBo(South Mumbai)
Venue: G***l Restaurant & Bar (Bar in small)
Time: 2110 Hrs IST
At exact (I didn't remenber the exact time) .... hrs, Sandman entered with a bouncer no... he's one of our community near-celebrity whose bag is half full of not-so-good script from Bollywood like a Thai Police role who'll be ever chasing the villain throughout the movie! Lol...

Then our time started, and over a cup of strong coffee, we shared our ideas on different topics, from racism to Students' Union, from colonial hang-over to beautiful babes then to football! (Sorry, Arsenal's a loser !!!)

We could not stopped the clock ticking and it struck 0200 Hrs and time to depart.

(A then kan la tho lo a, chaw ei a hun tawh tlat mai ril a tam lutuk, nizanah chaw kan ei lo a!!! tsk tsk..... A ngai te bawkin zanin dar 8:30 ah Howrah lam panin ka in hnuk chhuak leh bauh bauh dawn a nih hi! Mizoram lam atang te pawhin update kan tum aniang chu!

Kei chu ka hawng anga, inthlan hunah Pu Thena bialah vote thlak turin ka kal mai teh ang,mi dang vote tur ka hre lo tlat mai!)

Pu Thena'n a ko kir!!!

2008-11-19T16:17:00.003+05:30

Kei leh Politics tih August thla a ka ziah lo chhiar chuan Pu Thena leh kan chhungkaw politics chu in hre tawh ah ka ngai a. Hlauh ang ngei ngeiin ka pa retired tawh pawh Pu Thena a din leh meuh chuan zanlaiah te a lo campaign awt awt mai a ni awm a. Chutih laiin ka u ve thung chuan Kolasib lamah Congress tan a lo campaign vel mek bawk hi a ni awm a. AMGUA a ti emaw niah hruaitu niin Unemployed hoin Pu Hawla an thlawp a ni awm e.

Chhungkaw khatah mah politics a phir chuan veng, khua leh Mizoramah chuan a va han in kawkalh awm hlawm awm ve ka ti mai mai a. Kei chu ka la inngaihtuauh mek a, Zo netizen zingah UDA an tla na hle in a lang a. Theih anga lo chik ve in inthlan boruak ka hmuh dan ka lo hrilh mai mai ang che u...

#1. Angai te bawkin Ratu Pastor nupui vih leh Zoram politics kan inzawmtir leh ta talh mai. Dik maw dik lo maw? Hnam thisen chhuah chak lo tak te hi chhuahtir phet hi kan intumtir chawp te hi a ni thei ang em? Vawiin a Bazar a bomb intihthaihna te kha...!!! A lo kal leh tur hnaihtawhzia entirna a ni thei ang em?

#2. Champhai (ka bial te ti ve ngawt i la) ah chuan Pu Zorama khing tur in hmeichhe awm nem Lalhmingthangi ZNP/UDA a ding dawn ani awm e. Changkanna chi khat. Bial pawimawhah hmeichhia kan hmatheh ngam hian gender equality kan chawisang tih a entir ah ngai ang. A bik takin India rama pakhatna nihna kan hauh ve lehna awm chhun mipa voters aiin hmeichhe voters kan ngah tih kha hre reng i la. (Source:NDTV.com)

#3. Lalruatkima naupang(?) leh Pu Thena Aizawl ah a innuai dawn. Candidate naupang ber leh upa ber.... Mizoram hian Old is gold kan ti dawn nge Change hi kan thupui ni ve dawn! Hei hian tar at kan tih ang hi a awm lo tih a entir ah ngai i la. Kum 86 a CM anih ka beisei ve ngawt teh ang. Thangthar inghahna tlak kan la hmu lo a ni chek ang chu! Hrang hlui ho zingah rau rau chuan a rinawm ber. Amaherawh chu sawi leh sawi hnu kum 90 pelh thlengin min hruai thei ngut ange maw chu le? Bairabi Hydel Project mawlh kha...

#4. MPF an ti em ni kha, kohhran inzawm khawm pawl te khan changkang takin, khawlai bengchheng siam loin SMS in an campaign beih an rawt a ni awm e (Source:Expressindia.com). Mah se party thenkhat chuan handset leh SIM an sem chiam ani awm e. Vaiho kan ti hausa leh sawt dawn a niang! Kohhran nge nge an ti tha thin e. Kohran leh YMA ten an tih hi chu ni duak duak mai awm tak hi ani si a, a ni duak duak duh lo phian zawk lehnghal a.

5# Kan pawl inkawp dan hi lo thlir chhin mah teh. Chak tur a duhawm tih khi i nei em? Chauh thubarawh ah tih ang chauh a paih dawna sa nisi chhum dawn a................. ni si an tih ang deuh din hmunah khan min chhawp chhuak ani mai lo maw?

Engahmah ka ngai lo ti thei dinhmunah ka ding si lo! Tih theih lah chu ka nei tlem ang reng si a. Thawveng taka han hahchhiau thuai mai ka va han chak tak em!

Invitation to the White House- Obama-in chaw eiah min sawm!!!

2008-11-14T18:11:00.001+05:30

Thla hnih dawn mai tuifinriatah ka bo pil hnuah Mumbai lam ang ka lo let leh hlawl a. Ka chanchinbu ngainat tak Times of India chu ka han keu a, Obama chu Amerika President tura tan thlan tlin a lo ni ta der mai a.

Karkhat aliam meuh chuan zan tairek ah ka dawhkan bawhin ka duhaisam, Obama nen a White House a zanriah kan kilho huna ka phawrh chhuah tur chu ka ziak mial mial a...

1. Lo cheng ve la Mizoramah, tih ang deuh in.... i tet laia UISA leh RULSA i ei thin ang khan, kei ni pawhin kan tet lai chuan kan ei ve thin a. Kan lo puitiling ve ta a, min change ve tawh ta che.....

2. I bank rochun turte an tluk chhiat mek lai hian keini Mizoram a mi te hian CHIAHPUAM lo deuh pawisa peipun dan min rawn outsource la... a dang chu kan la mamawh pha chiah lo..

3. Kan politician-te hian nang aiin tawngkaman thiam zawk a, mah se mipui te hian kan ring zo tawh si lo.... kan politician te hi rawn change nghal la, (i hmanhmawh theih chuan kan lawm ngawt ang!)

4. A tawp ber ni chiah lo a tan chuan keini Mizo te hi RINGTU THA chiah lo te hi chu kan nihna pawm ngam turin kan rilru te min rawn change la.......

5. A dawt lehah chuan.... tam i ti deuh anih pawhin hna dang kan tan i siam belh thei lo anih pawh in America spiritually a change turin missionary erawh kan rawn outsource ve ang che...

................... te ka ti vel mai mai a.

Ka ngaihtuah chiang a, White House a chaw ei te mumangah ka mang pha ve tawh a, ka changkang ve tawh a nih hi ! te ka ti ta vel mai mai a. Update ve hrim hrim na a nih hi...

@@@@@ Keimah mimal takin Nov 23 ah haw tura ka inpuah chah fel vek hnu ah kan zin leh dawn avangin prog. a fail vek....

###### Vanneih thlak takin kum riat zet lawnga then hnuah khawmual ah min sawn chhuak ve dawn ta. Mumbai-ah tho ka la awm dawn e...

$$$$$$ Thianpa Kaartuunlawma tia ka kah bur ber pawhin Dec ni 9 khian kawppui duhawm tak nen tiam tlat e a ti tawh dawn a. Kaartuunlawm bawk anih ka beisei pui hle ani!

Saptawng hi a pawimawh ber em?

2008-10-11T22:05:00.002+05:30

“Kan tawngte hi keimahni hlimthla a ni a, kan ngaihtuahna chhungril ber a sawi chhuak zo lo tih min hrilh anih chuan kei chuan kan boral hma leh kan tan a tha zawk ka ti” – MK Gandhi
Hawrawp mal kan neihna kum za a liama, kum sangbi tharah kan lo chuang kai ta a. Hetih chhung hian India rama ziak leh chhiar thiam tam ber dawttu nihna kan hauh pha a. India rama Kristian state awm chhun ni hialin kan in chhal a. Amaherawhchu hei hian mithiamte lung a dum zo ta lo niin alang. BA val saptawng a tawng ngam lo tih te, lehkhathiam hna hmu lo tih te leh Mizoram pel ngam lo lehkhathiam tih tawngkamte in thalaite min cho chhuah an tum mek ani.
Rawtna tam tak an rawn phawrh chhuak a. Tihhlawhtlin theih nise chu duhawm tak tak te an ni hlawm a. Chung zinga langsar tak zinga pakhat chu ‘saptawng’ dah pawimawh leh zual hi niin ka hria. Ani tak e, saptawng tello chuan tunlai khawvelah hmasawn a har nangiang mai. Lehkhathiam zir sang tak tak te zingah saptawnga tawng ngamlo mai ni loa, tawng theilo kan tam khawp mai. Hei hian Mizoram pelin hna min zawn tir ngam lo a. BA meuh pawh mahni tapchhak lum belin kan ram a hna harsat zia kan phun kan phun ta mai ani. Nu leh paten fate sap sikul-ah kaitir hram an tum phah a. Kan sawrkar pawhin sikul thenkhat te sap sikul-ah a let hial tawh ani. Hmasawn chu kan tum chiang khawp mai!
Mahse hei hian ani lo lamah hlet a chhuah dawn! Kan inzirna bul ber chu sumdawnna mualah kan chantir mek a. Sap sikul kan in hawn siak a. Min zirtir turin zirtirnaa tuimi ten an in daih ta lo a, inhlawhfakna ang lek a ngai zirtirtu an pung tual tual niin alang. Inkaihhruaina mumal tak a awm hek loa. A duh duhin a rem lai laiah sap sikul kan hawng a, zirtirtu a rem rem an dap khawm leh a. Hei hian zirna tha a thlen kherin ka ring lo. Mithiam tak tak te cheng sanghnih thum vel hlawha an thawh reng peih hi ka ring lo reng reng.
A pahnihna ah chuan kan zir dan kalphung hi kan thlak vek anih chuan chhungkuaa kan inlaichin dan hi a hawlh buai pha dawn. Chhungkua hi keini Mizote chauh ni loin hnamtinte inzirna bul ani si a. Nu leh pa tam zawk ten faten enge kan zir min hriat thiam pui phak tawh hek lo a. Thalaiten sikula kan zir kan hawnpui thei bawk hek lo. Thian lengte kawm duh mah se nupa pawh ti ti a rual thei tawh hek lo. Chhungkuaah titi hona a tlem tawh em em mai a, chawei dawhkan kilho hi kan in melh hrek hrek tawh mai ani. TV kan en a, duhzawng a inang thei tawh lo a. Pahnih leh pathum belh emaw paih tur emaw pawh kha ‘addition’ emaw ‘substraction’ emaw a lo in ti daih kha chuan thingtlangpa, a serthlum kung sang chuang leh theite kung za chuang rah zat belhkhawm a, ahlep tur zat chhut chhuak zung zung thin khan afate a hrilh fiah thei tawh lo a ni.
Thalaite chu mi tihdan entawnching mi kan lo nih phah ta a. Sam kan tipir a, kekawr mawng lang kan ha a. Nula ten kekawr tawt (tight) leh lailang kawr kan uar ta a. Heng tihdan kan lak chhawnte hi eng dang atang ni loin kan saptawng thiam tak zar a kan hawiher kan tihzauna kawng a kan chhar ka tilo thei lo. Heng hnamdangmite tihdan kan entawn te hian upate ril a rem thei lo a. Thalaite tan nu leh pa te chu ‘thing’ an lo ni ta a. Nu leh pa ten fate cho loh enin min en ti tih der tawh mai a ni. Kan thil tih te kan in hriat thiam pui phak tawh lo reng reng. Chu chuan in lam a kan hun tlemte hman tlan ve pawh kawrthuk tak ang maiin kan inkar a daidan ta tlat ani.
A dawt lehah chuan, kan tawng tawng neih ve chhun pachhe ve tak hi a nek ral dawn! America rama Indians tam zawk tawng a boral mek tih chanchinbuah te kan hmu fo thin a. Saptawng chu a hausa zawk teh meuh mai. Mahse Mahatma Gandhi khan, “Kan tawngte hi keimahni hlimthla a ni a, kan ngaihtuahna chhungril ber a sawi chhuak zo lo tih min hrilh anih chuan kei chuan kan boral hma leh kan tan a tha zawk ka ti,” a lo ti daih tawh a ni. Mizo tawng a kan zirlai pawh a saptawng tlem tal pawlh lova tawng thei tawh lo hi English Medium in thlak ta vek mai se la kan tawng hausa lo tak mai hian chhuan thum a daih meuh in kan ring em? Hnam dang tawng lehlin ngaihna kan hre tawh lo a. Thumal chherchhuah ngaihna chu a awm lo. VIIIth Schedule ah tel eng ang mahse chhiartu a hmu zo lo ang tih a hlauhawm.
Tuna kan mithiam, thu leh hla lam a min chawm mek tu te hian mual min liamsan mek lai hian keini thangthar zingah hian thu leh hla tha, rochun tlak ziak thei leh chhiar peih kan in chher chhuah ka ring lo. Aizawl naupang zingah ‘Pai kawng” leh ‘Thlam’ hria an awm mang tawh lo an ti. ‘Zawlpala leh Tualvungi’ emaw ‘Mauruangi’ thawnthubu lei tumin vak chhuak ta i la, Aizawl khawpuiah hian kan vak kual rei phianin ka ring (Dr Laltluangliana Khiangte chu awm lo se!).
Chanchinbu nitin chhuak leh thla kip chhuakte pawh a pung zela. Amaherawhchu, kan thlakip chhuakho bikah hian thingtlangpa chhiara hriatthiam pumhlum theih a tlem viau lo maw? Thil chhuak thar hmingte chu lo let thiamlo pawh ni ta ila, Mizo tawnga kan neih sa reng pawh hi saptawnga ziah ani deuh vek tawh si a. Mi tlemte thahnemngaihna zarah kan tawng kan la ti ve hram hram chauh ani.

A hlauhawm ber zawka chu kan hnam nun zia min rukbho sak zo dawn! Saptawngin a ken tel chu sap nunzia ani a. Hnam tawng leh hnam zia hi kal kawp tlat a ni. Mi hnamzia zir tello chuan hnamdang tawng hi a va thiam ngawt theih loh. Pawnfen tih aia skirt kha azir dan anih miau chuan kan hmeichhiate incheina mawi tak kha ‘thul’ chhunga khung bo daih ang mai a ni. Kan hnam lam-te (folk dances) hi khawiah nge kan inzirtir tak ang le! Veng thenkhatah phei chuan khawhar riahpui khap hial a lo ngai ta. Inriahpui kha an duhlo ani bik lo ang. Kan inriahpui dan a zawk hi a kalsual ani.
Social Science-a French Revolution leh American Civil War a pawimawh tluk zet hian Mizo history hi a pawimawh ve thoin ka hria. Mahse, vai siam lehkhabu kan tawmpuive ngawt a, Mizo zirlaibu pakhat a kan hnam chanchin leh ziarang kan inzirtir si chuan, ‘a then pawh kan hrelo’ tih kha chhuanlam a rem em a lawm. Mahni hnam tobul leh tawng pawh chhiar hlei thei lo kha chu engang pawhin Doctorate degree nei mah se mibo ani tho tho dawn. Mi hnam ziarang a hriat hnem poh leh midangte min hruaibo thui dawn ani mai.

Kan mithiam hmasa te zirna thaah an zir chhuak a, saptawng an thiam khawp mai. Mah se, saptawng ai chuan Mizo tawng an thiam zawk a. Thu leh hla heti zat hi min hnutchhiah thei a ni. Chuvangin khawngaihin keini Mizo tawng pawh thiam tha mang lo te hi saptawng a pawimawh ber min tih pui suh se. Saptawng thiam hmasak a Mizo tawng zir leh chu kan harsat dawn e mai.
‘Saptawng hi ka hua e’ ka tihna anilo. Saptawng hi tunlai khawvelah chuan a tello a nun theih loh deuh thaw hial a pawimawh ani. Mahse kan hnam nun leh tawng nena inthleng puiah chuan ka phal theilo ani. Tin, engkima engkimah chuan a pawimawh ber lo. A pawimawhna bik erawh a zirtu leh a hmangtu tur a zirin a awm teh meuh mai. Mahse mi nazawng hian saptawng hi kan hnemhnan pui lo mai nilo in kan hnam nunphung leh zia rang theihnghilh tawk chauh a in tih sapna mai leh a zah pha tawk chauh a sap nunphung zirna ani thei mai lo maw?

Tuna a lan danah kum tin Zoram chhung atangin mi sangkhat aia tlem in Graduate kan zo a, mi zahnih chuang awrh technical lamah kan lut thin bawka (Kan Qouta neih ve chhun te an ni miau a!). Heng mite bakah hian mi sang bawr vel bawkin State dang atangin an Graduate ve bawk a (Source: Zawlbuk.net). Mahni a inhaiveng thei chu ‘ui hum’ lek an ni. Hei hian a kawh zawk chu ‘Quality Education’ an tih ang hi ani. Kan zirna leh zirtir dan hi a bul thut atanga enfiah angai. Zirtirtu aikal lakte, bazar note in by-heart tirte leh exam oriented ngawr ngawr a kan inzirtirnate, suggestions in pek vak vakte leh political appointment-te hian enfiah hmasak a tulin a lang (Hei hi chu mithiamte leh thuneitute kutah i dah ngam ang!).
Chutilozawng, lehkhathiam pui pui, saptawng thiam tak tak; mah se, khawtlang tan a chhawrtlakloh kan in chhuah teuh anga; a lan danah sap, chhungril lama sap silo, Mizo bawk silo, mihring chawhpawlh kan chhuak teuh mai ang. A rei tawhlo ania! Tuna thalaite mah chawhpawlh kan nih chuan kan tu leh fate chu an chawhchawrawih tawh ngawt ang!

“Ka in chhehvelah hian hnam tin ziarang hi a theih anga zalena lentir vel ka duh a. Mah se, ka ke phet tur chuan a engamah hi ka phallo ani” – Mahatma Gandhi

CHAWHCHAWRAWI!

2008-10-07T21:03:00.003+05:30

(He Article hi Mumbai Mizo Association 25th Anniversary Souvenir ah a chuang a. Editorial Board lam te ka dil lem lo a, ka rawn chhuahchhawng mai mai e.Tunlai chu ka buai em a blog pawh ka update hman lo ani!)
Mizoram lamah mautam tampui an buai pui luih luih karah Mumbai Mizo Association chuan Silver Jubilee lawm turin a inbuatsaih ve laih laih a. Souvenir-ah ka hming chuan tir ve ka duh si. Thuziah tur ka han dap khawm ve ngial dawn a tuifinriat lamah ka pil bo ta daih mai a. Lawng ruih nen, ngaihtuahna sawr bing tum ve pawh a inchawhchawrawi zo ta vek mai a. Ka han chawhpawlh tha leh teh ang!
KAWL LEH VAI:
Kawlvaiin min um liama, cachar vai ngal cherin min lo chep beta. kawl vai kan ngeia, cachar vai kan hua a. Kawlvaiin kan khawpui chawlhniah min chhuhsak a. Chawlhlohniah cachar vain kan bazaar min luahlan leh a. Abak ni la awm zawng ‘ZAN’ kan chang ve a. Nuhoin Kasauti leh Karam min en san a, Pahoin VCP-inah BAFFACOS sum hman sual dan min sawi san leh daih a. Thalai rualin hlimhlawp kan neih tlem zia chhuanlamin chhas-te nen concert kan pan leh dial a. A bang la awm ten khuang leh lam a ’HARHNA’ kaihthawh kan tum a.
Ti hian ka han ngaihtuah dawn a, kan huat vai a te hi an tihdan ah chuan kan ngaisang a, a thalai kan sawi vawng a; kan ngei kawl ho buaipui awm tak mautam a vang a Zoram pum tam kan hlau ngawih ngawih a (buh kan thar tlem tlem nen!). A bak ka ngaihtuah dawn lai takin a inchawhchawrawi ta vek a.
PAWL LEH PAWLITIK:
Pawlah kan chiang a, pawlitikah kan chiang leh zual a. Pawl hotu kan ngah a, pawlitik-ah kan ngah leh zual a. Hruaitu erawh kan tlachham tlang a. Member in ngah siakah kan chiang em em a. A member lam te erawh kan chiang lo hle thung a. Pawl beh chhanin pawlitikah mahni tanghma kan hai a. Zunin contract kan sawi chhuak a, a thlawn a sa turin vawi kan man khawm a. Hlep hlang hi a ni ringawt!
Ruihhlo man khawmin hnam nun tlu chhe mek tun din leh tumin kan inhmu khawm a. Pipute thlarau kalkawng thleng thlengin kan vak vai a. Haw lamah kan chhawl a lo hal a, ‘Zotuithiang’ ai chuan Kawl vai ho sen chi kha a lo thiang ta zawk si a. Berampute hian an beram enkawl te hi min chawm zo lo pawh niin ka hre lo, a beram a te hian kan zui a leh kan zui chhan a hi kan chiang lo a ni zawk lo maw? Pawl ho hi pawlitik an ni a, pawlitik hi….. an in chawhchawrawi leh ta!
DO LEH KHAP:
Do leh khap hi kan ngah lutuk a. Raldote hi do theih leh hneh theih an nia, thil thenkhat erawh chu do chi loh, hnimhnaih loh chi a awm thung a. Khap a bet chi a awm a, khap beh theih loh a awm bawk a (mutte hi han khap vaih teh se, thianpa Kaartunlawma te chuan Zoram haw chhan hi a nei lo reng reng!). Zu kan khap bur a, a rethei deuh ta kan man zing deuh a. Vairengte kan pel a, ‘zu hi amah chuan sual a ni lo’ kan ti tlang theuh a. Sawrkar-in (kuthnathawktute thian?) saptheitui leh grape tui min chhawp chhuah sak a. Thlasik khawvawt zan tairekah theitui kan paipawn tut tut a.
Ruihhlo kan do a, kan zavaiin sawrkar hna kan thawk a. A chhan ngai zawk a ten hmusit leh endawng an hlawh phah a. Kan do thlang kawrvai leh kawl kerang ho hian zankhat thil thuah min han liamsan ta duak mai se la! Eng eng hruaitu thenkhat emaw te chuan chhuan kan chham der mai lo maw? Chutih laiin Educated Unemployed ho tan erawh chuan van mana, Electric phei leh bazaar bul vel chu ‘Employment Centre’-ah a chang thung dawn ani.
Khapna dan hmangin kan duh loh kan inhnawl tawna. Kan veng atangin veng dangah, veng dang atangin khawdangah. Mizoram a awm ngaihna hre lo a biru kual biru kual kha, vai ramah eng star star hotel-ah emaw bar girl ni se chuan……… ngaihdan a in chawhchawrawi leh ta!
ZIRNA LEH VAIRAM:
Shillong tlang a Elvis thin a fate khan Vairampur kan thleng thla ta a. Pa te hnenah education tour-in kan kal a, sum a lo thleng te te a, eng eng bar leh café-ah emaw week end Premiere League kan thlir liam mai mai a. Hnam culture humhalhtu nih in chuhin in lamah mipa leh hmeichhia kan in hek tawn a. Central sum kan ei ruk ve chhun chhun te a ngai ngai in vairamah kan vawm liam leh a. Kan zirzo te te a, ‘political appointment’ nghakin mahni in lumah kan tawm leh kuk a. Kan zir chhuah mobile changkang leh computer tangkai zia leh zirna bulpui anih zia hrilh fakin nu leh pa te neihthinglungkhawngin kan leitir a. Mirethei video clip leh zan tairek a sms nan kan hmang leh mai mai a.
Mipa ten bialnu pali nga tal vai bulah kan nei fur a. Kan bul vai te kan ti vir a, an huang tau a, kan ngaimawh leh si a. Kan hmeichhiate ni khua loh zia hrilh fakin, mah ni farnute vairama lehkha zir tur a kan thawn loh tur zia hahipin kan sawi a. Chutih laiin hmun thenkhatah thil thar kan zir belh a. Palai tirh leh inruk buai ngai lovin ‘live in relationship’ te nu leh pa hriat lohah kan lo practice vel mek bawk a. A in chawhchawrawi vel vek mai ani.
CHAWHTAWLH:
Ti hian ka ngaihtuah a. Thil engkim mai hi kan chawh pawlh a, kan chawhpawlh rual leh si lo a, tichuan a lo chawhchawrawi ta alo ni. Kan hnamin humsual a dai tih chu mi thahnemngai ten min lo hrilh tawh a. Chu ai a thahnem ngai leh zual ten siam that hna thawkin ‘CHHIPTHUAI’ min tum a. Kan hel leh roh si a! Mahni nun piah hretah bula mite theuh kan in ngaimawh tawn a. Kan hun a lo thleng a, kan ngaithei leh si lo a.
Khawvel nun a in her danglam a, kan khawhawi a zau tawlh tawlh a. Kan thinlung a zim telh telh thung a. Kawl leh vai kan do a kan huat a te pawh hian chintawk nei sela. An tello a nun kan la inpeih hma chu ‘inleitawn dan’ thiam i la. Pawl leh pawlitik pawh phun ser ser loin a thatlohna lai auvin dinchhuahpui ngam i la. Thalai tam leh zualin Zoram pelin hna zawng ngam I la. Amaherawhchu, ‘ar khawthim dai’ mai lovin kan dai tur erawh thlir thiam i la (Mizo kan ni miau si a!).
Chuti ni lo va, hnam nunphung theihnghilh tawk a vairam a awm a, vai vel ngam tawk vel a lehkha zir a, zui rui tawk chiah a in thiam a, saptheitui leh grape tui inpui tawk chauh a kan hmeichhiate ngai a, an vodka dawmlai hmu leh thei si lo emaw Mizo nula, Mizo tlangval pasal a neih tlak a ngai lo kan pun tawlh tawlh chuan kan ‘CHAWHTAWLH’ tawlh dawn a ni mai!

Bar thla leh lunglen

2008-09-03T10:18:00.010+05:30

"Mizo te lunglen hun BER thla kan lo chuangkai leh ta reng mai. Chibai le. Khawi hmunah pawh awm la Lunglen vawng vawng nuam o...."

tih te hi hman zan chu dar 11 velah ka dawng teh tlat a. Mizoram a zan dar 11 ka han ngaihtuah a, a rawn thawntu chuan "An lung a leng ve ngei ang!" tih hla kha a ngaithla mek a niang ka ti mai mai a.

Bar thla chu kan chuang kei ta reng mai. Zoram pawn lamah erawh chuan Ganesh Chaturthi kan tan ve chauh a, favang awllen rim hria awm reng reng an awm lo. Internet ka han hawng a, District thar pathum kan neih thu ka hmu a. Rilruah inthlan a lo lang nghal uar a. A tukah chuan Saipum khawdaiah IR te helho in an lam bun tih kan hmu leh a. Kumdang ang bawk tih kha rilruah a lo lang a. Jeletine a la puak lo tih leh sawrkar hnathawk hlawh a la pung lo tih mai loh chu inthlan hnaihzia lantirna engkim a thleng tawhin ka hria.

District thar politics: District thar hmasa zawk pathumte ka ngaihtuah mai mai a. Sawrkar chu mipuite sawrkar a nih miau avangin mipuite duhdan a tihlawhtlingah ka ngai mai a. Keini mipuite hi ka va han inkhawngaih tak em! Champhai in District thar an hmuh dawn tuma Krismas hawn ka tum lai a, Hume pipe Khawzawl khawtlang(?) in an lo Jeletine darh te kha ka ngaihtuah mai mai a.

Tunah chuan ka haw kawng a thui sawt dawn anih hi ka ti ta a. Hmanah chuan district hqr pakhat kha ka kal kan thin a, tunah erawh chuan Kolasib, Aizawl, Saitual, Khawzawl, a tawpah Champhai ka thleng tawk tawh dawn a nia. Vairengte in an hmuh leh phei chuan District paruk ka kal kan mai dawn a lawm maw le! Gate a tam duh sawt dawn mang e.

Hna tau erawh a tet ngei ang. District ngenna atlar hma a thu ho phei chu lehkha an thiam loh pawhin Peon hna chu chiangsa ani mai. District 11 zinga 8 te khan MNF an vote leh dawn vangin sawrkar a tla lo sa phawt. Inthlan hma chu hel politics kan theihnghilh ang a, BAFFACOS kan theihnghilh bawk ang a,inrem takin Pu Zorama'n kan khua leh tuite min lo va hmangaih em kan ti tlang theuh mai dawn a ni!

Mipuite hian sawrkar nakinah kan mawhpuh leh awm si a. Khawnge office? Staff khawiah nge? Employment a fel hlel! DC Aizawlah ngati nge a cham reng? Sum a awm lo maw? SP kan khuaah a thu ve ngawt a, outpost khaw thenawmah Police an va awm si lo ve? Kan thil dil kha khawilai nge a thlen tawh? Kan zawhna zawng zawng chhan na chu a tawpah Aizawl ani leh awm tho si a.

Ka hlauh ber zawka chu development na tur sum a awm loh hunah sawrkar hian,"hetizozai district siamnan, ka hnathawk tur chhawr nan,office sak nan, motor lei nan leh party fund ah sum a kal ral ta a ni" hi mipuite mi tih khum ang tih ka hlau. Chutih hunah chuan kan khua leh a chhehvel a mi thenkhat te erawh chu contract hmu in an lo thau kung kung tawh lawi si ang a. Kan zah lehtawh si ang a. A ruk te te in eirukna kan sawi chhe leh dawn ani angai te te in!!!

Hel politics: Mizote hi kan hriatrengna a va han chak lo thin em? ka ti mai mai a. Inthlan dawna piangin hel a ri ring a. Ram buai lai a tang tawhin. Mahni library neih ve chhun min halral tir thul. Inthlan hmasa phei kha chu in kidnapped te hial a thlen kha Suangpuilawn bialah (A lo der niawm vel a nia!) In la hria em, hmana inthlan dawn a PC candiadte silai nena an vau kha, a vautute kha Congress thalai ID Card nei an ni an tih kha.

Champhai khawdaiah hel silai keng an man a, inthlan a zawh meuh chuan hello tanin jail-ah an tang mai mai nia. Tu hi neg mawhpuh chi ni ang a? Sawrkar nge mipui??? Jail tangpa lah chuan Pu Zorama sawrkar a la rawn mawhpuh ta lehnghal a.Mipuite chuan beng kan chhi ngawng leh tlat a, Zoram pawn atang phei hi chuan thudik hi hriat har tak ani.

"Zanin ka lunglen, min hnem turin...................."

hla Zorock kha kan ngaih thlak san dawn ngial a. Baar thla lunglen in ka ram riangte khi ka ngaih min ti zual a. Misual ka va kheuh hawng a, hnam dang neih chungchangte kha ka va hmu leh lawi si a. Kan ngaihdan lah hi ahan inanglo thei em em khawp lehnghal a. Keimahni pawhin ngaihdan kan neih mumal loh avangin ram rorelna a kal mumal lo ani.

District thenkhatah phei chuan sing nga pawh mihring kan awm lo amaw a nianga. DC kai pha ve tur chuan IAS ah pawh kum sawm chuang service ngei kha kan mamawh dawn si a. Senior Civil service hi thingtlang ah kan sawrkar in a thawnchhuah theih chuan a lawmawm lamah ngai i la. Hma kan sawn zel dawn e. Kan kawngte a chhiat ngaia ala chhiat reng chuan, file chu a kal muan ngaiin a la kal muang reng anga.

Sum erawh kan sawrkar hnathawkten an hlawhah min laksak vek anga. Chuan non-plan sum kha a lar tawlh tawlh anga. Sawrkar ni tawh loin mipui ten bat tam hi hlawkna tiin kan la au dual dual ang a. Sawrkar hna thawh tur hmu ve lo hoin hel kan intihhmuh anga. Silai leina tur leh trainingna tur te chu kan hre ru fur tawhang chu."

"Lunglen vawng vawng nuam o..."

Kan lunglenna a dang mange. Mut mawh hnar mawhah chuan ka nei bik lo. Amaherawh chu, zan mut chhin a har chang hian kan ram riang te hi ka ngai ve thin. Kan ngaihte hmakhua tur chu kan ngaihtuah a thiang a ni lawm ni. Hei hi nita berin ka hria Lengzem lam ho pawhin 'Lunglen a tul' an lo tih ni!!!

Kaartunlawma chuan hria se chuan luck loh vang ah min puh leh ngei awm si a. Mah se, Fam Lalzoa kha a luck thu kan chhiar ngai bik loh kha. Kan sawmfang dum dur han ti dawn i la sawmfang hre lo kan awm awm si a.

Kan khuaah ka lung kahan len tir chhin a, Champhai phai zawlah chuan buh a hring nghial a nga. Bialko tlang zuiin chengkawl khawrh pawl kha an awm anga. Tuipui lui an khan thosilen chhia khan nghachik hrut pawl kha an awm bawk anga. Ral lehlam hla takah chuan than tlang a lang paw ruih ang a. Thlasik rim a rawn nam tan ang a. Zing mut rei a nuam tan anga. Zan mengrei ila, ka nu khan thingpuisen hang kha min lo chhawp leh sek ang a. Zing tho tlai i la, ka pa khan ni chhuah thleng thlengin an mu ngai lo a lo ti zawi leh sup anga. Zing ni chhuak kan kawmchhak kawngpheiah khan han hnungpuak leh i la. Chhuna tih tur a awm loh leh rauthla in Lalngovi buhthlei rim i la. Nileng kha a va han rei lo leh dawn em!

"Bar thla leh lunglen" vawng vawng nuam u le!!!

Engzat nge i hlawh ve?

2008-08-15T20:56:00.010+05:30

Tunlai chu kumin chhunga ka awl ber lai a ni chungin ka thatchhiat ber lai ani awm e a. Ziah mood-ah hian ka awm hlei thei lo a. Independenceday lawmna denchhenin kan sawrkarin kan hlawhte min tih pun sak bawk si a, tlem chu ka han thai ve leh hram ang e.

Vawiin pawh Independence Day lawmin nilengin ka mu ang chu ka tia, mah se kan senior pakhat thlatawp a retire tawh tur hian min rawn kai tho a. "Online i la?" a rawn ti a. Peih lo viau mah i la 'Nang malsawmna ni ang che' tih kha chhung lamaha rawn lang a. Resume ka buatsaih sak chu timesjobs.com, naukri.com leh monsterindia.com ah kan va upload a. Ka haw a, luch ka ei zo chauh a, "Naktuk Mumbai Mizo Fresher's Social-cum-Silver Jubilee Celebration ah debate tur anih kha" min la rawn ti zui a.

He thu ka rawn ziahna chhan deuh ber chu, "Engzat nge i hlawh ve?" tih hi zawhna ka dawn tam ber te zing a mi a ni thin a. Engzat chiah hi nge hlawh ta ila hlawh tam ni anga, eng zat chiah hi nge niang ka thawh nen a inphu tawk ni ang? tih ka ngaihtuah mai mai a.

He ka senior sawi retire mai tawh tur a hi ka han sawi leh lawk anga. Panama Shipping atangin thiante kaltlangin 48,000/- p.m offer a hmu a. Chuti chung chuan hna dang a la dap tang tang a. Resume a expected salary pawh 'negotiable' tih mai ka rawt laiin minimum 60,000/-p.m a la ti ta cheu a. Ka meng phar awn awn lo chauh a ni.

A chhan chu maw? Mi sipisial tak ani bik lem lo a. Nawlej aia hnar kaw zau an tih ang chi, pian phung ena a budelh ni mai awm tak hi ani ve a. A dik a dik a sawi chuan tun tum kan hlawh pun hnu a a hlawh tur ai pawh hian tuna an offer khi a la double pha tlat nia. Chuti chung chuan a la iai ve khanglang a,( te han ti i la!) hna dang a la um leh nghal a. Theih loh chu a ni miah lo a. Mah se, a phu loh a zawng ka lo ti ve deuh a.

Ti hian ka han ngaihtuah chhin mai mai a. Mi heti zat hi an retire tawh a, private ah na na na chuan hlawh let chu an la ve mai a. An va thawk hnem ta lua nge ni a, an va thiam thar thut aw ka ti mai mai a.

Private tam tak a thawk ten a, engmah ti lo a hlawh la min tih fo chang hi chuan tha a na ve thin. An hlawh tam vang a va thiam bik ta lua ah ka ngai lo a, va thawk hnem ta luaah ka ngai thei lo. BPO leh KPO a thawk tam tak te zinga freshers' te pawh in 5 digit hi an cross vek laiin kum hei leh chen hi ka lo thawk ve tawh a 5 digit ka margin ala ni hi chu sawi hi a nuam thin lo. Metros a chen ve a, thlatawp alo nia Bank-ah 5 digit aia tlem a rawn luh vah tawh hi chuan ni 15 nghah thlen hi har ve deuh ania aw!

Thianten chutah an tih pawh hian tun thla chu kan ti thla tin mai a ni. Saving chu sawi loh, tlem bang ve dawna hriat leh eng eng policy leh fund emaw rilruah a lo lut a. Hautak ve thei tak ani.

Ti hian ka zawt ta a. Tunah pawh i la in managed thei tho a. Fa 2 naupang sikul kal rual i nei a, pension i la bawk dawn a, kum engzat chiah nge la thawh i tum ang? Ti hian min chhang a, " Tunah chuan kum tin thla 2 leave ka nei a, DA/TA ka la la bawk a. Medical engkim a free bawk a, khuaa haw na tur a thlawnin min tum sak a. thlawhna ah 50% min la pe zui a. Engemaw palh pawh awm se insured ka nia. Ka fate zirna min tum then sak a etc etc... mah se private ah chuan palh thil lakah khan engkim a buai vek ani mai" a ti a.

Enga pawh chu lo ni se.... 50% a thlawh hi kei chu ka ui thin a. Rel bangah ka la uai hram hram thin. Vawiin chu hlawh a pung bawk a, next pay commission hmain ka pension hman tawh dawn bawk si a. Tu tu te hi nge ni phu loh hlawh la a, overpaid kan tih te chu le? Kan hlawh, min pek ang chhun chhun hi chu ka phu ve tawkin kei chuan ka hria a.

Tuna chinah tu pawhin "Engzat nge i hlawh?" min tih leh chuan, "Nuaih hnuai (not sing hnuai!)" ka ti ve thei ta!

Politics leh KEIMAH!

2008-08-06T12:14:00.006+05:30

Kan chhungkua ah chuan Bairabi Hydel Project leh ZORO kha kan politics thin a nia. Ka pa kha sikul kal lo mah se a lo hmu thui ve em em mai a. Thingtlang VCP te hial a lo ni ve tawh a. Ka nu erawh nu pangai ve tak niin politics-in kan chhungkua min ei chhiat nasat zia min hrilh ve thin.

Chuvang chuan, Pu Thena kha kan chhungkaw politics bulpui ti i la ka tisual awm lo ve.

Ka la hriat reng chu eleksawn dawn hnai ngne ni ta, ZORO ho in hmuh khawm dawn tum ni ta. Champhai Kahrawt bazaar bulah hian miin kan luah ve a. Naupang tin mai khan Congress flag kha an hum fur mai a. Sikul kai hma thil a nih chu!

Ka nau, hmeichhe naupang fel ve tawh tak nen chuan a thlawna sem na na chu congress flag leh kutphah chuang lukhum kan hawn ve a. Kha tih lai kha chuan keini ang rethei bawk thingtlang lam mi tan kha chuan naupang inawm lem tur rawng nei kha vang deuh nia! (Chithlum mum tial tih loh kha chu!)

Inah chuan kan vai ve lauh lauh a. Ka pa tlai leng a lo haw a. Ka nau flag leh lukhum chu a hmu a, engmah sawi set set lo chuan thukah a rawh sak ta daih mai a. Kei chuan chuveleh rang mangkhengin fairel hnuaiah ka thukru var a. Eng tak thleng ang maw?

Tlai chhung inkhawm a lo huna, ka nau hun kha a ni kher kher a. Tap hliam hliam chung khan ti hian a han tan ta a," Aw Lalpa, ka u nen congress flag kan awt ve em em a, mah se ka pa in a hmu a thukah min rawh sak daih a. A u chuan fairel hnuaiah a thukru hman a, a rawh sak ve lo a...." an ti chiah mai chu! "Amen" tih leh "Va la rawh!" tih kha a in rual a. Thukah chuan a alh sen ve ta hluaia.

Tawngtaina hian thil hi a lo va ti thei ngai em!

Tet lai kha chuan PC nih loh ngam kha ni lo reng reng! Mah se kan unau kan lo lian ve tawlh tawlh a, ka pa pawhin "PC kan ram tan" tih kha "Chhungkaw tan" tiin a tel tlem ve hret hret a. Inchhungah hlim takin PC ho chu an tlem na a an ruh tha a nia kan tia , kan nui ho bawk bawk ve thei ta a. Mah se, ka pa chuan, "PAWL PAWLITIKS-ah ka buai lo Bairabi Hydel Projects hi chu ram in nghahna phak ani" a la ti fan a.

Ka lo tlangval ve tan a, MNF an rawn lal a. Lalhleia te ho huaisen zia leh Mizo mipuite tana ramhnuai a vangvat an kai nasat zia a rawn lar chho a. Zoram hmangaihtute an lo ni ang a tiin ka han awn ve nghal mai a. Vangvat kai leh kai lo an in thliar a. Puberin thlam ropui tak a han sa chho zui nen ka rilru chu a buai ta nak mai a.

Vairam ka han thleng thla a, PROMISED ropui tak tak te kha puitlin a harsat tur zia ka han hmu fiah a. Dawtin min lo bum kual mai mai ani tih miin min hrilh a. Kan MNF tha duh leh ta lo a. Enge ni an sawrkar hnuaiah hna ka dil dawn lo bawk a tiin!

Ka neutral leh ta a. Pianpui PC, tet lai congress leh rawlthar MNF nih kha chu thil hlui an lo ni ta a. Pu Duhawma pawlte ka han bel chhin dawn a, keimah ang chauh mai nge ni zawhte no nei ang chuah mai a insawn zing a ni ve bawk si a. Keimah ka inrinloh tluk bawkin ka ring lo ve leh chhawng a.

Tichuan, tunah tak hian POLITICS LEH KEIMA inkar chu a lo tawp ta a. Pawl thar din tum deuh te in awm a nih chuan contact theih reng ka ni. Vansang eleksawn thlen hma ngei hian. Kum hei leh chen vote ka thlak thei ve tawh a, nakum chu a vawikhatna a tana thlak ve hrim hrim ka duh a nia!

Ka Zinna Ram-Part III

2008-08-02T20:40:00.005+05:30

Middle East lamah maw kan tih kha! Khunglai ram zimte khuan khawvel news headline hi a luah deuh reng avangin a engemaw ti ngainatawm ve reuh a. Ka tlawh nual a, mah se hmun dang ang em em a han sawi tur ka hre lo.

Shopping nan chuan a tlawm thin khawp mai a. Electronics-ah ngat phei chuan sing chuang te khan a in thlau thei a kum 2004 hmalam kha chuan. Chu pawh chu 2006 kum tir a ka kal leh kha chuan India ram nena a danglamna em em ka hre tawh hauh lo nia.

UAE bikah hian Fujairah, Sharjah, Abu Dhabi leh Dubai te ka tlawh ve tawh a. Dubai bak khi chu chiang tak ahan vah kual ka nei lo ang bawkinka hre chiang lo. Vai hlirin an khat a, Hindi-in inbum kan tum dun hi a ni ringawt.

Indian tih takah kan thianpa pakhatin Cold Drink Vending machine a1 DH coin aiah India cheng 2 thir a lo thlak keuh a. Pepsi bur khat chu a la chhuak ve tho nia!

Bur Dubai ah hunn kan hmang ral hi ni ringawt. Digicam pakhatna Creative 3MP ka lei ve nghe nghe 2003-ah. Carrefour Mall a Phillipines nula pakhatin an tawngin min be hrep mai bawk tak e. Kei ka bialnu hual aiin a hmel tha tih loh ah chuan an hmaitlang a inang ve khawp mai. he he...

Oman, Kingdom of Oman ah ve thung hi chuan Sultan a hming kha khawlaia lam phal ani lo e an tia. Khawchhung a faia khawpawn erawh a ro ani. Muscat, Sohar leh Salalah te kan tlawh a. Vawi thum lai ka kal nghe nghe a. Sohar khi Nova fate hming chawiaan phuah an tia. Ka pa ka han zawt a ahre lo bawk.

Muscat chu sawi ang deuh khan Mall lian kha ani leh mai a. Chhunah engkim mai hi a inkhar a. Lulu Hypermart leh Muscat City Center te parda phen nula ho an chhe lo thei bawn tawps. Kan melh ngam der si lo a. Mit kher chhuah leh rukru ban tan kha min lo hrilh ve laklawh tawh si a.

Salalah ah hian thil mak kan en ve teh khiah a. Magic Road an tia. Thlaler ram ro ah. Zero Gravity ani awm e. Tlemin a slope deuh a a mawng kan thleng a nuetral-ah motor kha an dah a, amahin a let thei nia chho zawngin. Bus chu a muang deuh a, Car vel chu a let chak khawp mai. Mak ve tak chu ani. Indian tih takah kan test chin(?) vel a. Bottle chu a lum chho duh miah lo nia.

Souvenir atan chuan Frankincense leh Myrrah (Bible-ah khan Murrah ni lawm ni kha!) a tam chiang. Perfume ah chuan an hausa bawn. Kan nam ve chek chek mai maw le.

Ti zawng hian ka ngaihtuah mai mai a. Engati nge ni mitin mai hian kan um suau suau mai le. A nuam a, pawisa atam an ti! Mah se, anihna takah chuan hlawh khu a tha teh chiam bik hlei nem. Human Rights Violation alar bawk si a. Manama(Bahrain) a vai tlangval pahnih ka hmuh te kha ka hre reng thin. 18 hours an thawh hnuah9000/- (sangkua) vel chauh an hlawh a. Working visa renewal nan nen, chhungte thawn nen chuan bang a awm ngai lo an ti.

Dubai leh a chhehvel khu han en ta i la. Kum sawm dawn dawn awm tawh, chhungte thawn ngai bawk, haw hlei thei lo khu an tam ania. A bikin professional front lam te chu thu hran deuh ala ni ta a. Hna hrim hrim um a zuan luh nan chuan a va han tha lo tak. South Indian lam ho khuan AC hna an chang fur a, North lam ho chu Manual Labour bak an chang lo e an tia.

Tin, flesh tade a hluar nasa em em a. Motel/ Hotel vel a an nawhchizuar te khu, ti ta mai mai i la, Andhra leh Nepali an tam ber ag an ti thin. Khung atang te khuan a tam zawk khu chu khutiang hrim hrim a lut khu an nih ka ring bik chiah lo. Hna erawh atam a, a mi chengte an thatchhe em em a. Thil lei turin Car an chhuahsan ngai lo deuh thaw ani. Chuvangin Indian hnawhchuah te chu tum ve eng ang mah se a theih dawn loh. UAE ah khuan 30% vel chuah khu Emirates Arabi an ni nia!

Thil dang zawng ai chuan oil leh sumin siamtuin thuam mah se, an climate khu hrehawm ve chawrh chawrh tak ani. Thil hring hmuh tur avang si a. Chhunah engkim mai hi a in khar a. A cheng ate lah a dumin an la inkhuh ta lehnghala. Mumbai lum tih chu nep ve tak ani. Thaler vaivut hi kan kai paw thung zel nia. Kei zawng khung rama sum thawh chhuah khu ka awt lo.

A zawng a za a han ziah pawh ka chak a, mah se ka kha hi phuar ani rih si a. Heng bakah Kenya, Maldives, Mauritius tih vel te leh India ram Island nalh vel te pawh ziah huna la awm ang chu. Topic dangah kan lut tawh aniang chu!

Ka Zinna Ram-Part II

2008-07-23T20:46:00.006+05:30

Kum 2004 kum bul lam kha ani ta. 2002 a Phuket (Thailand) leh Penang (Malaysia) ka kal hman tak loh avang leh thianten a min awh fik nasat em avangin Australia kal ve chu ka chak khawp mai a. Port Blair atangin ni 4 zet kan kal a. Malacca Strait (Indonesia leh Singapore inkar) paltlang in kan kal a. Singapore ka hmu hnai khawp mai. Tun thlengin ka la kal leh lo. Singapore ka thlir hi ani ringawt.

Indonesia: Ni 4 hnuah Indonesia thliarkar Bali kan thleng a. He thliarkar hi 2002 a First Attack of Terrorist in Asia tih a lar Kuta Centre bombed na hmunkha a ni. A hmunhma chu a Mizoram ve reuh lutuk a. Port ah an nula ten minlo welcome a. Sam dum hlarh, ngil tak leh hmel mam nalh tak mai anni. An sam that mai bakah an vun a mam nalh bawn reuh.

Bali hi khawlian tak ani hran lo a. India rama DVD lei tur la tam vak hma kha a nia. Pirated DVDs an ngah khawp mai. Khawlaiah hian a in tlar pet put mai a ni. A la tlawm khawp leh nghal a. Indonesian Rupayah 8000 velin a lei theih a. Thil hi a han to mai mai khawp a. An mall a zun man pawh an pawisa Rs 3000/- lai ania.

Ti chuan, kei lah harh ve tih tak ah, Harley Balidson chu Rupyah 50,000/- in ka lei a. Tin handicrafts an tawk nalh khawp mai. Thal leh Hamphuh (Darts) ka ti mai a. Rupyah 40,000/- in ka lei bawk a. Zial zuk that loh zia ka hriat chuah phah bawk a. Cigarette pawh cheng 10,000/- lai in Gudang Garam kha lei angai a. Thil reng reng hi sing chuang man hi ani zo vek mai a.

Ka hausak hmel em? An pawisa hi a hlu lo ve leh chhawng a. Kan cheng 5 leh an cheng 1000 (sangkhat) hi a intluk tawk vel a. City centre leh Disco lamah te pawh ka lut ve zuk rauh a. Mizo an ang khawp mai. Ka thianpa kal pui Jat(Haryanvi) pa kha kan DVD leina dawr nghak tu nula khan tha kha a lo ti ve a. Saptawng kim mang lo hian an in bia a. Zanah chu nu dawr bul lawk bar ti i la, vai hla te an sa ve a. Mumbai Dance bar thin te pawh kha a ang lek lek. Open air a ni thung a. A dawr in khar in a rawn be sawr sawr a. Ka fuih pawrh a, an open lutuk engah mah an ngai lo 'chuks' hmiah chi ka tia. An tih ve tawp mai a. Tlan chhiat ka lo inring sa a. Mah se engmah em chu a thleng ta lo a.

Thingtlang lam te pawh kan tlawh ve a. Em te an phur ve a. An hnar a bawng ve khawp mai. Chawn ping eh.. hmana Indosiar a kan en thin ang kha an ni mai. Sawi hmaih chi loh sawi chi em em bawk si loh chu.....

Phuket leh Penang kal ho in min awh fik ka tih kha. Kan thlen tlaiin Thai Massage kan ti ve ngei a. Kan thian hoin khawpawn kungfu film a fianrial angah hian kan kal a. Full $20 leh a zat ve a niang chu $10 an lo tia. A va to ve kan tia. Demo min hmuh ta a. Ka kawr a'n phelh kha ka duh aiin a zei a, tu a maw dan takah ka mur ta uaih uaih mai a. Minute sawm demo pawh ka daih ta lo a. Full kha chu angaihna a awm lo reng reng. Tichuan demo duhtawk chuan pawnah kan chhuak ta a. Thiante nen kan innuih relh relh mai maw le.

Ngaihloh lamah ngaih loh tur a nia. Indonesia-ah hian prostitution hi legal ania. Kan Taxi driver khan khatiang ah khan min hruai hi a lo nia. Lesson thatak ani. Tun thleng hian khawi massage parlour ah mah hian luh leh ka chak tawh ngai lo.

Australia: Bali atang hian ni hnih kalin Cairn (Australia) ah kan lut a. Sydney lama kal erawh prog. cancelled anih avangin khaw lian vak loah kan vak vai ta a. Great Barrier Reef a snorkelling kha a kit kha chuto viau lo se chuan ka chak ve khawp mai.

Indian nih chu a nuam em em lem lo a. A cheng a te an hmel tha ta hauh lo bawk. Japs ho tih loh chu! Japanese an tam khawp mai. Aborigines ho hi tunlai viau e ti lo chuan Park (Cultural) an siam a an la khawi teuh nia. Zanah an hawng a. An in tira mei kaiah kan va en nghe nghe a. Emu leh Kangaroo ka hmu a. Platypus ka hmu lo a pawi ka ti hle. Cairn chu khawnuam em em a ni hran lo a. Mall pakhat a awm a, a bak chu thil hlui zuar ho an tam lutuk. Tin , ih.... enge ni kha vawm a lo kir leh thei......ih boomerang maw kha. Ka lei dawn a, an han vawm a, a rawn kir leh a, kan vawm ve thin a, ka vawm nat poh leh a rawn kir lo nasa hi ani mai a. Ka lei ta tho a.

Engmah vak en tur an neih bik loh avang in Tropical forest lamah min thawn liam a. Mizoramah pawh heiai nalh a tam ka ti rilru neuh neuh a. Night life erawh sap ram nge nge. Beer free entry coupon Striptease ah kan hmu e an rawn tia. Panga lai kan in zui a. Kan lut a, nia.... dollar 1 zel khan a in phelh a. Te reuh te te kha angah lutuk a. A in phelh rei phian! Abak chu Kaartunlawma'na hre palh ang.

Ni thum chauh kan cham a. A nawm em em ka hre lo tlat. Port bul lawk a Antique shop a an dawr ngahktu nu Japanese nula kha.....

Tichuan haw kan rel ta a. New Zealand-ah kan lut dawn an tia lut lo chuan kan kir tlang tlang ta a. Surabaya (Indonesia) an khawpui pahnihna ah kan lult leh a. A tawp chiang. Electronocs erawha tlawm. TV leh DVD Player ka lei ve tlat. A khua a lian a a tawp a ni. Zan khat chiah ka cham avangin ka hre tam lo....
Kar leh lamah Middle East lamah kan in hmu khawmleh dawn nia!

Ka zinna ram-Part I

2008-07-20T19:43:00.007+05:30

Angaihawm ve khawp mai kum hnih dawn mai fawren kallo a India tuipui kual kual mai chu. Kan ram riang te khi ka ngai ve thin.

Ka rawn fang leh hmana kan tuanna tlang tih ang vel a ni. Ka la hriat ve reng thin fawren te:

Italy: ti ila, Sicily ani zawk mah awm e. Ka fawren vawi khat kalna nia. Palermo-ah kan lut a. A lian lutuk lo na a, a nuam ve khawp mai. Dawt sawi miah lo chuan ka vawi khat fawren kalna a nia. Zan dar 7 velah kan lut a. Kan han leng chhuak nghal mai a. STD booth (ISD a lo nizawk awm a!) kan zawng chiam a. Khawlai a booth ah te khan calling card nen a tih chi kha a lo nia. Kan hmu ve mai a lei tur chu! Zan dar kua velah chhungte (?) kan han dial ri ve tat tat a. A(n) va pick up har ve tih hnuah mut chhuah hmel zet hian ka nu hian enge ni ta? a rawn tia. A ni, Zoram lamah kha chuan zanlai kha a lo pel der tawh mai hi a lo nia.

A tukah Mt Etna en turin kan kal a. Tlangkang hlui tak kan bel a. Vai pakhat in American tourist naupang a lo vel pek a. A nu in a hau hrep a sin le. Souvenir hawn tur a tam khawp. Messina, Catania te bakah khawte deuh Taor Mina a Greek theater te leh Cefalu beach a nula inbual te , Goa Calangute beach tih vel chu kan ngai lo khawp mai. Italian Leather vangin maw pheikhawp simat ve tak ka lei a. Mumbai ka thlen hnuah Made in China ani tih ka hre chiah!

Strambol Island Live volvano kan en bawk hla te khua a tangin. Khatih lai khan Digital Camera te lo nei ve i la chuan aw... An nula thla pakhat tal kha ka rawn hmuh ve tur che u hi ania. No tak mai maw le... Karkhat ai arei cham kha ka chak khawp mai!

Egypt: Kan Pharoa ruih mai a lawm maw le. Alexandria City ah tlai khaw hnim ruai hnuaiah kan lut a. Port ka tlawh tawh a chuan buai chuar ve tak ani. Alexandria Light House hi hmanlai chuan Khafu leh Khafra Pyramid dawttu a nih an ring thin a. A bakah Catacomb (Martar-te nena in kaihhnawih turah ka lo ngai a) leh Library te hi 7 Wonders of Ancient World a lang pha thah te an ni a en man a hla khawp mai. Ni li chhunga en zawh loh kha ka hlau ber.

Bengali pakhat nen kan lenga, kan bo a, an sabji bazaar ah te kan kual a. Tram a la service ve bawk a. Saptawng kan thiam lo ve ve. Ih mawm.... Octopus hi an lo zuar var huar mai a, ka va han ei chak lo tak em!

Atukah Cairo lam panin kan chhuak a. Nile lui kamah Lunch ka ei ve tlat. Giza lam panin kan chuak leh ta a. Pyramid pathum dingtlar te leh Sphynx kan va en a. A hung chhung luh man Egyptian Pound 40 a nia. A chhung a luh tawh hnu ah pawh khan , a lian ber kha an hawng a, a chungah a luh nan pound 40 dang a lo ngai leh a. Kan inzui chho pat pat a... current a han thim ve phhut mai ah! Mummy kan hre chhuak rum rum.

Cairo-ah kan let leh a Pyramid atrang a Mummy an lo lak chhuak vek vang in Cairo museum-ah kan kal leh a. Museum luh man 20 ve thung, Camera flash awih loh. Mummy en an kha 40 an ti leh tlat a. Mah se vawikhat kal ve manah tiin ka lut ve hram a. Mummy 11 aawm a, a in tuam vek atang a a ruak deuh thaw thlengin. Mah se film ami ai chuana hlauhawm loh deuh. An te hlawm lutuk.

Musolman ram e ti lo chuan Port han pel ila, pimps hoin min vir nghal a. Luck ve lai tih mai loh chu sawi tur a vang khawps... an nula te an hmeltha bawn tawps. An in khuh pumpuhlum leu.

Tuipui Sen leh Suez Canal: Mosia khan khawilaiah nge a kan ang aw.....? tih mai a awl khawp mai. A lian tha hem hem khawp mai. Han dai kai mai na tur kha vang riau in ka hria. Pathian tih chu tel lo se la chuan ka awih lo tep ang. Tuipuisen asen lem lo a. Tuifinriat hi ani ngawt.

Suez Canal pawh hi record a siam ve vangin a hmuh nawm ve hranpa hrim hrim a. Km 162 nita in ka hria. Thlaler a lawng kal hi kan ang ber in ka hria. March thla a nia a vawt khawp mai. Ral leh lam leh lam ah thlaler a pe un mai a. Ropui ve deuh chu a ni e.

Part I chu zawh tir tawhmai ang. Part II ah Eastern Asia & Australia

NEED FOR SPEED

2008-07-05T19:15:00.002+05:30

Tawlailir ke bial an hmu chhuaka, steam engine in a zui a. Kan changkang tawlh tawlh a. James Watt an mual min liam san meuh chuan Internal Combustion Engine a rawn lang nawlh mai a.

Carnot Cycle leh Otto Cycle-te chu bel lem lo mah i la, 2-stroke atangin 4-stroke. Single Cylinder, inline atangin multi cylinder 'V' engine-te, Deltic leh Radial-te a rawn lar chho a. Keini hun a lo thlen meuh chuan CRDi leh DTSi ten bazaar an mawi ta e.

Puakruk pai a sakawr chung chuan ai chuan 9mm nen a Merc a chuan chu a in nawm hleih aniang. Kei teh lul pawh hian ka awt ve ngawih ngawih mai a lawm maw le. Ke li nei awt pha lo mah i la, ke hnih nei tal! Mah se, thenrual tha ten, " I inbeng khalh pha lo ang" min ti. Ka tha a na bawn tawp. "Enge tun ang laiah rah nun a ngai tawh bik hlei nem, hmeh zeuh kha ani mai a! A din chhung na na na chu dingdihlip in ke khat chuan ka dinpui zo ve tho ang" ka la ti fan a.

Hmel zir loh nen, mizia a mi aia hnuai hret nih bawk nen, aaa….. pate tak ka lo ni kher bawk nen! In beng khalh ngai lo in ke li nei law law hi a awh na na na chu ka thei ve a lawm ka ti a.

Suangtuahna in Vanapa Hall lam panin 'Biangnovi' nen Merc dum dak hlarh chuan kan tawlh phei dun zal zal a. Low waist Jeans leh T's nghawng zau nen Reiek kawng chhe panin SUV in kan inphur nui ri ar ar a. Thianpa Kaartuunlawma te anniversary candle light dinner-ah amah te nen chauh khan, 'Zanin chu Sedan-in aw! An in kawng a chep e mai' a han ti sap a. A tuk Office kal tur chu Traffic a zam nasa si a. John Abraham-a R1 ang khan Liv Taylor aia nalh leh mawi khan nghet taka ka kawng bawra min pawm chungin kan duk chhuak leh ta a.

Enge ni ta? Zion Street chho ah traffic, motor leh mihring an jammed a ni! Kan han in hnuk chho ve det det kha… awi ka rei! Van pui a chim! Ka inbeng khalh pha ta awkawng lo mai. Vei lam leh ding lam a in beng chung zelin 'thal' em lo in kan hnunga thingtlang Sumo ding chu ka zuk back gear pawp mai a. Ka han hawi vel a, ka Liv Taylor-i chu Bike-ah chuan a lo thu ta reng reng lo mai a! Ka han en nawn leh a, sumo engine khuhna chirh kai luai chungah chuan a lo thu vang mai a. 'Devil Wears Prada' look kha 'Red Red Wine' khan a lo thlak ta daih mai a. Ka suangtuahna kal lai zawng zawng chu a tawp ta hmak mai a. Ka va han ui tak e aw!

Hetih lai mek hian ka Jammu tlangval thianpa ve thung chuan a tak ramah a Mercedes chuan nawm zia te, Honda City a hne tawh thu te. Nano man tlawm bawk si, cute bawk si a booked thar thu te min lo fah ve mial mial a.

Ka ngei roh lutuk a. A chhan chu maw…. Toyota Innova upholstery chu Jockey designer te design a nih thu leh Hyundai Accent Power Steering nawm zia leh Chevrolet Aveo a anti-theft security sytem a vuah thar thute min hrilh kher kher kha ani. min 'awh fik' !

Lo! Ngai teh, thil engkim hi a siamtu siam ani a, Duat taka a enkawl te kan ni. Ka Jammu Pundit thianpa N-95 chu ka han kheuh sak chhin a. Phone Book-ah chuan Merc, Astra, Santro Xing, Accent, Innova etc te chu a lo tlar dul mai a. Ka thianpa thianpa, Kashmiri Maulana chu ka zawt ta phawng mai a. Ti hian min hrilh fiah ta a.

A car neih zo zai te khi ama siam vek an ni a.. Duat tak a a enkawl te anni. Merc khi tuna a enkawl lai ani a. Honda City khi a hlui hlawn tawh a. Innova khi 'Jockey Underwear' a present a. Aveo khi a 'emotional blackmail' mek ani a. Accent khi a stylish a, chul vel a nuam a. A zei bawn tawp! Ball room emaw bed room emaw 'Top Class' tiin min hrilh leh a. Tata Nano ve thung hi le…..? Ani chu 'lower middle class, simple yet complicated, educated but extremely beautiful'! Mah se, mitin awh phak ani!

Wah wah! "Jammu Pundit ka raj Kashmiri Maulana ne khul diya"
2 nge 4 wheelers ka awh tak pawh ka hre ta lo e! Ka awt ani ve tawp mai.. ha ha ha

Pakhatna nih tumin?

2008-06-28T20:19:00.003+05:30

American Idol > Indian Idol atangin Mizo Idol. Heng bakah te hian Show tam tak a kal mek bawk a. Hman zan chu 'Chak de Bachche' kha kan thlir thap a, top 3 atanga a tla tur an han puang kikawi kual vel ah khan naupang ho kha ka lo thlir a. Suangtuahna pawh la nei phak hmel kha an pu si lo a, mah se an hmelah khan 'ber' nihna hauh kha an tum hmel hle in ka hria a. A har hian ka ring a puitling tan pawh, lam pah bawk, zai ngai bawk, hmel siksawi kual ngai bawk.... kei chuan ka tlin lo sa.

An han puang kha a tla te pahnih kha, a mipa naupang zawk kha chu a insum thei mai a. A hmeichhe naupang lungchhia insum thei lo an in sut tak tak mai kha! An thlem bang zo lo. Naupang tah tak tak te khan a tap a. Ngaihtuahna a ti thui duh ngei mai.

Kei pa nunnem, zaidam (?) tih takah ka mittui a lo parawl teuh hman pek a. Reality show kan uar a, a thenin an sawisel a, a thenin a sawisel a te an sawisel leh a. Mah se tihtur nei lo a tv hmaa thut chuan en a lo nuam aniang chu.... a la kal tluang zel a TRP pawh a sang tha thei fu!

Mah se i han ti teh ang mi tam tak ngaihdan ka tawmpui a. Naupang te te a tanga excel tur a kan in nawr hi a fuh ber lo chuan ka hria a ni. Puitlin hma a puitlin. Hmana Bihar naupang Tathagat A Tulsi kha matric pass naupang ber record a siam kha. MSc pawh record a siam leh kha. Mah se hei tunah chuan a reh ta daih mai a. Enge a tih chhunzawm tak zel le?

Lar hma te hi naupang te hian an chak pawhin ka ring lo e, nu leh pa ten lar kan tum vang mai mai ani in ka hria. An tum ang an tlin leh loh hian mental depression in a tlak phah fo thin. Kar hmasa lam a Kolkata dance reality show a mi te ang kha. Judge te remark vang khan hei a tawngthei tawh bawk lo a , a che hlei thei tawh bawk lo anih hi!

Kumtin SSC leh HSC result chhuah dawn leh a chhuah hun chung vel hian mahni intihlum an tam thin hle anih hi! Pakhatna nih duh vang. Thiante umphak loh hlauh vang! A pawi ti rawh... 90% pel te pawh an inawkhlum duh phah a nih hi. Hlawhtlin hi sum leh pai chuan a hlawhchhuah hma theih pawh ani thei e... mah se rilru puitling tello a sumleh paia hlawhtlinna chuan khawi teh ualah mi i thlen thin lo.

Kumtlin hmain mipui enbik nihna an lo chang a. dawt sawi lo chuan Mizoram Idol chhuak te pawh sawichhiat an tawh phah nasa reng a ni. Mizoramah lah kan lo copy ve nghal zel bawk si a... Pakhatna nihtumin puitling zolo min chhuah teuh ang tih ka hlau deuh!

Ruah aw sur buan buan!

2008-06-04T19:53:00.006+05:30

Ruah aw sur buan buan! tih a va chakawm leh tawh em. Nizan khan Mumbai-ah pawh ruah hmasa tlem te kan dawng ve a. Ka va do han hram pek a. Dawn a ti thui ngei mai.

Mizoram chu nisela aw...! Chhas te neih hranpa kha a ngai lo reng reng. Ruah mal in hma a rawn hruai a, rangva inchung ngei mai kha a rawn ri kauh kauh a. Lonei ngai lo leh hmu ngai miah lo pawh kha 'kan sawmfang dum dur' tih hla kha kan sa rilru ve ngaih thin zawng anih kha. Ti chuan inah tawmin kut vei lam khan dithli far femah kan va dah a, kan sualna zawng zawng nen a fai ta duak thin kha ni mai in ka hria.

Sikul bang kan han hawng a, ruah in min han nan haw ngei mai a. Nuam thei tak a ni. Chhe lo deuh haw pui tumphei chuan, sur reng se ti a tawngtai mai kha a chak awm thin. Zanah ruah a sur ri cherh cherh a, mut kha a va han chhuak duh thin tak em. Zing thawh a lo hun a, sikul kal hun thleng khan sur law law se la kan ti leh roh si a. Fur khaw cheng khan kan nun kawng kha a lo va han hruai kual nasa thin em? A zarah kan him a, a zarah kan buai phah bawk a.

Nihliap kha kan mamawh em em bik pawhin ka hre lo. Mah se, kan tet leh zual deuh lai a, fur tui hawk kawra kan inbual thin kha chu sawi chi vak pawh ani lo. U Peka hian tum khat chu min fuihpawrh a, tuihawk paw eng phat mai kan in insiak hrep tawh. Mah se kan pum kha a lo chak khawp a, kan damloh phah bik miah lo ania.

Ka la hriat reng mai chu, Govt a kan kal lai hian kan sikul bang hi ruah in min dang a, Kan class a hmeltha ve deuh mai pakhat nen hian min dang dun hlauh mai a. In deuh awih loh! Kha mi tlai kha chu ruah sur tawh zawngah mnhla ka la ti ber awm e. Ruah a ban fel meuh chuan nihliap hi a lo keng reng si a. Kan inzawn haw dun ta tho a.

Vairamah kan han awm tan a. Fur khaw diak lai a haw ngaih chang a lo awm leh a. A w... Kolasib thlang Rengtekawn zet khu! Ni li lai mai tum khat chu min dang a. Mipa pahnih kan ni a, motor-ah kan riak a, zingah min lo kai tho si lo. Ka tho a hman tep a. Zana ka mutna ah khan ka lo awm tawh miah lomai a. Driver khan khawilai nula/thlawi nge nen min lo fawr pui dun hi a lo nia. Ka muhil der tha leh ta ngawt mai a.

A tawpah kan tlang ve a, mah se maw...... kei chu motor kha ka chuang ve ngam ta tlat lo mai a. Kein pa takin ka lo va dai kai a. Sawi thui lo mai ang. Ruah hi sur leh phawt mai rawh se. Kan chhehvel hia lum tawh e mai. Exam lai rilru a ti phawk leh tlat.

E.. takin a.... BA final year ka exam ve mek a. Beuh beuh mai a. Ruah sur ang tlur in ka bei a, ruah mal ang phiarin ka sawn muang bawk. Ka exam tawh zawngah chuan ka la thiam over! he he... BA pass tur a kum sawm zet a han duh chu le...!

Tuifinriat leh Ka pianna!

2008-05-30T21:50:00.004+05:30

Kan tet lai a tuifinriat han sawi kha chuan Titanic kha alang nghaluar mai a. Tuifinriat kam (beaches) phei kha chu a Bay Watch nghal ruih mai thin a nih kha. Ka pianna lam han tarlang hmasa i la, khaw fimkhur lo khua ah ka pianga ("an lalin kel a ti kanga, Kelkang an ti(?)"). Tuifinriat kha chu hla ve tak ani. Zawngtah kung tam thu bak kha hriat ka nei awm lo e.

Kum a lo kal zel a, Tlawnglui pawh la hmu hawt lo khan tufinriat lamah tiin ka bungrua kan tel ve ngawt mai a. Tuifinriat chu a vawikhatna atan Bay of Bengal them ka hmu ve ta a. A lian ve khawp mai. Hmuh theih bak thleng khan tui vek mai kha a nia. Tichuan hei tun thlengin tui hlirah ka la cheng chhunzawm ta zel a. I awih em? Nikum May thla atang a tun thleng hian ni 234 teh meuh mai tufinriat lamah ka pil bo a. 2003 kum a ni 277 ka bik bo tih loh ah chuan ka record a ni e. Laawng kha ka han rui thei em em khawp a, a chang phei chuan Harbour kan chhuahsan hma, engine a rik hluah hluah hi chuan ka rui nghal ziah leh nghal a. Ruihlohna dawmdawn sawm pawh ei i la, kha kha ka thil ei hnuhnun ani chawk thin.

A nuam em? tih hi zawhna ka tawn zin pawl a ni a. Ka chhanna ah chuan nuam e' tih mai bak kha chu a vang khawp mai. Nia, anuam ve thin khawp mai. Ni 30 chuang tuifinriata pil bo hnu a, khawmual a han lan det det mai hi chuan thin phu hi a rang zawt zawt tawh mai ani. Tu amaw dan takah khawi lai thliarkar emaw a vai ngal ria zin zen emaw, African buk ve tak tak emaw, Thai nula chawnping ve tak pawh kha an no hle tawh mai ani. Kan hawi dauh dauh thin mai maw le.

Mihring chen mumal lohna pawh ni se, khawmual kha kan ngai ve em em mai a. Chunglamin zah a ngaih a, tuifawnte a nasat lem loh hi chuan a zia viau a. Kan intihlim a, tlai lamah volleybal te kan khel ve a, zanah sirukla te kan chhiar a, ngaihtur nei lo pawh kha lung hi a leng ve em em mai a. India ram hmun hrang hrang mai bawk ah Island lam te cuan chhuah anuam hle thin. A bikin Minicoy beache te leh Andaman Island hrang hrang han tlawh chang hian tih tur a awm lem loh pawh in Coral (phalloh mah nise) kan dap kual a, snorkelling nen hun kan hmang tling tla ve mai thin.

Arabian sea hi chu zah a ngai thei a, Bay of Bengal leh South China Sea vel hian tun thleng hian rilru a la ti ralti a. Tunah chuan tui fawn te a zia chuan ka rui tawh bik lem lo. Mah se maw, tui fawn ding leh vei hi chu a zia a, chung lam leh hnuai lam a min han then mai hi chu pum a awm zawng zawng hi a theh chhuak mai vek mai a ni. Eng anga tuihnai pawh hi in chhawp reng mah se ei rih loh mai kha tih thei awm chhun a ni thin.

Hetiang ka rawn ziah vang hian tuifinriat hi a nuam lo e tihna a nilo a. Khawmual lam a luck lo deuh te chuan mermaid-te hi kan zawng ru ruai thin. Sangha lianpui pui hmu turah te min han ngai ngawt a. Kum riat zet tuifinriata ka vahvaih chhung hian Dolphin aia lian ka la hmu lo reng reng. Tih tur neih loh changin sangha kan man a, kan chhuah leh a.

Tui chen ka thiam viau turah i lo ngai mai thei. I lo ngai anih pawhin i ti dik chiah. Tuififinriata tui chen thiam loh te chu.....deep diver nihna min pe a, ka dive tawh chuan min phawrh chhuah leh hma chu ka chhuak tawh mai mai ngai lo. Heng zawng zawng ka ziahna chhan ber chu maw... tunah hian South Mumbai a Taj Wellington Residency Swimming Pool thlirin ni 3 ngawt hun ka hmang tawh a, kan va han in hausak hleih ve ka ti deuh a ni. Ka room tukverk hmazawn chiahah a awm leh nghal a.

Heng thlalak te hi i hre thei hlawm em?

Celebration Time@VaiVa

2008-05-28T16:30:00.005+05:30

Come this June, VaiVa is going to be one year toddler. Thought of making it more glam look and sexy; then I recalled myself reading this sexy, style,.. blah blah blah stuff.

Yep, it's right! In today's world, anything can be sexy. We all might have seen sexy car, sexy shoe, sexy dog ......etc. It is no longer a taboo, no longer a vulgar word. Think of yester years when someone passed comments on someone else whispering 'sooo sexy', nope.. I was not that someone. 'Chappal, jutein padenge tujh par'.

But thing has changed, anything can be sexy and all became sexy conscious! Wanna be sexy... obviously, at least me (I've been waiting for someone who'd call me 'SEXY' ), HE or SHE no longer matterred. However, I wondered who is sexy or what is sexiness. We named some actors and actresses, be it Bollywood or Hollywood, sexy guys! Her curves, barbie slim figure, his hair style , his six pack abs and the lists going on and on. Imagine a porter sporting six pack abs like Shahrukh or a girl much thinner than Paris Hilton because of malnutrition. Lolzzz... my buddy, Kartuunlawma would have gifted me one tight slap for writing this kind of dirty stuff...(?)

Lets go back to the point! For making more sexy, I designed a Babel in my mind with my limited capability in Computing. I tried changing templates, fonts, background colour, new widget etc... but couldn't settle on that. At last came the solution (only for me, may be), 'sexiness' is not about the visible but about the invisible which is invincible. A great style quotient is nothing without the person's attitude, self confidence and how well he/she carry him/herself . So I heartily agreed and vowed that it will be like that from now onwards!

Here's the bottom line: after writing all those 'bakwas' I realised that I have none of the above qualities. That's the only reason, reason to believe that 'I am not sexy at all'. Ha ha ha.... Rairahtea is requested to keep mum, I know you are intelligent, smart and genius!

ELEKSAWN MANIFESTO

2008-05-15T15:45:00.001+05:30

Eleksawn a hnai leh ta kuar mai a. Kan sawrkar dinglai hian a term thum dawn em? tih kan in rinsiak lai a nia. Kan chian loh dan chu a in ang tlang hlawm phianin ka ring. Kan sawisel ring hlawm khawp a, mah se thlaktu tur kha an awm leh chuang lo ang tih ka hlau deuh! Zoram pawnlam atang pawhin a khu rim kan hre phak ve tan ta. Kei chuan thil dang daih ka han sawi teh ang ka tia mi sawi hnu tho hi alo ni leh thin a. Kan hre hnemin kan chhiar hnem ta a. Kan chungah a in nghat ta e. Enge tun kum 5 chhung hian kan hlawh chhuah le!

Sawi tam lo mai ang i hria ve reng kha.

Kei chuan maw vote ka la thlak miah lo na a tun tum chu ka thlak ve thei em ang chu tiin ka vote tur ka lo thlang ru ve a. Ka duhthusam sawmte:

1. Eiru thei lo tur, rualbanlo/kutke kimlo pawh ni se! Ih mawm, tunlai khawvelah chuan kan changkang tawh a, e-governance-te pawh kan sawi rik tawh kha. Pindanah kankalh khung a nga an thluak in ram a kal zaih zaih tawh mai dawn a ni! Policy making chuah ni loin Planning leh Implementation thlengin mouse tluk lekin a vaivir tawh mai dawn a ni.

2. Pathian phena hmang lo tur chiang sa, Pathian awm ring miah lo ni law law mai sela a duhawm . Chuan dawt a sawi pawhin mipui leh zel chuan Chunglam thinurna kan tawngbaw lo ang chu. Pathian thusawi kha Pathian rawngbawlna emaw an ti thin a. Mihringpuite rawngbawl kha ani Chunglam tan a rawngbawla chu tih kha an theih nghilh daih zel a.

3. Eiru tur deuh mi ang a lan pawhin, a eiruk te chheprelh a, vairam a invest ru bo daih leh Sum vairama khawhral ching mi ni lo... a a a.... khawnge Zoram ta a lawm ti ila, Zoramah i hmang zo law law teh ang ti ngam! Leh hem hem mai a.

4. Tun tum chu ka eiruk thenkhat hi Sawma pakhat lo deuhin kan kawmchhak sikul a zirna bungrua a chhe e mai ti a, sum tlem a zawng thehthang inhuam mi an ni tur ani!

5. Sawichhuak thei miah lo tur. Sawichhuah chu a hmanna a kikawi kual duh e mai. Central sum a rawn thleng tawp kha a hman dan lo thiam turu bawn tawps ni rawh se.

6. Hel a invauchher ngai lo a mahni a hel ve tawpte an ni tur a ni. Dik leh tha a an hriat te, hel tih ang a ti ve tawp mai kha hel an ni mai. Mipui te tan chuan a tha duh phian in ka ring. Silai lek leh bomb tipuak kha hel amaw ti tlat an nih chuan ka vote lo si khaw ang!

7. Kawl ho hnawtchhuak tak tak ngam a ni tur a ni. YMA ten an mi duhsak zawng(?) te an lo hum palh anih pawh a. "ve mai mai a che u" tih pah a prision van a kawl vai a Tiau thleng chauh ni lo Rangoon thleng thak a thawn chho ngam. Pa dawn rep rep mange aw!

8. MZP leh MSU hming te, SSU hming te a mimal contract rawn dil dawk dawk an awm chuan a lo kick chhhuak nghal bur ngam tur ani. Pen sen leh pen hring a recommendation ziah ching mi a nih vaih chuan!

9. Amah chu loneitu vangvat kai, ramhnuai a kal vanga kai ni lo a ni tur ani. Tichuan loneitute thawhchhuah rim tak kha a thehthang dan zawngin vangvat karah a vak let leh ngam ang. Vawihnih khat ramhnuai kal vang a kai hi chuan an kal leh chuan a zuk tawh ang tih an hlau a an kal nawn tha duh tawh lo.

10. Atawp berah chuan kha leh chen mipui chanai min lo ei zawh sak tu te kha,"Khawi maw, i ei hnem kha. Za a 99 tal min kir rawh" ti a kan officer hlui te leh hruaitu hluite chhuahchhal ngam tur. Leh riap riap mai dawn a! Mahni kal kher pawh kha a ngai dawn lo a. A click zeuh anga CBI an lo lut keuh mai dawn ani!

Khi pa pui roh khi tling mai se la aw..... ha ... Zoram chu kan vul chek chuk anga. "Vai kan ngai tawh lawng, Kawl kan hlau tawh hek lo ang," tih kha kha kha Idol leh Icon zawng zawng ten an sa rual tur. Ka tui hlut a. Chanchinthar chhiar a thil dang reng reng mai chhiar tur awm lo. Politics, vai leh kawl te hian thluak an tivir... khawlum nen!

Missionary-te kawng tum zawh in!

2008-05-11T15:02:00.004+05:30

Goa lam zin kan report zo chauh a, Ka ning lutuk in leave tlem ka la a, U te hnen lamah tiin zin ka intintuah a. Stress Buster atan Missionary-te hnenah ka han intihlim teh ang tihna te pawh aniang chu! Ti chuan, 4th May khan Agra thleng ticket la in Punjab Mail-ah kan thu ve tawng mai a (Kaartuunlawma'n min rawn thlah a). Agra lam atangin Taj Mahal leh Red Fort en pahin ka kual ang chu tih laiin, ka bula thu Kanpur pa chuan Jhansi ah chhuk la a hnai zawk ang a tih avang chuan ka chhuk ta a.

Alum bawn tawp. Tichuan, Uri lam panin Bus in ka chuang ta a. Thleng ve leh mai a. Uri -ah chuan kan zawt vel a min chhang tha duh ta hauh lo mai a. UP thianten Etawa Dist. chu misual awmkhawmna an tih kha ka hre chhuak rum rum mai a. Ticket min pek duh tak tlat loh avangin ka thu lui ve ta tlat a. Athim tawh tihah kan chhuak a. A kawng chu an chhe laileng khawp leh nghal a. Rei kan la kal hmain an mahni vaiho dan takah Toophan a rawn thawk a le(h)! Kan var ta pho mai a. Giza a Pyramid kan tlawhni kha ka hre chhuak rum rum. Vanduai a siamin nge ni Thingkung lian zet hian kawng a lo kham ta ruah mai a. Hriat ngai loh ramah kan mal tawlh tawlh mai a. Ka U te'n thim hnuah chuan chhuah loh a tha an tih kha kan hre chhuak zawk a. Engtin tin emawni kan thian fai thei mai a. Kan kal leh dawn chauh a a dang a lo tlu leh a. Dawt sawi chung zelin vawinga zet min dan hnuah zanlaiah Etawa chu ka thleng phei ve ta hram a. Ka u chuan min lo nghak fan a. Pastor Biaka inah kan in phur phei a, zan chhuah a that loh avangin kan riak ta a. Zing tak, khuantevikah min kai tho a, an awmna Tameri thingtlang panin kan in phur phei ta a. A va han khawte em em. Min han en duh khawp leh nghal a. Hrilh fin an har hmel ka ti khawp mai.

An fate an lo lawm khawp mai. An hmel han hmuh chuan ka khawngaih zawk. Heti reng reng mai a thlen harsa a an hun an han hmang hi! Kum 20 dawn evangelist/ teacher a an kual hnuah pawh kohna an hmu hla ang tawlh tawlh a. Nula missionary te pawh an lo awm ve a. An huai chiang! Zial chu a zuk theih loh nghal pang a, a ruk a zuk angai tha leh ta. Mizoramah lo kal se an kristian ka ring hauh lo. An ringtu leh thawktu te ho tar tak tak te chu kan mihring hmuh hnaivai an ni ta reuh mai a. A then an rin viau laiin, a then an confused ve chiang khawp mai. Mah se network tal kan la man e! Mulayam a a lal tawh lo a current a chhe hle. A te ber thleng khan Vai tawng kha an lo thiam tawh a. Mah se , ngaihsan pakhat ka nei leh ta. Mahni ute mah ni se, Vai ramah an hun hmang mah se, Mizo tawng a tawng mai ni lo a chhiar thlengin an thiam vek mai a, a naupang ber kha ka hmuh hnuhnun ber kha Arunachal Field a an awm lai ania, a tawng thei tan chauh kha a ni sia. Kum6 mi pawhin Mizo Bible a chhiar thei tlat!

Ka nin ve thung chu mi in ti chawl ve em em in zing mut rei kan han tum a, u berin,"Naupang hmuhah an mu rei ngai lo" tiin zingtin min kai tho ziah mai a. A nuam tawk ka cham a anni chhungkua in Mizoram lamah Retreat neiin min hawsan dawn ta bawk si a. Lucknow-ah kan phei a. Synod nge nge, Field Secretry inah thlengin vawksa leh bawngsa ka ei nghek. Amaherawhchu Lucknow Mizo inkhawm ka tlaia, pawi ka ti khawp. Ka ute pawh an haw chho ta .Kei pawh zaninah Mumbai lamah kir leh ta nge!!!

Kartuunlawma Damdawiinah!

2008-04-27T21:38:00.004+05:30

Tun thla chu zin buai in ka buai a, Goa vawi 7 ngawt mai ka thleng thla hman a. Chutihlaiin ka thianpa duhtak Kartuunlawma a lo dam lo, damdawiinah an lo admit rup mai a. Chupawh chu ka tlawh hman hlei thei lo a. Thla tawpah meuh chuan ka tlawh ve thei ta hram a. Ka va thleng chu a lo bumro khawp mai a, a dinna chung a thingro ding lem ang mai khan a lo zar bum mai a. A mutna khum ka va thleng a. A natna ka han hre chiah mai chu(h) ! Ka phu zawk mai maw le.
Ti hian a lo dam lo a. A mit ding lam a inchhin tha chiah lo, tin a kam thuahin a ka ding lam a in hawng zel. Tui a pai thei lo! Inbual in amit dinglamah sahbawn phuan a lut zel! Ka van khawngaih chiang. A meng ru reng mai hi a lo ni a. Kaartun bu han lei mai tur ka hmu si lo a, Apple leh pul lo te ka hawn ve a. A eitur lam pawh ngaihsak ta lo chuan, apple a thil inbel kha a lo pawtthla a, a lo bih chiang nger nger mai maw le.
Heti tak mai a na kan va kan ve a, Kalam Effect bu chhuak thar leh Google Story ka lei kha a kawm a naupang lawm tur niawm tak a Google tih design velah khan min bik bo san ta daih mai a. Lehkhabu ka chhiar san ve a, a thina rim leh bawk si a. Awm ngaihna pawh ka va hre hrep lo e. Thliarkarpa leh Rairahte a te khan Kaartun bu chhuak tha in nei mial lo maw?

Mobile man tlawm ber chi........?

2008-03-11T19:52:00.006+05:30

Kan kawmchhakte video bangawng atanga kan bihthlak thin lai chuan fiim a an inbiak te hian a intifing pawl khan, a lem mai mai. Nakina sapho pawhina an la hmuh chhuah tur kha an ti thin sia. Tunah chuan mitinin kan hum ta fur mai chu ani si a. Sapah kan chang ta ni maw?
Mobile hi a tangkai tih chu kan hre teh meuh hlawm mai a. Vawkchaw chhum pawlh tur thlengin lenna a tangin kan in kai hruai thei tawh a nia. Hei vang hi a ni tunah tak hian ka buai em em mai ni! Ka farnu, ka nau nula puitling ve tawh meuhin min rawn dil ve a. A thiante ho pawhin an neih vek tawh thute, hnathawh an neih bik loh zia thleng maiin a rawn sawi a. Ngaihtuah fim hman hlei lo in ka lo aw liam ve mai mai a. Ka han in ngaihtuah chiang a, ka pa thu lo chuan ka lei ngam ta awkawng lo mai a. Kan thiannu in," In ka han haw a, ka naute pawhin mobile an lo nei vek tawh mai a, ka ngaituahna hria ni awm tak maiin min kai hranga, ka pa thinrim a dam deuh tawh a, sawilan kher a tul tawh lo; mifate sawisel thei pawh kan nih tawh loh hi!" a tih kha ka hre chhuak zawk mai a.
Ka pa ngaihdan tur chu hresa deuh tho mah i la, amah rawn lo chuan thu ka ti tlu ngam ta lo a. Rin lawk ang ngei mai khan ka pa chuan, "BA lai zir ve tawh in hna pawh zawng chuang bawk si lo, awm mai mai a thiante nen a min lo nghak rawh tih nan mai mai a ni. Landline bill pawh kan pek hleih theih loh hi" a rawn ti ta mai a. Ka nau hmel tur ka han ngaihtuah a, ka lo tiam tawh sia. Ka pa hnenah chuan, a tangkai lo zawng a Mizorama an hman tangkai zia te, MMS bawlhhlawh tak tak a tam zia te, SMS an chhawr tangkai thiam dan te leh zan tairek thleng a kutzungpui an hmeh thianziate, zing a tlaizet a tum bur a an thawh chhan tlangpui chu zanlama an ck puite fuh loh thin vang anih thute chu hrilh ka tum miah lo. Amaherawhchu a mah B pawl pass ngaihtuah phak tawk, Mizopa rilru diktak mai khan, " BPL leh Ni 100 inhlawh(NREGS) tura chhuak mobile leklang vu vu, zak chuang miah si lo, hnam kal sual lak lawh kan nih hi. Ka ngaihdan chuan tuna kan chhungkaw dinhmunah kan la phak lo" tiin min hrilh ta a. Lo hau miah lo tur a intiam tirin,"Ka lo hrilh fiah ange," tiin ka mahgtha ta a.
Engtin nge ni ta ang? Ka nau ka lo tiam ve tawh si. Ka han ngaihtuah nawn leh thin a. Ka pa thusawi dik ka ti bawk si. Mah se ka nau ka thiamlo thei bawk si lo. Kei pawh ni ve ta i la rual awh chu ka ti na ngawt ang. Ani ai chuan ka ti na ngei ang. Kha leh chen mobile hi ka hum ve tawh a. Vawi khat mah a awh thu hi min la hrilh ngai lo a. Nia, BA dropped out a ni ve mai a. Hna pawh a thawk lo ngei mai. KTP ah theihtawpin a inhmang ve a. Khawi ilo kalnaah leh thiante zingah a inkiltawih phah ang tih ka hlau bawk si. Aman to pawh ngen ngam loin aman tlawm ber chi min la rawn chah vei nen. Chu kher kher chu aman ka neih loh pawhin ka puk tal ang tih awm hi ani a mah se, kawng leh lamah nu leh pa ka la nei ve si a. Last christmas khan ka handset hman lai ka u ka pe a, chutah pawh engmah a sawi lo kha a ni a, a lo awt ru ve reng dawn si a. Aman lah a tlawm tawh si a. Ka mobile lei hmasak ber chu Samsung a hnung pawl, antenna awm kha a nia, Rs 8000/- ngatin. Tichuan colour, camera, infra red, FM, MP3 Player, Bluetooth, smart phone etc... Kei chuan ka mamawh ngei mai. Ram pawnah ka la awmzui bawk nen. Mah se, ka nau hian a mamawh ve em? A thiante ho hian an mamawh ve chiah em? Nge sum an ngah ve hrim hrim. Anni ho lo pawh, thalai tam zawk handset changkang tak tak te hian an mamawh chiah em le? An handset man hi kum khatah an thawk chhuak ang em? Heng zawng zawng ka han ngaihtuah hian ka nau pawh hian eng ni lo mahsela a phu ve in ka hre bawk si a. Nang enge i ngaih ve dan? Zanin hian a la hun rih loh thu ka hrilh dawn chu a nia, engtin tak hrilh ang i maw.....!

ZORAM NI

2008-03-05T21:27:00.006+05:30

Vawiin ni kha India Sipaiin kum 1966 5 March a kan Zawlkhawpui Fighter hmanga a bomb chiam champha ni in Mizo Zirlai Pawlte chuan 'Zoram Ni" ah an puang a. Kum 42 zet hnuah Zofate kan thang harh tihna nge ni dawn a, sawrkar dinglai te leh kan MZP te hi an inzawl riau zawk te ka lo ti ve mai mai a. Hmanah pawh kan pawlitik khel ho te nen a tangkawpin Zirlai Pawl(?) ten Pachhunga College Library an hal chiam tawh an tih kha. Kan chhiar ve hman hma in kan Mizo kutchhuak hmasa a riral zo ta vek a nih kha.
"Hawh u kan fin hma a thil thleng kha chu i kaitho tawh lo ang u", tih hi ka lo mang phan a. Chuti lo zawng, Mautam lai ni bawk nen. Hel kan hnaih leh palh hlauh dah ange (Mautam hmasa vanga helta leh kan CM in vauchher na kha i theihnghilh ka ring lo). Kan unaute chhuanchham a an awm kha. Ani lo zawng a a kal vaih chuan silai man a tlawm tawh si a. Chu ai a tlawm zawk leh hlauhawm zawk Zu chhe zuar leh dawmdawi ruih theih zuar ru ah te an in let dial palh ange. Enge i ngaih ve dan Ka U?

Tuikuk Ko-ko-Komando!

2008-03-05T20:49:00.004+05:30

He pa zet hi chu hrat khawkheng ve tak ani. Zoram khawthlang lam chhuak tih takah Tuikukpa ka ti mai a. A tawng mawh em em khawp a, a kamchhuak erawh a nuihzat thlak thei phian a. Tuanmuang ka hriat tawh ah chuan muang pawl tak ani bawk. Amah chuan Kawrte a in ti a, keiin thawveng ka belh sak thung! Vai ngam chiang ber pawl zing ami ah pawh pakhatna chung hret a ni bawk. Tuikukpa tih vang khan tawngthiam lo emaw i lo ti ngawt ange, Mizopa dik tak a ni a, amaherawhchu a luhlul vang zawk a ni!
An khuaah Routmawi a lawi a, thusawina hun an lo pe ve a. Tuikukpa pa hi inkhawm turin an sawm ve a,"Sawi tur anei ngut dawn emaw ni le!" a lo ti ani awm a. Pafa inchhun fuh tak anni in ka hria. Amah pawh an khuaah a haw ve a, duhsak takin an thenawm nula khan Sunday zingah a thawmhnaw a rawn nawhsak thlap a. Tichuan inkhawm turin an inzui chhuak ta a. Biakin kawngkhar an lut dawn a, thenawm nula in duhsak takin, "Vawiin Tantuah kan ruat che a" an tih mai a(h)! Nula kalpui ngaihsak lek loin bBiakin kawngkhar atangin mual lam panin a tlan haw chiam a ni awm e.
Ka rawn ziah chhan ber nita awm a chu he pa pui roh hian Indian Navy Marine Commando a tre in a trening chhuak. Chu mai bakah Best Physique lawmman a dawng hial, Brown Belt Karate ah a la dawng zui ani awm e. Khatiang khawp a tuan muang kha keini mipuite min venghim tur chuan a ti tha pawl an la ni ta leh nghal a. Ka ngai roh e!

The Maha Railway Budget and Laloo!

2008-02-28T20:55:00.003+05:30

Laloo a kan nuih maw! A budget han en khan e " Ebribhadhi ichh appreshiating ith". Ka lawm bawn. Chuan man a to lo, a la hlawk tak deuuh deuh a. I lo deuh ve ngawt ange... IIM a sawm hlawh ngat a nia. Mahni jail tan rual a nupui A AW B thiam lo CM thutthleng a thuttir thei hruaitu nih tlingah ka pawm tlat. Amaherawh zawng Vaibelchhe tel man ran chaw ei zo thei kha a ni ve tlat bawk sia. A hmel te hi ka lawm reuh tlat. A film an siam lah chu Padma Shree an belh sak bawk sia. Hema Malini a la ngaisang zui reuh leh nghal. Tunlai tawng takin a inno... mai bakah a cute chiang.
Hei Laloo a sawi takah chuan hmana forwarded email ka dawn, Bihar Driving Licence Application Form hi lo thlir ve mai mai teh...
BIHAR DRIBHING LICENSE...
================================================================
DRIBHING LICENSE APPLIKASON PHOROM
-----------------------------------------------------------------
NOTE: PLEAJ DO NOT SOOT THE PERSON AT THE APPILIKASON KOUNTER. HE WILL GIBHE YOU THE LICEN.
FOR PHURTHAR INSTRUCTIONS, SEE BOTTOM APPILIKASON.
1. LAST NAME:
(_) YADAV (_) SINHA (_) PANDEY (_) MISRA (_) DONT NO
(TICK KARET BOX)
2. PHIRST NAME:
(_) RAMPRASAD (_) LAKHAN (_) SIVPRASAD (_) JAMNAPRASAD (_) DONT NO
(TICK KARET BOX)
3. AGE:
(_) LESS THAN PHIPTY PHIBE (_) GREATER THAN PHIPTY PHIBE (_) DONT NO
(TICK KARET BOX)
4. SEX: ____ M _____ P(F) _____ NOT SUVAR _____NOT APPILICABLE
5. CHAPPAL SIZE: ____ LEPHT ____ RIGHT
6.OCCUPASON:
(_) POLITISON (_) DOODHWALA (_) PEHELWAAN (_) HOUJE WIFE (_) UN-EMPLOYED
(TICK KARET BOX)
7. NUMBER OF CHILDREN LIBING IN THE HOUJEHOLD: ___
8. NUMBER THAT ARE YOURS: ___
9. MATHER NAME: _______________________
10. PHATHER NAME: ____________________ (IF NOT NO,LEABHE BELANK)
11. EJJUKKASON: 1 2 3 4 (CIRCLE HIGHEST GERADE COMPELETED)
12. DENTAL REKARD:
(_) ELLOW (_) BEROWNISS-ELLOW (_) BEROWN (_) BELACK (_) OTHER -__________ GIBHE EGJHAKT COLOR
(CHECK KARET BOX)
13.YOUR THUMB IMPARESSON :
PLEAJ TREN OBHER

(IF YOU ARE COPYING FROM ANOTHER APPILIKASON PHAROM, PLEAJ DO NOT COPY THUMB IMPERESON ALSO. PLEASE PROBHIDE YOUR OWN THUMB IMPERESON.)
PELEAJ DO NOT UJE PHINGERS OF YOUR LEGS
UJE THUMB OF YOUR LEPHT HAND ONLY. IF YOU DONT HAVE LEPHT HAND, UJE YOUR THUMB OF RIGHT HAND.
NOTE : IF YOU DONT HAVE BOTH HANDS, YOU CANNOT DRIBHE.
WE ARE BHERY ISTRICT ABOUT THIS ================================================================================
Funny...?

Thuk leh Zau

2008-02-27T20:18:00.002+05:30

Thuk leh zau tih hla kha in hre ve em u! Ih mawms... thuk leh zauah khan ni 40 leh zan 41 ka vak raw lai a. Blog pawh ka update thei lo a pawi ka ti chiang. Thlaler a ni 40 leh zan 40 thlemna tawh thu kha ka rilruah a lo lang a, kei erawh chu thlem phak lohna ah ka tawm bo daih si a. Islander a te khua Port Blair ah ka va inlar hlawl mai a. Khawvel kal hmang hi ka bo chiang khawp mai. Kan in hmu leh them them thin ang chu...

Kan Mizo Upa-te leh Sakhi!

2008-01-15T11:11:00.001+05:30

Kum a han thar a, Champhai khawpuiah pawh a lunlai, Dawrvengah chuan zanlaiah kangmei a chhuak ta hluah mai a.Zanlai khawvawtah chirhdiak nen kan in vawm berh phung a. Kei pawh in ti tlawmngai fe hian Bucket khat hian balu chiar khaiin ka va pan hnai a. Theh nat ka tum lutuk na lamah a bucket chawpin ka va rawh ta a. Ka zah hmain ka bibo thei ta hram a. A chhak lamah Apex Bank, a thlang lamah Rural Bank. An in si chho thap mai bawk si a. A kang lai chu chhan hman lo in, a thenawm te erawh chu kan chhan him ta a. Zing khhua a lo var a, Mizo nih min ti nuamtu, tlawmngaihna chuan khawtlang mipui min ko khawmin an in su kan sa zo ve leh ta mai a. (Hmanlaiah chuan in ti kang chuan 'leichhia'an chawi zet a, in an sa ta thin ni awm a ni). CM bialah lengnghal, District Capital zawng zawng zingah Fire dept. awm lohna awm chhun kan ni lehnghal kha chu a zia lo ka ti ve khawp mai.
Heng zawng zawng ka rawn sawina chhan chu maw, hmanlai chuan kan Upate khan Sakhi khawchhunga a luh hi an lo duh lo khawp mai hi a lo nia. Thah a nih leh kang mei a chhuak duh an ti a. Thah a nih loh a ram hnuaia alet leh chuan Sarthi an awm duh an ti bawk si a. Chuvang chuan sakhi hi khawchhung a luh loh hrim hrim nan aven ngai ramsa a lo ni awm a. Ti chuan in kang hma ni lawk hian Champhai khawchhungah sakhi raipuar a lut a, an um luai luai a lei khuarah a tla hlum ta nge, an that ta emaw ni, a sa chang zawngte chu an court ta liam liam hlawm a. Kan Mizo Upa-te duh loh thil hian chhan tam tak anei niin, a thleng dik fo niawmin a lang ta berin ka hre ta a. Nang ni enge in ngiahve dan?

MZ-01 C- 988? Joshua Travels

2008-01-15T10:56:00.000+05:30

Kumthar chibai vek u le. Kum a lo thara awmna ngaite bawk pan alo ngai leh ta a. Ni 14 Zing dar 6 atangin Chaltlang dawr kawnah ka Ute nupa nen Guwahati kal tur Sumo kan lo chang a. Vawt ti a kan khurh hrep tawh hnuah ka chuanna sumo tur chu a lo thleng ta a. A chuang dang te kan han en a. An chhass lo hlawm hi kan ti khawp a. Tichuan kan chuang thla ho ta raih raih a. Ka bula thu chu tunlai Zoram buaipui Berampute Convention lam Pi Remsiem hnuaia Nainital lama thawk hi a lo ni a. Kan vei zawng te kan han sawi thla malh malh a. Hnung lama Nu ho an rawn tang tha duh ta khawp mai a. Mizo mipa te puanven sawi chhin a hun an tih tawh zia thu te kan ngai thla a. Ka lawm deuh pakhat chu Mipa te hi hmeichhe lu kan nih zia te, tan lak kan ngaih nasat zia te, an tawnhriat atanga vairam lam a Mizo mipate chet chhiat theih zia te. Keini mipa lamin a hmeichhia te kan lo bur bun vek dik bik loh zia te min hiat chhuah tir a.
Zoram politics-ah kan lut cho a. Kan CM mi tihlawm thiam zia te kan ngaithla ta a. A hnungbera thu nu upa lam tawh tak chuan, Dawrpui khawtlangin an thil dil chanchin min hrilh ta a. An han luh rual a, a lo lawm zia te, a lo hriatlawk vang a thingpui a lo lum lawk tir zia te mai bakah"An dream chu a lo dream ve mek a nih zia...." te chu chunglama kut phar meuh a a lo chhan taka chuan lungawi tak a an in thlah tak zia thu te. Tun thleng a an thil dil la hlawh tlin chuan loh thu te chu kan nuih pui ho dar dar a. Tichuan Zoram kalsiam tha tur a Party din rawt chhoin zinkawng hlimawm tak chu zanlai dar 1-ah kan ti tawp ta a.

I Lungngaihna chu Puan ang hlip rawh!

2007-12-21T13:06:00.000+05:30

Krismas a hnai tawh si, kan khaw lam sumo haw tur a full vek tawh bawk si. A va han buaithlak ngai e aw! Sumo counter kan tlawh zut mai a lawm maw le. Chutih lai tak chuan Zoramchhani(Icon 06) khan A Fakna ri chu ngai ru tih kha a rawn sa ta leh nghal a. Aw khang ni te kha ngaih a va na duh em!
Masi leh kumthar ruai kan zawm thin lai te kha. Kumtluana sa rawp a rawp thin khan in kar khat teh meuh sa eina hun kan han nei mai thin kha. Thiante nen changel hnah ah chawtani pai nen a thau lai kan in hnawn kual lai te kha. Masi ni a lo thleng a, kan masi thawmhnaw kan han inbel a, nalh hi kan inti em em a, kan aia nalh kha an awm leh thei chuang lo. Awwww... tiin len rual hlui te ka chhui kir a, kan tet lai a kna thianza ho chu kan la kim thap a, nupui nei pawh kan la awm lo. Thianpa Lalthlamuana tih loh chu. A vanglaiin pioneer ho 'Speed thrills, but kills' tih kha a lo vawng lo a,Sairang chhak Buichali lei ah Bike-in a thlawk liam ta kha a nia. Khami ni khan Dubai-ah ka awm a, hrehawm ka ti em em a. Kan hrisimas hman hnuhnun ber min hriat chhuah tir a. A bialnu in a ban a, a kalpuitupa ber kan thianpa sawi dan takah,'Pal nghengin mittui nen a ngaihdam dil' ni awm tak khawp a, pa rilru tha kha a nia. Hetia motor ka hmuh tak bawk si loh ah chuan Chunglam mawhpuh mai te pawh a awl dawn khawp mai. Kimlaini a ngaihawm tak meuh meuh a, chuvangin tun tum chu MAMUANA Nghilhloh nan! Mamuan, Kan hre reng che nia.

MERRY X-MAS

2007-12-17T14:43:00.000+05:30

Krismas a va han hnai leh ta em? Aizawl bazaar pawh a lun leh ta hle mai. Kei erawh ka lun lo hle thung a. Aizawlah sumo hawna tur chang loin ka tei vel anih hi! Kaartunlawma a lo haw mek a, Rairahtea pawh a lo haw dawn. Islander vawiinah a lo tleng dawn bawk. a nuam ka ti tho mai. Zoram current that loh vang a kan update hlei thei lo pah ngaihdam dilna pawh ni nghal se. ka blog lo chhiar ve thin tute Hrisimas vek u le.

ZORAM ngaih a na!

2007-12-13T18:00:00.000+05:30

Kan ti thin ani lawmni kha. Kan han thleng a ZORAM ai chuan Biangnoi kan ngai leh ta zawk chu a ni sia han ti i la chuan Kaartunlawma leh Rairahtea an lo phur awm? Thil dang a lai chuan tunlai ka thil vei deuh deuh te...
1. Pu Chanchinmawia thihdan in mitin rilru a ti na. Puan dum nen kawng an zawh thul. Kan sawrkar hian pawmzam tlak chhanna mipuite min pe thei lo chu ania. Mahnia inthat pawh nise puitu a nei ngei ngei ang an ti!
2. Inthlan hmasa a Champhai chhehvel a an silai keng man ho lah chuan Sawrkar an puhmawh a, sum an lo pe tlem mah mah aniang e.
3. Sawitur tam mah se ka rawn tum ber chu mipuite hian kan van theihnghilh hma thei ve. Ka rawn ti ve mai mai ani e.
ZORAM ngaih kan ti na ve thin si a, heti khawpa haihawt ho hian min lo vahan theihnghilh hma thei awm em em te ka ti vel mai mai a. Ka rawn update theih lohna pawh CM bialah tunlai chu current chhunah kan nei hlei thei lo a. CIC kawtah Fountain mawi tak an la hung bawk a. Engtikah tak phuh chhuah tir ang maw? CHANEM, an new market-ah lah chuan ...... a ka sawi tawh lo mai ang.. Aiawl atang hian update zel mai ang. C ya soon

Honey, I'm HOME!

2007-11-26T11:53:00.000+05:30

Haw kawng thui thu kan sawi lah chuan Thianpa Kaaartuunlawma leh Rairahtea'n dawt sawi leh zep ru nei angah min ngai tlat bawk si a. Guwahatia ka cham chhan kha engmah anilo a, ka la him e. Min lo ngaihtuah lutuk suh u. Aizawlah nihnih ka cham a, chuan Zokhawpui lam ka pan leh ta a. Tluangtakin ka thleng ta e. CIC chiah hman tur a la awm a. Chuvangin ka update hman lawk lo a. Tun a tang chuan kan regu ve leh tawh em ang chu! Biangnovi hnen a Honey, I'm HOME han tih hmasak phawt loh hi chuan kut hian hna thawh zai a rel thei loa tin ni. Report 4rom HOME in kan chhunzawm tawh ang!

Haw kawng thui lutuk hi...

2007-11-17T13:27:00.000+05:30

Zoram lam pan a han pen chhuah meuh chuan ke khai a zang vak mai a lawm le. Kolkata thleng zak mai reservation nei lo a mi seat kara han thut hnu a Kolkat a tang a Mizo CG(Chhatisgarh) ral ram a kal te han haw pui chu nuam dang dai ve tak a ni. Ral ram a tanga rawn haw anni bawk a, a ngaihnawm khawp mai an thawnthu min hrilh te. Hmanni a Naxalites ho in an lo Ambush thu te, pen sawmthum vel lek a tang a kah thelh annih dan te leh an bomb lo kam a puah tak loh thu te, chu zawng ai pawh a hei leh chen patrola an kal ve tawh hnu pawh a ral kut a thi an la awm loh thu te. Pathian venna a nih zia te leh minung Pathian a lo nih ngei zia te an ka atang a han ngaihthlak chuan man hla tak ani. An lunglen ve tawh zia te leh an ngaihdan an han sawi khawm nak nak pah a Kolkata a Mizo in an lo biak duh loh thute min lo hrilh chu ka tha a lo natpui khawp mai. An mahni ah ka han inchan chhin a, hun rei tak ral ramah an thang hnuin an chhuah dawn a thlahtu pasaltha chhuah a sezawl chhuah tu te khan an lo hre duh lo anih kha.
Ka lo ngaihtuah ve mai mai a, Mizoram sawrkhar hian engtin tak lo ngai ve ang maw? an lo hre reng duh angem le? Kan Pasaltha te an lunghnur zui zel ang em te ka ti ve mai mai a. Guwahati ka han thlenga a lo vawt vur tawh mai a, in lam thlen thuai thuai a chakawm tawh khawp mai. Kan la in hmu leh thuai ang.

Hawn zai ka rel teh ang!

2007-11-12T13:41:00.000+05:30

Kan ti nek nek a, um khat kan lo zo dawn der mai. Haw pawh a hun ve ta. Kei chu zanin hian Zoram panin ka haw dawn. U ama i han lawm teh ang. Helam pawh an ngaihawm viau na a, Rairahtea leh Kaartuunlawma ka haw san tur hi ka huphurh ber a. Mah se min ngai ve vakin ka ring lo. Zoram lam atangin kan la in hmu zel ang chu maw? Kan khua ah chuan a muang pawh kan ti lo, a tlang thei thin lo a. Mah se Pathian zarah .. masi thuchah te tal chu kan la ziak zel ang chu. he he.
Leh lawk.. niminah Rairahtea nen a mobile kan siam tir tur kan in phur a, ih mawmss traffic police in min man a. Police station-ah thlan tla hluamin kan pahnihin darkar 1 leh a chanve lai kan va thut ve kha. Registration Card leh Insurance ken loh vang kha nia. An sual ngei mai. Card va lak leh an phal bawk si lo. Bike min hnutchhiah tir a, tang motor kkher kher a min phur kha chu Rairahtea'n, "tumahin min hmu lo se" a ti. Min chhuah zo chiah a hmanhmawh tawkin signal kan han crossed leh zak mai a, min man leh a. ha ha ha.. Arukte khan duh lo teh mah i la sawmnga chu kan han rawlruk ve tak ngawt kha. Min chhuah ta hram. Sawi tawh lo mai ang. Zoram lam atangin kan la rawn pawt zawt zawt zel ang!

Let there be lights!

2007-11-08T21:12:00.000+05:30

Happy Diwali.... tih mawlh mai hi! Kum tin mai hian tuifinriatah ka hmang ziah a kumin chu hei Diwali Mela ka rawn hmang ve teh tlat dawn a nih hi. A lawmawm e, kan vai unauten aheti taka an nghah hlelh an Krismas ve hi enge ni i hre chiang em? Kei ka hriat ve dan leh ka ngaihdan ka rawn sawi mai mai teh ang!

Diwali hi Festival of Lights an ti teh chawk a, mah se a nihna tak ah chuan Hindu mythology a Rama'n a Sita i um a, Lanka ram a Ravan a, Puithiam thiam sang tak, ramhuai sual in a a beihbuai bei a kum 14 zet hnu a Ayodhia(kan buai pu em em a khi) a lo kir lehna lawmna a nia. Mipuite chuan Ayodhyia-ah mei eng chhi in an lo lawm a. A nihna takah chuan Sual hnehna lawmna ani e.

Monday TOI ah khan hnam tin te hian he festival hi kan lawm vek a a maherawhchu kan lawm dan a inang lo mai ani a ti a. Kristian-te pawh hian krismas hi kan Diwali ni ve awm tak khan a rawn sawi a. Anih duh hmel ka ti deuh a. Kan eng ve chuah chuah thin hi Krismas-ah te chuan. Vai tih dan ani e ti thin mah i la, kei chu krismas a naupang halpuah leh halzit engmawi kha ani ka ngaih ni! VDP te huatthu ni lo se. Tin, central sawrkhar han thawkte tan lah Bonus hmuh thla a ni bawk si, chu bakah Diwali discount tal chu kan chan thuap thin hi! Engpawh ni se, sual hnehna ni/lawmna ni a nih vangin han lawm ve leh phawt mai i la. He Diwali hi mahni theuh a sual hnehna ni ah i chan tir ang u. Rama sual hnehna ni nilovin Krista zar a sual kan hneh thar lehna ni lo ni rawh se. Happy Diwali vek u le!

Tunlai Zoram HRI veite!

2007-10-23T18:36:00.000+05:30

November kan lo kai leh ta reng mai a. Baar thla lei lam buai a zo a, tuifinriat lamah kan buai leh tan ngawt a. A zia lo thei e mai. Blog pawh kan update hman mang dawn hlei nem. Ka mobile chhia, a ruk a min lawmpui em emtu Ka thianpa Rairahtea mobile a chhe ve a. A letling zawng ten a screen a insawnsan vel a. he he.. Thianpa Kaartuunlawma pawh hnalamah a lo kaisang ve a, a thenawmpa pawh min lo hrilh duh miah lo mai hi a lo nia. Nizan chu Thianpa Rairahtea in lamah Vawksa rep kan va ei ho kha. Sawi tawh lo ang, topic-ah lut tawh ang. Tunlai a ZORAM chanchin hriat a piang a, mitin kam thuahna te i lo thlir ho teh ang (Sawi tur i neih ve ka ring tlat, comment-ah oooo!) ...

1. IDOL : Nikum lam atangin kan uar ve tan a. American Idol nge Indian Idol kan lak pawh ka hre lo. Icon a tangin Idol ah kan lut chho a. Mitin mai hian Idol sawi rik a nih hi chuan sawi tur hi kan nei ve vek hlawm tawh a. Kan sawisel loh leh kan sawimawi a. A eng lam lamah emaw chuan kan tang deuh vek niin ka hria.
A entir : Tlai dar 4-6( Chaw ei hun vel) zawh a tang a kan hun hman dan hi-Kasauti, Icon/Idol, Fakselna, LPS zawhah sms leh .. awi ha.. Hetih chhung zawng hian Biakinah te khan light kha on ve tho kha a ngai si a, 100 lenna ah khan 2 chauh an thut chuan a dang 98 tan a bulb ( nge CFL kan ti tawh!) 98 chhit a ngaih bakah anni 2 tan khan bulb 90 dang vel a eng mai lo maw. Save Energy! ha ha ha...

2. SAWRKHAR: Pu Hawla aiin Pu Zorama'n a ei hnem/ hnem lo tih te hi kan in hnial na a ni leh tan tawh a. Nakum elekshawn-ah tu tak chak ang maw? Japan mau lam nge Pathian nung tan chhan tlat tute. Politics kan ning vek tawh a. Bul a mi in tlem a rawn sawi zauh chuan, mah ni theuh a ram hmangaihtu nihna kan kai tho a. Kan in hnial chiam a. Mah se ke pen puia an insawm chuan nang kal hmasa la tih inmelhin kan inmelh leh them hlawm si a.
A entir : Politics hi chuan tu in chhung mah dai lo se, mitin dithlifarfem ah rawn kual thin se. In thlan zawh a lainate sawrkar hna hmuhna a nih leh contract chhe te hmuhna a nih chuan kan phal si tihna.

3. LEHKHAZIR : A zir lam hi kan han uar tawh em em khawp a. Vai ram ah kan in hnawh khawm thup mai a nih hi. Hawn a hun leh hnai tawh si a, in kan han thleng leh theuh ang a. Kan thalai rualpuite kan vei leh em em ang a. Anni lah khan min lo EI bik chiah lo ang a. Vai ram leh sapramah te chuan Agri.- a doctorate la te hian hlo an thlo tih theory tein kan in fuih ve a. Mahni khan kan zawmpui peih bik der si lo a. Mitan thil tha kan hawn chho leh teuh a nga, mahni chu a ngaite bawk khan thla khat chhung na na na kha chu Biakin regu takin kan pan leh ang a. Duh leh Zirlai pawl ah kan intithu anga, duh leh Student's Union(?) lamah he hehe! Haw thla leh ang a, Pub leh Bar tlawh kha sual a ni leh tawh dawn miah lo a nia. Zoram ah chauh ni sual kan tih ni.
A entir : "A der a nun leh hotu nih kan chak hlawm lutuk a, advice mi dawn sen loh kan vawm chhuak a, min a zirsang na a, a huih deuh te min ti leh mai mai" te lungawi lo taka mahni a phunna ti tam tu a ni e.

4. HRISIMASI LEH KHAP : Hrismas a hnai leh tawh si a, khap tur kha YMA leh VDP te khan an duang leh tan tawh ang a. A chhan chu SAWRKHAR khan DAN kha a kengkawh zo loni lo in a kengseng tawh lo a. Nula leh tlangval kei ka ni ti ve tan chuan "ka la in puah chah lo" tih a chi tawh lo a. Ti ngam pawh ni se, " Tumah ka hman pui lo ang" tih tal mitin rilru ah a intan tawh. Grape tui a tang khan Saptheitui kha a that zawkzia a lar leh tawh ang a. KTP tlai var dawn si a zanin chu UM10 tal min lo dah sak hi kan ti KTP hlur tawh in a nia ka rinni. Naupang lah Diwali 2-na an in puahchah leh tawh ang a, Vai sitail tiin u ten an hnawl sak leh ang a.
A entir : Hrisimasi hi engkim tih a min tih intithiam chawp tu KUT a ni e.

Ka sawi peih tawh bik lo, ka zawm peih bik si lo a. Amaherawhchu, ka zawm tur leh mi zawm tur a ziak ka ni law... ka tih tur hre lo in ka riru kaptu leh mitin rilru kaptu anih ka ring a ka rawn post ve mai mai a nia. Ngaihloh lamah ngaih chi a ni leu!!! Kaartuunlawma'n min chhan dawn tho... a leh aleh aleh...

Au Revoir-MWG 07

2007-10-23T18:09:00.000+05:30

Kan ti nek nek a, kan buai pawh kan pel ve leh ta reng mai. Kan Military Games vangin Bollywood Film City pawh kan va hmuh ve phah ve kha! Ngaihsan loh der han tum ve thin mah i la, hmuh ve chu ka lo chak tho hi alo nia. Sailing ah Indian Sailors kan champs tlat. Mah se sailing hi kei chuan ka thiam mauh lo!Engmah pawh ka en ve hman si lo a. Saturday khan event a awm lo a, Worli lamah ka leng daih a, ka riak zui a, atuk Triathlon Final pawh ka thleng peih ve leh ta lo a. Ka thianpa official ve ka va phone, " An zo tawh a, mah se tunge chak ka la hre lo", a tih hem mai chu! Kan inang tlang vek. Sunday tlai khan Stadium-ah Au Revoir an tia, Kal lo in inthlak pawh inthlak loin, Mizo inkhawmna lam ka pan leh ta hnu hnu a. Jeans nen a ka vawi khat inkhawmna a ni mai thei. Chuan tlaiah Thianpa nen rawng kan bawl, Arsa Makhani(?) vel nita in ka hria... a tui raps. Riak leh tep a, Formula 1 C'ship kan tupui leh dawn viau a, Hamilton a chak leh bawk si lo. Nimin chu ka mu nileng deuh thaw a.
Zanin hian Official Committe in Sailor's Institute-ah Au Revoir Party nei leh pek dawn a. Mah se hei kei chu ka kal ve lo ang. A sen chi leh a phuan chi a tam leh dawn e mai. Mah ten laikhum ka bel ta nge.... Nak tuk a tang chuan kan hna ngai kan chhunzawm ve leh theih hram ka beisei. C ya soooooooon

Diary from the Games Village!

2007-10-18T16:09:00.000+05:30

Karkhat dawn ka buai ve ta reng mai. Khawvel a Olympic dawttu hial a ngaih 4th World Military Games a Official Committe member han nih ve tlat chu! Ka phu lo na a, a nuam ka ti tho mai. Games lam chu ka en hman lo a,mah se kan hlim phian zel a nia. Ram 32 lai mai kan mikhual a. US, Italian ho leh Russian ho ve hi an practice tak pawh ka hre ve lo. City, Museum, heritage leh Tour awm a piang ah an tel ve thei ziah leh nghal a. India in sailing-ah chuan kan la lead ve e. Chinese nula unau lam an hmeltha bawn tawp! Zing ni chhuah hlim a nula mal no tak mai han hmuh nghal hi chuan ni leng mai hian kan khi ver ver reng tawh mai ani. he he...
Brazil Triathlon coach chuan an ram ah chuan football hi 'next to God' ani tawh lo a ti, Volley Ball a lar tawh zawk a ni awm e (A ma mimal ngaihdan pawh ani mai thei).

Vawiin ni ka lunglen cham pha!

2007-10-16T16:25:00.000+05:30

Vawiin chu ka lung a leng tlat mai. Chawhnu lam hei hna ka nei lem lo bawk a, ka blog hlui ka hai chhuak thar a. 11 Jan 2003 tih a lo la in ziak kalh mai han hmuh chuan, Mizo blogger's rei deuh ho te kan en a, a rei pawl chu ka lo ni ve reng mai a. Tunah chuan hei a Junior ber ka ni leh ta a. Ka han claim leh na a, a content te a relevant em em loh vang leh rawl thar kut chhuak te anih hlawm a vang in forever a tan ka shelved tha ta a. Kha tih lai kha, blooging awmzia kha ka in chhiar hre ve sawih sawih a, computer thiam loh nen ka ziak ve teuh mai a, tu tu ten a maw an lo chhiar ang tih ka hlau deuh a vangin ka rawn pholang kher lo ang a. Ti lo zawng a ruk te a d kan chhailai te min an lo hre ve palh ang tih ka hlau deuh a.
Engpawh ni se hei ka site counter hi ka en ngun tawh khawp a, Pu Sandman a te ho zarah tlawhtu kan ngah chak a ka lawm hle mai. A content tur hi ka buai deuh tan tawh a. Tlawhtu tam tak zingah tunge ka nih hria in awm tih pawh ka hria a, khawngaih takin ka identity reveal lo hram turin ka ngen a che u. Ti lo zawng kan reh phah vang vang a nge!

Mi ngo nazawng hian saptawng an thiam lo!

2007-10-15T21:17:00.000+05:30

Teh daih mai a, mingo ho vangin ka buai lutuk. Mumbai-ah World Military Games kan thleng ve a. Official Committee member-ah ka awm ve hlauh mai a. Mah se, vanduaithlak takin City Tour ka chang a, Games pawh ka en ve hman lo. Mumbai ah hian Triathlon leh Sailing chauh neih ani dawn a. Inrinni khan ram hrang hrang delegates ho a vawikhat na a tan tour kan neih pui a. Brazilian, Bulgarian, Turks, Spanish leh Swedish ho an inpawlh nawk a. An ngo vek vang khan saptawng an tiam vek dawn maw ka lo ti a(?) eh. Mah se Swedish ho chauh khan an lo thiam si a. Ka interpreter hruai lah khan French leh German chuah a lo thiam si a. Kan han inbengberek buai nileng thak mai a. A nuam buaithlak khawp mai.

Mah se vawiin chu US leh Canadian ho ka hruai a, ka saptawng thiam ang chhun chhun te pawh a hman ve theih nelnual a. Souvenir' min hnutchhiah hnem tawh khawp mai. A mumbai a hre hawt lo khan kan phuah chawp tak tak mai a. An han dil chhut theih khawp a. Mani Bhavan(Gandhi's Mini Museum) kan tlawh a. US Navy Captain Brad a pui khan, "Who killed Gandhi?" an ti phawt a, ka chhang zo chauh a,"Engvangin nge a thah?" an ti leh mai chu Palian tak chu ni lo se a beng ah ka pawt ngei ngei ang. Mah se a hlim awm viau zel e. Kar khat kan la in kai hruai dawn chu ani a. Kar leh lamah kan la in hmu dial dial ang chu!

Vai pathian leh kan Pathian (Special Edition for BMCF 22nd Anniversary)

2007-10-11T17:00:00.000+05:30

Vai han tih hian kan mitthla ah Abdul-a te Ali-a teho tawnzau tet kara nakruh chhiar theih ho hi a rawn inlar hmasa ber fo thin a.Vai pathian han tih phei chuan bekinar zirlai pawhin 'ban sawm nei' an lo ti var thei zel nia. Mihringah pawh kan chhiar meuh lo ami maw ni tih tur khawpin " Vawiin bus aksiden-ah chuan mihring thi an awm lo" tih pahin, "vai pakhat tih loh chu" te hi kan tia. Vai mah deuh tawh nak alai hian an pathian te phei chu kan han ngainep khawp a, zing kan thawh hma deuh tum chuan 'vai pathian' hi kan thawh khalh ngei ngei a. Khaw khat tlangval chenbeh ve tak, chawn puar ling leng, awm fek dul kiar, zu vanga mawng dep thlar mai, tisa biang lama insawn chho ta, hmalam atang a thliin a chhem pawh a hnunglam amite hmuh theih khawp a biang phu hlarh hlarh khawp tawh pawh hi khaw thenawm a mi te tan chuan ' vai pathian aia chak' anni daih zel a.
Kan Pathian chu maw... Pathian nung, mi hrem hmang, hotute thu a kawi a ngil a zawm loh phal lo, kawng engkim a Amah rawn hmasak ngai, lawmthu sawi phut tlat mai leh a chang chang a mal min sawmtu leh achang chang a zahngai thei Pathian a ni a. Hei hian kan rilruah Pathian tihna enge maw chenah a awm a. Pawl thil tih hona ah tawngtai na tello chuan tan ani ngai lo a, rukru tur inhawrkhawm pawh hi 'Amen' rual loh chuan an ti hlei thei tawh lo a. Ti khawp a hmun kip a A hming kan lam hi a leh lamah chuan Biakin ah chauh awm turah kan dah leh si a. Hmun tina tlar hnung chuh thin khan Biakin ah chuan tlar hnung ber luah chung a inkhawm kal kim chu kan harsat leh hle si a.Thurin lah hi a mihring milin min siam hran sak thluah mai lehnghal a. Vanram te hi kan pawl tan chauh a maw kan tia! blah blah blah...
Mizote kan khaw hawi a zau tial tial a, vai zingah kan inpharh kim ve ta a. Zirhriat leh tawnhriat a zau tial tial a, kan rinna erawh a dawrawm tial tial emaw tih mai turin vairam kumkhat returnee chu khawtlangin kan hmu dazaat tlat tawh mai thin a. "Vai pathian ngainep tak thin Pu Hualhnuna sipai pension pawh 'Hanuman-a' a rawn ni tawh e," te kan ti fiamthu a. Vai hoin 'Lalfakawmi' tih chu an lam thiam lo a tiin vairam awm manah 'Rita L' te kan awm fur tawh mial lo maw? Kan deuh thin vai ho a te kha an mahni kan ngaisang tan a, an pathian lemte vairam kal haw in 'souvenir'-ah kan ak hawng ru a. Nu berin inkhawm ai chuan Kasauti... a lawm a, Prerna i mangalsutra te nalh kan ti tan der tawh mai chu anih hi.
Kan ngaihnep thin a te hi ngaihnep chi anni lo a, ngaihsan vang a an tih dan copy chi ani bawk hek lo. Kan nih na humhim leh inhriatchian a hun tawh a. Keini leh kan Pathian inkar hi hriat chian a hun tawh tak zet ani. Chuti lo zawng sunday a thuam tha in thuam a Biakin kal kher ai chuan bul hnai mandir-ah puan veng i la dar i va khawng ri mai ang hmiang kan la ti thuai ang (a awlsam zawng hi zawh nuam kan ti si a). Zirsan vang leh hriatzau vang hian Kan Pathian leh vai pathian hi ang khat ah kan chhuah palh ang e.

Now is the time to reclaim yourself. Now is the time to see yourself again as Who You Really Are, and thus, render yourself visible again. For when you, and your true relationship with God, become visible, then We are indivisible.

And nothing will ever devide Us again

(Conversations With God-Neale Donald Walsch)

Mumbai-ah Mizoram House Pahnih kan nei?

2007-10-11T15:30:00.000+05:30

Mumbai a Mizo awm ten 'House' neih thuai thuai an chak zia te, a tawpa mi tlawmngai zualte thawhrimna rah seng a 'House' kan neih ve theih tak thu hi Mumbai ka thlen tirh chuan ka hre chamchi thin a. A thente ngaihdan a kan state sawrkhar satel tuan vang a flat pum lei hman ta lo ang a an sawi rik te tawmpui ka tum ve kher lo a. Heti tak a 'House' pakhat lei tur a tuan leh mang ata lo in mun pawh harsa tak kar anei ve thei kan nih lai a 'Mizoram House pahnihna chu khawiah nge?' ' a teuh lo mai' i lo ti maw?
Ka hril zel dawn , tu'n min lo sel lo u. He House 2-na pawh hi tun a Mizoram House kan sitet LO thuthmun tluk zet a nghah rei niin an sawi a. A hmun lah chu New York leh Tokyo khawpui dawttu Mumbai-ah pawh a to lai, zunin lei tur pawh a a nuaih fe sen ngaihna hmun ani a. A chhehvelah lah tourist spot lar leh arsi tam kai phak hotel nen. Sikhiuriti ni se a bul lawkah Maharastra sawrkhar police Pisa pui a awm bawk.He 'House' a ka len luh hmasak ber zan chuan maw... khualzin zakzum nih nen hmelhriatte neih loh bawk nen, min hruaitute pahnih kalsanin pawnah STD (ka fawren kal vawikhatna ah chuan STD booth ka zawng chiam a) ka lo hmang a. Chhunglam a thawm a that tak deuh hluai vangin ka petek lut thuai a. Min hruaitu pahnihte leh Mizo nula pahnih, vai dum chi rawn chhawm te nen chuan 'Hot Debate" an lo nei mek a. Inti hawih hawm fahran mai hian "Enge ni ta? Vai hoin min thlir a nia" tiin thubul hre lem lo hian ka va in rawlh a. Rin loh deuh mai hian "Saptawngin aw" tih leh " hnam dang lakah inphalrai min ti" tih kan hre zui mai chu ' Ka phu lo che u' tih mai kha ka nap a. Khuk chem chem a khuk ral daih mai hi ka duh a. Kan vawikhat intawnna a nih miau avangin menah ka thlak daih a. Mahse maw, ka thiam lo miah lo. Lehkha pawh kei ai chuan an zir sang daih. Saptawng thiam ka tih pawh kha saptawngah post graduate hi an lo ni reng a.
Hemi zan a tang hi chuan Mumbai ka tlawh a piangin ka lut ve ziah a. Patron member an pung tual tual a. Khawchhung mai ni lo, khaw-vel atangte pawhin an rawn tel ta nawk mai a. Ti chuan Mumbai-ah ka han pem lut ve a, HOUSE 1-na ai chuan HOUSE 2-na hi weekend hman nan chuan kan thlang ta fur emaw ni tih tur khawp a regu an pung tual tual hian ka hria a.Dawhkan inzawm a lar a. Source rinawm tak, tarmit bun ngat, khabe sep sual tha duh lo tak, tawng tam si lo, hmel en ngawt pawh a Board Room 2 Ball room ti pha ve ngat tih hriat reng ka a tang a thu ka dawn dan in, "In khelh zawh a INKHELH te, Inkhawm zawh a han INKHAWM te hi zirlaite leh zirtawh chiah lo te hobby thar a ni awm e".
House 1-na leh House 2-na hian in anna tam tak an nei a. I han khaikhin dawn teh ang! Ei rawng bawltu ah vai ve ve hman an ni a. House1-na zawk hi 'damna run', dam lo ten a an tlawh ber niin 2-na erawh hi chu tisa lam a dam 'rilru lam dam chiah lo te' tan a 'damna run' ve tho niin tlangval hnahkhat, nui mawi tak maiin a kut veilam a Gold Flake lek kawh a, dinglama mobile bek si a hmet bet chung a min hrilh a nia. In anna dang la tam mah se a tlip nan he house pahniha lut tawh te hi chuan tlawh nawn leh an chak zek zek tih khawvel lam hmuipui pu in ha hipin a sawi an ti.
Tlangval, rinawm taka len tlat tum (a rei zawng min hrilh chiah lo a) in LO (Lengang O...')
a tan tlangval (?) aw tial nalh fahran mai, hmel en mai pawh a 'Sir" luah mai, vaihlo chil nan a thatawp ke phah leh taksa nei hi ruat nise a ti. Tin, German rallian pawh hlau lo nula pakhat chuan thirfiante a ru chhuak hnem thei raps mai tih Port Blair lam atangin ka dawng bawk. Engpawhnise, a sulsutu ber ka hriat theih mai loh avangin rinawm tak a la tlawh thin tute ah credits chu kal mai se. He 'thairan' hian beh chhan em em a nei lo a. A nei ni a ngai, lo inhmehbel kan lo awm anih pawhin LAWMMAN siam ani lo tih kha lo hre tlang i la. Let's go go go.... Gokul!

Aajkal Bad Luck Kharaab hain yaar..!

2007-10-09T18:46:00.000+05:30

Vai ho in an tih hian ka lo deuh viau thin a. Mahse keipawh tunlai chu ka bad luck a kharaab tlat mai! Ih... hmanni a ka mobile hlui lei thar ka rawn chhuan ve em em kha, Thianpa Kaartuuunlawma'n min thik lutuk a, tuiah ka thlauh a a chhe daih. Tih tak tak emah chuan tlaiah ka on leh a atha reng a, Thianpa Hmaa'n on reng rawh a tia, zan ka mut san a, zingah chuan a lo chhe hneh tawh khawp mai. Ka thiam lo tihna pawh ani bik lo, thutha min rawn ve ani mai a. Ih retheih vanga Taxi risk khan neih thinglung khawng a ka lei ve a nia. Ka tha chu a na thei lo lo reng reng. Ih blog han update pawh ka phur lutuk lo. Pu Zocopa widget ka lak ve lah chu a hman theih mang si lo a, han rawn leh dawn i la a eng tawng tawng amaw kha a lo sawi leh ang a, Mizo tawng pawh kan pai lo chauh tawh anih hi! Engtawng mah kan thiam ve lo.
Vawiin chu ih thil tha deuh ka update ang chu ka tia, mah se ka mood a off lutuk. Ka mobile chhia siamtha turin Nokia Care ah a hla a hla in Bike in ka va tlan ve a. Siam ngaihna a awm tawh lo an lo ti mai chu! Chu show roomah chuan ruanga chhuak ta em ni tih khawp hial a tah vak mai kha kha ka duh a. Ka insum zo lo teuh khawp mai. Thianpa Kartuunlawma pawh ka hrilh ngam dawn hlei nem!An nula hmeltha kawl, engmah hre ve lem lo kha, chhuah pahin kan vin ve vak ringawt a.
Mahni thil siam pawh han repair theih loh chu(h) tiin inngaihtuah muk takin ka in khalh haw leh ta a. Hmanhmawh chiah pawh ni lem loin ka zig zag vela, Mumbai traffic jammed ah ka tang zui. A zim thei lai bera Taxi overtake ka tum, motor dang rawn inrawlh leh si, ka ding chiah mai ah khan, Taxi chhung a mi khan en mang hlei lo khan kawngkhar a rawn hawng dawt mai a, ka thal chiang ngei mai. Palian nih loh nen, bike lian nen, kan indelh bet reng lo chauh alawm maw le! Ih.. Kaartuunlawma'n a hre palh ang ti tawp mai ang. :-(

Small alteration on my template!

2007-10-05T22:19:00.000+05:30

Dear readers, though I wish that I can retain my blog template to its original. Sometimes change is good so I've made a slight change on the side bar. I'd removed Shout Box and I've put up Recent Comment and 10 Recent Posts instead. I hope you'll appreciated the new avatar. FYKInfo, this widget is from http://kanlab.blogspot.com/2007/09/adding-recent-comments-widget.html .

I SAWI THEIH PAKHAT MAH A AWM LO.

2007-10-03T21:54:00.000+05:30

A dik reng! Sawi theih pakhatmah ka neih loh avangin ka han ziak daih mai teh ang. He thu kam hnih khat lek, tawi fel tak mai hian aia upate a ti bei dawng fo thin a(aia naute bulah chuan kan hmang lo tlangpui a). Thawngthei leh tawngkam thiam tak ten a duh ai a thui an chiau pawh a huat thu a la lo hian; tawngkam thiam vak lo pawhin bahlah nuaih a," I..sawi theih... pakhkat..mah a..awm..lo" an tih bah nuaih hi chuan pa thinnel tak pawh hian an hmui an pet an pet tawh mai ani. Hei vang hi nitur ani kan inhumhimna kulhbing sang a' Ka nun hi ka ta ani' tih leh ' Papa Don't preach' tih te Solomon athufing ang mai a kan utawk tur vawn fur ni!
Tlangval pakhat chuan a haktawk chiah ai atlem alian, kekawrte- a kotlang a Jockey tih lang ha in, zing office kal hun lai a Chanmari kawn a traffic police ding tluk zet a khawngin; chhim leh hmar, chhak leh thlangah nge 'chunglam tanpuina ka nghak ang' ti niawm fahran a rilru buai ang mai in a sam a rawn ti phir a. Pakhat dang leh chuan khawchhak chhuak theuh theuh ti niawm tak mai in a rawn inchei 'Arirang' a. A pathumna chuan 'Anni ai chuan ka lak tlak e' ti niawm takin simaat tak leh tho tawlh panal niawm amawi a mawm leh pialin a rawn inkhuih a. Kal pah chuan an in mitsir rilh relh hlawm a. Mah se, nang leh kei hian anni pathum chung thu ah khian 'SAWI THEIH PAKHAT MAH KAN NEI LO'.
Nula pakhat ve thung chu ahmel en reng reng pawh hian 'Khuanu pawhin hei aia tha chuan chei leh ngaihna a hre tawh lo ang' tih hial a mawi leh nalh sa ni chung hian, a hming chauhin- hmalam bawm hnih khuh hlau si, khuh loh hlau siin kawrhma kak thui ( nge zau kan ti dawn) a rawn inbel a. Pakhat daang leh chuan jeans pawl chunga kekawrte sendang lantir hram tum a fual leh ' hei chu a phelh turin midang rawih a ngai ang a' tih hial amawi a tawtin a mawng fual tha hnelh hnawlh chu a rawn hnuhchhuah pui a. A thiannu chuan a laite, a hnarte leh a leite chu bengbeh a rawn beh tir bawk a. An kawmchhak a naupang Sunday Sikul zirtirtu nula fel tak chuan sam, dar vaw hnap a sei chu rawn thlahin puan a rawn bih chhuak a. Mah se, anni thenawm khawvengah hian nang leh kei hian 'SAWI THEIH PAKHATMAH KAN NEI LO'.
A mak e! ti teh ang. Kum za kristianna kan lawm hnu thangkhat zet lian hnu ah pawh Thianghlimi'n zu a zuar ru a, Piangthara'n a bat ral sak a. Zonunmawii Dumka val nen an tlan dun a. Vanlalfelfamkima eiruk nasat zia tapchhak zawlah kan khel kan khel a. Nilai zan ahan thleng a, a eiru hnem hnem khan Nilai zan thupui an hawng hnem leh sia. 'Thenawmte do aiin khawsarih do a thlanawm zawk' ti a min thlah chhawng tu te hian 'i in en mai mai ang u' an tihna a nih ka ring chiah lo a. Chawngbawla te, Taitesena te leh Khuangchera te kha an sa kah tam lam ai chuan mi tan a an inpek zia kha a nih kha thawnthuah kan zir thin ni! Khawsarih pawh do lo i la, thenawmte pawh do lo i la, hawh u i in en chiang ang u! Mizo nih hi Kristian nih na ania. Kristian nih hi Mizo nihna a ni lo. Kan pipu nun kha kan kristianna nen hian a inmil em em tawpin kei chuan ka hria. Kan pian leh murna ah chiang i la bula mite nen hian kan in melh relh relh lo tawp ang.
Tichuan 'SAWI THEIH PAKHATMAH NEI LO' ti tawh lo in 'SAWI TUR PAKHATMAH NEI LO' tiin kan la in chhang dawn nia.

Goa leh Pu Gandhi a piancham lawm!

2007-10-02T21:29:00.000+05:30

Go.. Go.. Goa tih leh Pu Gandhi a piancham lawm dun chu a... kan hah lutuk deuh ani. Thianpa 1 in Port Wine min chah, a thenin Bibinca min lo chah! Zu vek a maw ka ti tawh mai a. Zu dawrah Bibinca( It's a Goan Cake) ka zawt hep mai a(h)! Dry day a lo ni vei nen.. Thianpa Rote a zarah a bike leithar in zan ah Panjim(Panaji) lamah Vasco tangin kan tlan phei. A boruak te kha a 'baar' thla tawh reuh lutuk a lung a leng tep ani. Panjim zu dawr a hriat zawng zawng ah kan tlan kual a tumahin min lo pe duh lo. A tawpa putar 1 in a rukte in Port Wine chu min lo sih chhuah a. Ka vawikhat hmuhna dawt sawi miah loin! Hmanah Italy tangin nula 1 in in chah ve a, enge a nih ka hre lo a, phone a a sipel hanin zawh kha ani chiah si lo a. Tun thlengin kan in be tha ta mang reng reng lo nia.
Pu Gandhi a ka ngaihsan zia chu ka blog site bar en hian a hriat mai in ka ring a. Sawi thui zui lo mai i la. Goa hi vawi sawm chuang ka kal ve tawh a, Baina beach bak hi ka la hmu lo a, a thu chuan Kalangud Beach lamte pawh ka thleng ve fo a, hman a ka experience ka silh ang che u. Ka vawi 1 kalna ah beach hnai kan zawt ve a Vasco-da-Gama atangin Baina min lo kawh hmuh a, khata tang kha chuan vawi khatmah beach hi ka tlawh leh tawh lo. Tun tum pawh ka tlawh lo leh ang! Engpawhnise, ka thil tih hian Pu Gandhi a ti thinrim em lo ang chu maw? World Non-Violence Day anih kha. Tharum thawh ai chuan mite mamawh hi phuhruk hmasak zel tur!!! Thianpa Kartuunlawma'n engmah min chah ve miah lo!

Mumbai Taxi kan risk a!

2007-09-27T20:21:00.000+05:30

Nizan chu thianpa Kartuun-lawma nen, 'khawnge i hawi harh teh ang' tiin Worli lamah thianpa Rinawmtakalentlattuma a hnen kan leng phei a. Tluang tak chuan kan thleng phei ve mai a. Kan ti ti ho nak nak a, chaw ei turin kan chhuak ta a, Ganesh a an lo paih zan a ni si a, dawr tin mai hi an lo in khar thuap a. Atawpah chuan Chinese Chicken Specialist Restaurant ah kan lut ta a. An vai pathian paih ni a nih vang ni ngei tur kha a ni, kan han luck lo em em khawp a(Ka luck thin e ka tihna chu ani lo a). Vawi thum ngawt mai chu order ka dawng a, waiter amaw min lo ti khang kang hlawm a. Ka thin arim tawh lutuk. Engmah dang kha an lo nei si lo a. Tv MBA a duh awm chhun( adang a awm miau si lo a) Rice Fried Rice(?) kan ei ta hlawm a. Kan let chho leh kha dar tlem te chauh a lo ni tep tawh si a. Hawn zai kan rel ta a.
Rel in Church Gate thleng kan phei a. En mang hlei lo in Taxi kan han haiar mai a. Kan tum ram kan han thleng chu pawisa reng reng hi ka lo ak ta lo a. Thianpa lah chuan a lo paipawn mai bik si lo. Zan dar khat velah kan han hawi mangang tak tak mai a. Kan han in dap ngial thin, ka nei si lo. Taxi khalhtupa chu kan leh hawi tir lawk a, ATM lam panin kan kir leh ta a. Vanduai a siam in ka sum neih ve chhun la awm tur a ka ngai kha a lo awm leh ta pek lo a. Kan hawi a dun reng tawh mai a. Mut chu chhuak tawh lo tak ani. Hmanni a ka rawn post ka mobile thar lei ve kha.... ka chhuak hman lo in vaipa ATM ka ken tir a, tlem a zawng ka lo ba ange ka ti kha, a lo la kuit hi lo niin. Ala bang la awm ve chhun lah chu midang ka lo puktir leh si. Khang zawng zawng kan han chhut sual mai kha chu zan hi areh lo chiang khawp mai.Ka sawi thui lo mai ang e. A tawpah chuan kan han in dap nawn leh a, thianpa Kartuunlawma'n a thir tlem a rawn phawrh kan han chhiar a a la daih lo. Ka han in dap nawn leh a, ka wallet kar a tang chuan a thir dang a rawn tla leh ta. Tichuan DULI a daih loin kan insawi rem thei ta a. Vaipa pawh a lo then ha mai a lawm!

Mobile thar ka nei ve a!

2007-09-25T17:27:00.000+05:30

Mobile thar han ti teh vak i la, mi ta hlui tho chu a nia. Sekhenhan kan ti em ni kha(h) Mizo tawngin. He he!!! Thianpa Kartuun lawma'n intithei min ti lutuk a, ka rawn intithei leh zual ani e.
Ih mawm ka mobile tharah chuan thla te a lak theih a, video camera pawh a awm. Hla te pawh a zaitir theih a. An zai thiam ve lutuk. Khawih rak nuam ka ti hle a. Ih.... a te in a pan em em bawk a.Hman a kan radio, three band, battery seh sawih leh rubber a tawnkhawm, Pachuau lu tiat zet a lian ai khan a tha deih zawk a sin.Thil lah chu a leng hnem em em khawp a, vai in lem film pawh a vaiin in a leng. Calendar pah a awm a, Mizoram Calender, burma thingzai sawm zawmkhawm tiat zet ai khan a rawng pawh a mawi a , a rawng pawh ala thlak theih zui lehnghal.Sawi tawh lo mai ang a thui dawn e mai. a leh pekah chuan thianpa Kartuun lawm a hmel pawh in lo hmu thei tawh ang chu!

T20 ah Cricket a lawm maw an lo khleh le!

2007-09-25T17:10:00.000+05:30

Twenty twenty (T20) han tih chuan lehkha den hming te pawh a ang deuh in ka hria. Cricket hi vai ho zinga awm manah ka en ve ta zauh zauh a, rei ka lo ti thin lutuk a, mah se he T20 version te hi en a nuam tawk reuh khawp mai.Tun tum chu cricket kan lawm chhan pawh tlem chuan a zia deuhin ka hria. Chak lo reng team tan kha a na ve si a, a hahthlak thei lutuk a. Senior player leh Coach tello a World Cup kan la thei hi an fak zawm khawpin ka hria.

India ram a kan chin, tha lo deuh mai, tar ho tello a thalaite che thei lo ang a ngaihna hi an rawn thaichhia in ka lo hria a.Tin, cricket khelh laklawh laia Shahrukh a rawn lang kha, mitin mai khan cricket lam ai khan an en duh zawk khan ka lo hria a. 'Pakistan ho pawh khan an buai phah ta ani e' tiin ka bula a vai chuan a lo comment fiamthu a. Kei chuan rang fahran in 'thisen zawmpuite chu' ka lo ti var a. A nui tawi khawp mai.

Indian Idol 3 a zo leh ta!

2007-09-24T16:35:00.000+05:30

Hui ham.... huna kal zel a, Indian Idol pawh 3 lai kan nei ta. Mizo te hian Idol engzat nge kan neih ve tawh ang aw! Mipui heti zozai mai zinga IDOL pathum chauh neih chu(h)! Tun tum chu a nuam ve deuh.'Gaon wala' pahnihte final an thleng a. Vai ho min tih dan takah. Mizo tel lo mah se vai ho zingah hmarchhak lamah te pawh India a la awm e... tih an rawn pholang chhiang hle mai.An zai thiam leh thiam loh lam ka lo care ve lo a, Javed Akhtar a remarks khan khawchhak mite nih ati nuam a. Ka han thai lang ve mai mai a ni.

Mah se thil pakhat ka sawi hmaih loh tur chu maw... zai thiam an inzai ziak nge ni a, a kut hlei hlei hnam an chak mai tih erawh chu chhut peih te tan a chhut chi niin ka hria. Tan lam nei ran vekin kut kan ti hlei theuh a, chuan a tantu kuthlei nei tam tam kha an chak ta mai niin ka hria.

Buai sawmsarih pasarih-na

2007-09-21T22:32:00.000+05:30

Thenawmpa phei chuan min be duh tawh lo. A mak ngei mai, ka pian a hnu lama hna ka la thawh nasat ber tum ani awm e. Sailor nih manah tunkar phei chu Arabian sea lamah ka rui vak vak mai a, a thlawn a ruih ah chuan a man hla lo ber mai awm e. Vizag lam a tangin "Thianpa, i ti sei thei ltk" tih ngenna shout box-ah ka lo hmu e. Lo chhiar zawh kher tur tihna ani lo a a nia. Ka ziahsa pawh ka post hlei thei si lo a. Ka thiam loh ani. Zan dar 12 a dinner han ei zak zak tawh hi chuan mu leh mal hi engtihna nge pawh kan hre thei tawh lo a ni e.
Kar leh lam a tang chuan regu ve tawh ang tihi ka tiam e. Thianpa Kartuun lawma hmingin!

Van kal kawng zawhin!

2007-09-06T22:23:00.000+05:30

Van kal sialte, vankal cup la tih te hi chu kan hre furin ka ring a. Kei pawh van kal kawng zawhin vairampur atanga lungleng tak a ka haw ve chu kar hnih ngawt mai kal kawngah ka inbengberek a. Kum tam liam ta chu a ni lo, mah se kum sang bi thar a ka pianna Zoram nuam panna kawng, kum khat zet rawlthar vairampur awm ve, lungleng ve tawh tak haw kawng anih avangin ziah loh chi ah ka ngai lo ani.
Aizawl pawh pel reng reng lo khan kum sang bi tharah khan India ram hmun hrang hrang - Orissa nipui tuar zoin, Vizag(AP) ah favang awllen ka hmang leh a, chumi hnuah Lonavla/ Khandala(MH) ah thlasik ka intuam hlawm leh a. Kum 2002 March thlaah chuan Cochin(Kerala) ah min transfer ta a. Zoram ngaih chu na ve tak ani. Min ngaizawng lem lo 'biangnoi' te kha ka ngai em em tawh mai a. D' nei lem lo khan
Aw kar a hla,
Duhlai mi u........... kan ti ve vawng vawng tawh mai a. Chhungte hnenah 'in dam tha em?', ' ngaihtuah ka ngai lo ania' tiin lunglen zahzelah biakhlatna kan hmang sek tawh mai kha ani a.
August thla ahan her a, chawlh ka hmu ve ta hlawl mai a. Ka neih chhun ang ang a ka bazar hnu chuan August ni 11 tlai dar 5:30-ah Ernakulam Jn ah Cochin-Guwahati Express-ah ka thu ve ta vang a. Rel a ni thum zet kan rik chhoh boh boh hnu chuan ni 14 tlaiah Guwahati ka thleng ve ta hram a. Indian Stupid Time(IST) zet hi chu aw! Chhun dar 11(a hun dik tak) ah chuan thleng hi ila ka haw kawng ka chhunzawm ve hman tur hi ania. Mah se helho in min bandh hnan ta sia, tui lo zetin Hotel Vandana ah zan ka riak ta a. A tuk Independence Day ani a, tlai lamah chuan bandh atawp ang an ti a. Mizoram House lamah ka phei a, haw chak ve tak tak dang 7 lai ka va hmu a. Doctor-te, sipai chhuti haw tur te leh missionary haw tr te kan ni nawk a.
NI 15 tlai a lo ni a, bandh a tawp mai loh avangin sumo kan hire a, kal luih zai kan rel ta a. Guwahati kan pelh fel hma ni Meghalaya lamah bandh nei nei ve leh tih kan hre ta a. Mah se kan driver huai zarah leh keini hoin a in thlen kan chak tawh a zarah kan kal lui ta hram a. Thaw dep depin zanlai pelh ah Shillong kan lut a, kan driver-in ' ahlauhawm tawh lo e' atih zarah ka muhil ta a. Zing chaw Vairengte ah kan ei a. Vawksa thau ei duhlo in ti thin khan hnar ngul kham vek khawpin kan ei mai a(h)! Nuam tak ani. Chaw kan ei kham chauh a, ' Rengtekawnah lei amin, a kal tlang theih loh' an rawn ti. ' kan Highway neih ve chu(h)!' tih mai a awl tawh khawp mai.
Leimin chu kan va thleng hram a, a tlang mai hmel loh avangin Bilkhawthlir lamah kan let leh a. Mah se kan sipai chhuti te pahnih chu an bungrua an la lawk a, ke in tlang an hel ta niin ka hria. Ka tum ve hma hma in chhunglam in ' vangvat a tam lutuk' a rawn ti a. Rang mangkheng in motorah ka thu lut leh ta a.Zanah nuho chu miinah an riak a. Mipa pahnih la bang te chu motor-ah kan riak ta a.
August ni 17 a ni a, ka haw kawng ni 7-na chiah a ni. Zing ka han harh chu Sumo seat lai a mu khan min lo thawhsan daih mai a. Kan motor dinna chu a lo ramhnuai ta si a. Ka tho a hman tep a. Mah se, front seat a thu pahnihte chuan mak tih hmel tak a an chunglam darthlalangah chuan min lo thlir reng a vang chuan ka muhil(?) tha leh ta a. Ni hnih dang kan nghak leh a, ni 19 tlaiah motor-te chu a tlang thei ta a. Kawi nawk nawk chungin an liam zel a. Kan hun a thleng ve ta! Kei chuan tlawmngaih chhuahin, motor-in rit ati ang tih hlauh vang in ke ngatin ral lehlam ka lo va kai san a. A zanah chuan Aizawl kan lut ta hram a.
Ni 8 leh zan 9 kan thang hnuin Zawlkhawpui ka thleng ta a. Mah se, Zokhkawpui pan ka la ngai si a. Seling chhakah (eng bus nge ni ta ka hre lo) kawng min in a lo liam pui ta daih mai leh nghal a. Zawlkhawpuiah chuan kawng tlang hun nghakin ka ute bulah ka cham ta a. Lungleng vak tawh lo hian ka zan thil lei hawng ka zai rut rut a. a tuk zingah kan thenawm nu in kan u hnenah, "In mikhualpa hi mi a ang vak lo a mi?" a lo ti hi a ni awm a. Kum nga zet lehkha zir a inthenawm kan nih hnua hnunglam a tang a khatia in tih chu ka lungawi lo ve khawp mai.
Ni 3 zet ka nghah hnu in, a talng mai dawn lo an tih a vangin ke a tlang hel huam in ka haw kawng ka chhunzawm leh ta a.Vanneihthlak takin Assam Rifle ho ration thiarin (vai tawng sipel bauh bauh theih ve tawh zarah!) ka tawmhnaw te min khai kai sak ta hlauh mai a. Berh phungin mual lehlamah Sumo-ah bawk ka chuang leh ta a. Ti chuan tluang takin ni 12 leh hnuah chuan Zokhawpui chu behliang mun hun velah ka thleng ta a.
Suangtuahna a'biangnoi' awzawng khan min lo hmuak lo a. Thiante ho kekawrte lang fual fahran mai kekawr ha in, sam kawkalh nuaih a chunglam thlir nen min lo hmuak ta zawk a. Chutia in lam pan a kan kal lai chuan Zokawpuiah vairual hi kan tawk ta tlat mai a. Thiante chuan, "Super market tur satu te an nih hi" an ti mai a. Ka rilru te tein 'thalaiten hnathawh tur kan indaihloh(?) laiin kan super market sa tur in vai ngalfim a ni maw...' ka ti vawng vawng a. Tichuan vawksa rep a feren antam thlak leh tinreng bai, ka nu siam ngei mai chuan zanriah kan kil ho ta a.

Down but not OUT!

2007-08-27T21:22:00.000+05:30

Tunlai chu buai a na deuh ani ange, kan online hman meuh hlei nem. Thianpa Davida'n min dam loh san vei nen. Tlawh kha a phut ve ropui si a, ka va leng ve hram a. Mumbai khawlum-ah balangket in a lo intuam hlum mai han hmuh chuan chhungte hrilh vat chi anih hi tih mai a awl khawp mai. Mah se, han biak takah chuan a nui mawi tak chuan min lo seih a, a la thaw ve e tiin ka hlim ta phian a. Patling pa ve tak mai, an in seh ruh han hmuh meuh chuan "Awi ka nu" ka lo tih khalh tep a. Vizag lam lam a thianpa Bena han phone ruai tak mai kha ka nap a. Mah se Da a nge nge Biangnoi hming ka han lam takah chuan a biang sum no nalh tak mai chu a rawn khuar ta kak a. Hlim takin (a hmuhah chuan ka lungngaih ve hmel khawp mai(?)) ka liam san leh ta a. Hma lamah hna hlen tur kha ka la ngah ang reng sia.
Tichuan karhmasa buai tawk tawp nan chuan hun ka han hmang a. Tlai lamah Mumbai Freshers te lawmna lamah ka liam phei ve ta a. Kan veng a awm si kha, kan kalkhawmna tur kha ka hre lo a, ka bo ti tih ta der mai a. Thianpa Hmaa ka va rawn a, zawt chung zelin Starling Cinema Hall kawtah chhukin St Columbia Hall chu ka thleng ve ta hram a. Dekchi/ bel lei turin min tir zui nghal a, vaipa nen kan zawng kual hrep a, thifa hnukchhatin hall kan let leh ta hram a. Prog. min lo tan san a, a pawi lo e. Rawngbawl kan tan zui ta a.Nula ho an chhe lo khawp mai. Nula pakhat chu a fengchhing lutuk a, thianpa ......a'n ' rai a chak hmel' ati . Fashion Designer lam an rawn nalh hle a. Tlangval lam lah an rawn simaat hlawm bawk. Kan LO te nupa an hot hle mai a. Tv Mafaka'n hneh tak mai in programme a kaihruai bawk a.Debate ah tawngthei min ti hle. Mumbai ah chuan Total Prohobition kan lo phelh der mai a sin. Prog a dul dawn viau laiin a tawp lamah Tv Matluangtea leh a thiante'n mawi tak leh hot tak mai in 'Aw Herthuli', 'Betuamale' tih te leh 'Tunge hril zo ang, Ka suihlunglen ve hi... 'an rawn ti chiah mai chu... tlar hnung lam an lir lo chauh mai maw le. Tv Mapuia pawh a inperh nui tut tut mai a, Tv Hmaa pawh a lo zaithiam reng tih ka hre chhuak thar bawk a. Hlawk thlak tak ani.
Ruai ropui tak mai in khar ani zui a. Chaw ei a hun meuh chuan saptawng leh vai tawng chawah kan hmeh tel a, chaw hmeh a tam duh khawp mai. Nula Helen leh Sentei rawngbawl an thiam in an mawng an zo hle. Kan hlim tlang a niang kan tin zo hma e mai. Kar khat buai khah chhilh nan chuan nuam tak a ni, a ngawl vei chi tak niin a kal ve lo ber Daa'n a hria.

Kar tluan summary

2007-08-10T20:59:00.000+05:30

Tunkar chu kei leh kei lo ang in ka buai ve em em a. Kan hman lo ve teh tlat a. Ka hman hram leh news chhiar nan ka hmang zo bawk sia. A ho angreng khawp mai. Thian thenkhat ten saptawngin ngatinge i tih tak daih a an tia, engdang vang mah ni lo e.. ka han ti teh ang.Tu emaw danah ad-revenue ka awh vang deuh mai mai ania. Google Adsense ka dah ve a, Mizotawng kha an lo pawm awzawng lo mai a. Chuvang chuan a tih bum nan saptawngin kan chhu ve ta tlauh tlauh rih anih kha. Hei ka dah fel ve thei ta hram e. C ya next week

A forwarded mail!

2007-08-06T20:40:00.001+05:30

Everything I need to know, I learned from Noah's Ark.

ONE: Don't miss the boat.

TWO: Remember that we are all in the same boat.

THREE: Plan ahead. It wasn't raining when Noah built the Ark.

FOUR: Stay fit. When you're 60 years old, someone may ask you to do something really big.

FIVE: Don't listen to critics; just get on with the job that needs to be done.

SIX: Build your future on high ground.

SEVEN: For safety's sake, travel in pairs.

EIGHT: Speed isn't always an advantage. The snails were on board with the cheetahs.

NINE: When you're stressed, float a while.

TEN: Remember, the Ark was built by amateurs; the Titanic by professionals.

ELEVEN: No matter the storm, when you are with God, there's always a rainbow waiting.

Happy Friendship Day!

2007-08-06T20:40:00.000+05:30

While we were having breakfast yesterday, I was greeted ‘Happy friendship Day’ by one of my colleague with a warm smiling face. ‘Is there any day called friendship day’ I was amused and continued,’ you mean Raksha Bandhan?’ Before I could finished, my cell phone beeps twice and there was a friendship day sms. Thanks to technology (?), I couldn’t reply her as she was an Airtel subscriber and mine- an MTNL one (I can’t send sms to airtel and reliance subscriber of the some region). Then a couple of smses reached my inbox, each with an emotional and heart touching. I don’t mean that they are fake and just flirting (I don’t hate them either!), but does it really mean that they would stand by me through thick and thin.
I am not trying to disappoint those ‘FRIENDS’ who cares about me to send such a heart rendering smses. But I just warned them that friendship does costs a lot. See the controversial Jessica Lal murdered case, friends of Manu Sharma-the accused; Vikas Yadav and Amardeep Singh Gill were sentenced to four years imprisonment each for helping the accused by destroying the evidence. In actor Sanjay Dutt’s case, Yusuf Nullwalla and Kersi Adajania are serving jail sentence or five and two years each respectively for their roles in destroying the AK-56 in the name of friendship.
For me, each day is a friendship day. The Bible by my side, there is a true friend-Jesus Christ who reassures me, never fails me and guides me through all the hurdles of my day. Then comes the night and the Bible my side, it comforts and guards me while I’m in a deep slumber.........

Justice after 14 years!

2007-08-01T19:39:00.000+05:30

It was a victorious day for some yet a distress for the rest. Yesterday, the verdict of the actor Sanjay Dutt was announced and finally justice was justified err. I am not a movie buff, not at least Bollywood. But I do aware of this actor named Sanju Baba and heard often especially when talking about something in 'Tapori language'. Everyone loves him so I think I don't hate him either. Now let's come to the point, we all know 92-93 Mumbai Communal Riots and the aftermath, Bombay Serial Bomb Blasts. The trial took for 14 years to complete and some of them got for life imprisonment which some already had finished their sentenced or finishing. Moreover, some public prosecutors and some hard hearted politicians called that as justice at last. Anyway I'm not mixing the case of Sanju Baba along with those terrorists as he was already let off from TADA. He was accused of possessing illegal arms(AK-56 and Pistol) under the Arms Act. It was iilegal and still illegal. So, he should not go unpunished and Judge Kode was just doing his duty, the law is blindfolded.

What I didn't understand is that while someone, given death penalty or life imprisonment sought for release and often granted before their term finished on the ground of being behaving good and showing change in their life since some 10 years back or so. On Sanju Baba's case, he's not only shown and maintained his good behaviour since the last 14 damn years but also had no criminal record in the past, he has been a good fellow citizen.Taking into consideration of all these, I tried to understand why the people is crying the the law was too harshed to him. I thought about the trauma he must have been living through all these years. Anyway law should be enforced as he had made a mistake and he still can see silver lining and let's hope the Apex Court will be having a soft corner for him (err..)

Laage raho Munna Bhai........................

Professor, not Ex-President! - Kalam

2007-07-28T21:22:00.000+05:30

This is what the former peoples' president wanted to be known! In fact, he was quite comfortable at the old time favourite restaurant with old pal at Chennai recently. I supported, I do support and will always be a loyal follower whatever be the reason and the cause. Why he should be addressed as the former President while he was denied of his last wish of moving out to the 8th Rajaji Marg and instead accomodated him at 10 Rajaji Marg which seems that it'll will not be ready this week (from the media report). Ho hummm... this is the respect we gave to one of India's greatest ever President who didn't lose the common touch during his short stint as the head of Indian Republic. Whatever be the mood swings of the Indian people, I hope he'll be enjoying his next term as the Professor at Anna University. Yet I do pray that the government is following his guidelines to make India a developed nation by 2020.

Vaiho zara dam kan lo ni!

2007-07-25T20:32:00.000+05:30

Vawiin chu enge maw ni ka tih ka hre lo, vaiho ka tan rilru tlat pek a. Thangkhat lianlai mai vaiho zinga chen vangah te kan puh dawn ngawt a, ani chiah chuan ka hre bawk si lo a. Enga ti nge maw ni kan Indian nih pui vaiho hi heti huat akan huat a, naupang thleng rilru akan tuh tak tlatna chhan hi ni ang le ka ti a. Ka thenawmpa chuan," Vaiho te chu awmlo se chuan pawl thenkhat hotu ten chaw an nghei mai ang asin" atia. A ni awm mangtak e aw ka ti deuh a. Kum rei vaklo kalta a Aizawl a lehkha zira in ka luahna bul lawkah chuan vai hnenah engpawl emawni hruaitu te chuan sum an rawn khawn a. Dawt chu ani lo ania aw. Tun tuma kan buai chhan chu enga pawh ni se, (ka ngaizam tihna ani bik lo a) a suala te zarah midang kan hrem leh nghek mai thin a. Kan chhak lam unauten min ti buai a kan zu zuar ru te, factory a thawk te khilam anni tih hre reng chung hian Tiau ral kan thawn kai hlei thei lo chu a nia.
Kei chu vairamah hian ka in timikhual bik miah lo ania. Kan MZP President sawi ang khan vairengte hi i kan phawt mai ang u, chuan vai ngalrek tia kan diriam ate hian kan tlai chaw tur min dan chah sak tawh bik lo ang. Miramah hnathawh tur zawn kan la ngai lo niah kan ngai anih chuan, hawh u vaiho te hi i um haw zel ang u. Kan intodelh thei a nih chuan hawh u, i um haw zel ang u. Mah se kan theih hma hi chuan remchanna i in lei tawn zel ang u. PRODUCT kan la nei tlem e mai. Ka ziak tawh lo mai ang, ka thenawm pain min melh rum tawh e mai kan la chhunzawm leh dawn nia.................

A great theorist-Prof.B Arunachalam

2007-07-20T18:08:00.000+05:30

I've just came out from a great lecture by Prof Arunachalam though I've never heard of his name before. It was organised by Maritime History Society(India). He looks old and frail but still have energy to share his wisdom. I'm not mentioning about the topic as the topic was out of his own subject( Retired Head of Dept of Geography Bombay University). I like the way he delivered the punch and how he encouraged each one of us to take up the challenge. He is rationalist and above that he is among the living true patriot. He urges not to depend on the white skin fellow to unearth the true India, the past and the present. He emphasised the need of the hour in modern special knowledge era, the compartmentalisation of subjects which is leading us to ignore the generalisation of knowledge.
Moreover, I like the way he shot back queries from fellow audience. One put up his query with a vague example from Hindu Mythology. The answer was prompt,"Don't mix up with mythology" though he himself referred to elaborate his theory from the OLD UNQUESTIONABLE Bible. I like that and I was happy enough to grin and say," See, Bible stands the test of time". And the rest, I was in a deep slumber.. he he

Potter-a nge Mr Prez?

2007-07-19T22:04:00.000+05:30

Tunkar chu president thlan lamai chuan Potter a final showdown result kan hre chak hlawm ni in ka hria. Tunge Harry-a tih phei chu ka hre law, vawikhat chu a film ka en ve a, a lem mah mah law maw... ka ti deuh a. Eng tiang chiah in nge Zoram lamah nghawng aneih leh ang aw tih chiah ka rilru ah a awm a. Kan tih lam hi chu kan ti viau aniang chu ka tia. A chhan chu kan poll ah hian over kan in ti deuh ni in ka hria a. Saptawngte kan thiam phah deuh ang chu maw. Kei zawng ka thiam thei reng reng lo mai. President meuh thlan ai chuan kan media ho hian Potter-a bu tawp dan tur kan inrin siak vel ta mai mai ni ta berin ka hria. Engpawh nise, Valdehhuaia(?) ami maw ni kha a thi a ni awm e! Rilruah lang lo mah se nitin chanchinbu phek ah ka hmu ziah a, in ngaihdan te a lo ni ve emaw! Hilton i jail tang ang mai a, nitin Hilton Prison Diary chhiar a chhiar chu ka ning kei chuan. Kan Zoram lam chanchinbu mite pawh hian entawn tur kan lo nei tha em anih hi ka tia. Zoramthanga thlam neih len leh len loh te Lalroutmawi a che sual/sual lo tih vel kha ning hlui in ka lo chhiar tawh pek a. Engpawh ni se .. in thu thu ni se!

A ber kan hauh thinna hi!

2007-07-16T22:24:00.000+05:30

Karhmasa chu ti ti kal vel ka ngaithla kual a, vai beng leh sap beng thleng phak chanchinbu leh visual media lamah te hian a tha zawng hian kan lang khat tih leh lungawi ahar thu te ka ngaithla mai mai a, Mizoram sawrkar tana kum tam lo thawk tawh te, India sawrkar tana thawk mek Zoram pawn ami te leh leh Corporate sector lama thawk te chuan AMAK an ti tlang ani ber mai. Chutih lai chuan Times of India, The Hindu te leh New Indian Express (ka chhiar ve thin te) phek tawp lamah hian Mizoram tih a rawn lan tawh chuan kan infiam mite an ni ziah mai leh nghal a. Chuti chung chuan Assam Rifle ho lammual hi kan la thlek ngawih ngawih reng mai chu ani sia.

In lo chhut ve em ka hre lo a, tun hnai mai, thla hnih khat chhung a national newspapers lian deuh ah leh net news services ho zingah Mizoram chanchin hi mut theih lohna tham zu han tar lang teh tlat a.A tlangpui te han tarlang zuai i la, Times of India in aILO(International Labour Organisation) survey on Child Labour ah Kan TOP tih a rawn tarlang a. Chu mai bakah Yahoo news, Zeenews leh Sify ho sites ah lian zet mai hian Mizoram Children are getting addicted to porn tih Jun ah kan hmu bawk a. Pa pakhat chuan,"Human Rights Violation-te hi rawn survey law law se la chuan, pakhatna nihna dang kan nei leh mai tur ania" ti nang nang chungin SAVAWM BAWM leh SRS ho chungchang te asawi zui ta a. Ka pawmpui zawng tak ani teh tlat a enge in ngaihdan ka hre lem lo a.

Vawiin chu..........

2007-07-02T21:26:00.000+05:30

Kar khat chuang ruah surin min dang a, chawlhni pawh inkhawm thei leklo in khua in min chhiat hnan a; mah se chunglamin kan tawngtaina a lo ngaithla a, vawiin chu khua a rawn thattir a. Tlaiah thianpa David-a ka sawm chhuak a, tum lo deuh mai in kan bazaar ta vak a. Mumbai a awm manah Hutatma Howk( Old Flora Fountain) ah kan tei kual a, branded item ngei mai FIXED rate cheng 70 in duh kan thlang a Van Heusen leh Pierry cardin vel te kan thing ta mai mai a.
Amaherawhchu blog han update na tur cafe tlawm kan pana kan nghak ta reng a, khawpui to tawk zawng alo ni e kan ti leh ngawt a. Chung zawng zawng ai chuan nizanah thianpa Hmaa'n min rawn call a, "Thianpa, Pu Thianga a lo thleng a vawksa rep hnihna ngei kha a rawn keng a, bai nen- i ngaihtuahna a i duh ang thlap eki tur ka nei nia" arawn ti mai chu Colaba atangin relin Lower Parel ka pan ta vang vang a, ka puar hle ani tih ka rawn sawi mai mai a. Vawksa rep ai mah khan Pu Thianga BAI kha a nia ka pum ti tlai tu chu. Min lo deuh mai thei na chu... (ka pai viau lo ang chu maw!) Mizo ka la ni fan e tih na mai ania. C ya in the week ends!

Down and Drowned with Dignity!

2007-06-28T20:13:00.000+05:30

The other day, the weatherman predicted heavy to very heavy rain and wind. There came a mission, a mission of search and rescue! A ship got grounded and sank in the Arabian Sea. After 3 days, 12 of the crews either made it to safety or got rescued, still two were missing- the Captain and his cook.
We cast off at dawn on the third day (after it sunk) and sailed with a mission, a mission to accomplish. As soon as we left the harbour, the ship started rolling and pitching heavily. I was in the engine room till 8 in the morning and after that I went straight to mess deck and laid flat in my bunk with a heavy headache. I felt queasiness and nausea but nothing came out as my stomach was empty. I prayed that when this’ll became better as it had been more than half a decade or something like more than a thousand days at sea. The sea was not so mercy and the waves splattered all over the foxle( forecastle) and the quarter deck (I wondered how Columbus and Vasco-da-Gama ventured out to find a new land with a magnetic compass and a sail), it was the roughest sea I’ve experienced after that day we crossed the Suez Canal entering the Mediterranean Sea on our way to Italy four years back.
I hardly recollected what had happened during that eight hours except the noise made by unsecured items banging from bulkhead to bulkhead as the ship rolled from port to starboard. I was then shaken up at around 4 in the evening. I felt a bit better as I heard we’re heading back to the harbour. Walking through the alleyway leading to quarter deck, I saw some divers, seamen and sickbay guy surrounding something like a corpse wrapped in a white sheet (it was like those mummies I saw in the Cairo museum).
I was right; it was a dead body which was recovered from the sunken ship. Everyone was in grief and sorrow. There came a thought in my mind… once he might have been an impressive Captain with dignity, living life king size and ‘Full Ahead’. When the ship was about to sink, he’d be the man who ordered, “Abandon Ship”. His all men made it to safety but he preferred to go down along with his ship with DIGNITY, a dignity (not vanity) which every mariner boasts off. Now he himself was given ‘Finished with Engine’ order without ‘Dead Slow or Stop’ regime. I had a silent prayer and thanked the Almighty for giving me another day to live. Then suddenly a giant waves came from the starboard quarter and splashed all over the weather deck to bid adieu to their OLD CAPTAIN. A siren was blown from the Bridge and lo…. The Queen’s Necklace (Marine Drive) was sparkling as if nothing had happened. We’re at the harbour channel and I checked my ‘LIFE JACKET’ once more……………..!!!

Kan va buai ve o!!!

2007-06-25T21:55:00.000+05:30

Tun kar chho exam buai ve mah nak alaiin leh monsoon ruah in tan chho in ka nunphung ati khaih lak zo vek mai a, mail ka check hman tawk tawk hi ani ber e. Chutih laiin Times of India(Mumbai Edition13 Jun) ah Mizoram tops in Child Labour tih leh Mizoram Children getting addicted to porn tih thupui Yahoo ah leh Zee news Bureau report-ah kan hmu bawk nen! A va han buai thlak thin em!
Mak katih deuh mai chu Mizoram chanchin hi kan lo hmu ve nual ta a, sap chanchinbu leh vaichanchinbuahte pawh; tin, information superhighway ah te thleng pawhin. Engati nge ni kan infiam mite chanchin tih loh hi chu chanchin vaiho hanintihtheih khum tur hi kan nei vang thei em em mai a. ka chhiartirh chuan beng pawh ka khawn peih lo a, mah se Misual.com ah tv Arun a'n arawn tarlang leh ta sia. Ka zak leh hnuhnawh angreng ltk a. Keini ai hian chhehvel ami te hian min ngaihsak zawk nge nia tiin chanchin ka'n chhui zui dawn a a blog-ah lah a lo dah tawi ang reng sia. Val aka bo leh a a photo atrang chuan zohanhthlah chu anih chiah lohhi te ka ti vel ta mai mai a.
Ka travelogue ka post ve tan ang chu kan tia, buaina hlir hian min chim ta ni ber hian ka hria 2002 vel a ka regu ang kha a ni ta dawn lo tawp mai tih ka hre chhuak a, Ka tlai thei ve reng reng a ni! Poilo e, ka zoram pawn fan chanchin hriat ve chak a min lo fuihve tu te (a der mah nise) lo trang fan fan rawh u. 5 more days to go!

Apocalypse.... 2060? -Isaac Newton

2007-06-19T19:43:00.000+05:30

Pu Newton-a Laws of Gravity leh kan planet chet vel dan zir kawnga sulsutu pawimawh ber mai, Sir Issac Newton tia tlang hriat chuan khawvel hi kum 2060 ah a tawp dawn e ati mauh mai a. Hei hi Roman Empire din atanga kum 1260 na chiah ani tih tun hnai a a lehkhathawn phawrh chhuah thar ah chuan a in ziak tlat mai. Tunlai scientists te tan a vanneih thlak takin he thil hi reasoning lam ai mahin asakhaw sukthlek lam atanga a ngaih dan ni a sawi ani( Chuti nilo se chuan kan mithiamten a dik leh dik loh chhut chhuah tumin an buai vut vut mai thei ani).He lehkha kum 1704 a ziah hi a vawikhatna a tan Jerusalem a Hebrew University ah tlangzarh ania. Newton hian he khawvel tawp apocalypse hi Bible a Daniel abu atanga chhut chhuah anga sawi ania mah se, khawi bung leh chang ber nge a tlawh chhan erawh a chiang lo. Daily Mail chuan " .. the note reveals a deeply spiritual side to a man more usually regarded as a strict rationalist" a ti nghe nghe.
Mahse he lehkhathawnah hian kum 2060 a khawvel tawp tur hi chiang takin a sawi a," It may end later, but I see no reason for its ending sooner" atih bakah, " This I mention not to assert when the end of the time shall be, but to put a stop to the rash conjectures of fanciful men who are frequently predicting the time of the end, and by doing so bring the sacred prophesies into discredit as often as their prediction fail" ati nghe nghe. Founder of Modern Physics tia kan hriat ber pawh hian Bible hi a lo ring hle mai tih a lang a. Tin, kum za liam fe ta atang khan khawvel tawp hi kan lo inrin siak tawh a, mite kan lo inbum nasa hle tawh tih alang a. Mah se khawvel tawp hun tur hi chu Bible ah chiang takin a inziak a. Pa chauh loh chuan tumahin an hre lo Fapa in atih kha.
Pu Newton a chuan khawvel tawp hnaihah chuan,"... the ruin of the wicked nations, the end of weeping and of all troubles, the return of Jews(from) captivity and their setting up a flourishing and everlasting Kingdom". Hei hian thil pakhat min hriat chhuah tira. Ringlomite zinga awm tih taka ka thian pakhat chuan ( He's an atheist), " If God can do everything and controls everything, why playing with us human?" tiin," Why the corrupt and sinners are prospering and why the poor and the innocents suffers?". Ka chhan ngaihna hriat zawng zawng hi a bo vek mai a, ti hian ka ti a, " Aw Lalpa, chanchintha hi engtikah nge ramtinah hrilin a awm ang?"

Newton in romantic mood......
Universal law:" Love can neither be created nor be destroyed; only it can transfer fromOne girlfriend to another girlfriend with some loss of money
"FIRST LAW:" a boy in love with a girl, continue to be in love with her and a girlin love with a boy, continue to be in love with him, until or unlessany external agent(brother or father of the gal) comes into play andbreak the legs of the boy.
"SECOND LAW:" the rate of change of intensity of love of a girl towards a boy isdirectly proportional to the instantaneous bank balance of the boy andthe direction of this love is same to as increment or decrement of thebank balance.
"THIRD LAW:" the force applied while proposing a girl by a boy is equal and oppositeto the force applied by the girl while slapping

VaiVa v2.0

2007-06-13T18:26:00.000+05:30

v1.0 a flopped ta si a. Ka hun neih zawng zawng ka han sawm khawm a, rinaiin a hlui ai chuan a lo changkang tih ka hre chhuak a. Update thuai thuai ka chak tawh khawp mai, mah se ka hman bik thlawt lo a tin a ni! Old patron te lo la kal bo suh u tunkar ngei hian ka update tan ve tawh ang! TINKIM i han dawn leh tak tak teh ang oooooooooo!!!

VaiVa

2007-03-27T21:20:00.001+05:30